ការសម្រេចកាមដោយខ្លួនឯងរបស់បុរសជារឿងមួយជួយកាត់បន្ថយអារម្មណ៍តានតឹង និងស្រ្តេស។ ការសម្រេចកាមដោយខ្លួនឯងជាតម្រូវការមូលដ្ឋានមួយរបស់បុរស។ មានការសិក្សាជាច្រើនបានបង្ហាញថាបុរសអាចសម្រេចកាមដោយខ្លួនឯង ៣ដងក្នុងមួយថ្ងៃ និងប្រហែល ៦ដងក្នុងមួយសប្ដាហ៍។ ហើយបើករណីច្រើនដងពេកក៏ធ្វើឱ្យបុរសខ្សោយថាមពលទៅវិញទេ។ មានសំណួរថា បុរសសម្រេចកាមដោយខ្លួនឯងច្រើនដង តើអាចខូចតម្រងនោមទេ?
យោងតាមគេហទំព័រ Formen Health បានចុះផ្សាយថា អ្នកខ្លះគិតថា ការសម្រេចកាមដោយខ្លួនឯងមានផលប៉ះពាល់នឹងតម្រងនោមចុះខ្សោយ។ តាមការស្រាវជ្រាវវិទ្យាសាស្ត្របានបញ្ជាក់ថា មុខងារចម្បងរបស់តម្រងនោមដើម្បីចម្រុះកាកសំណល់ និងជាតិពុលចេញពីឈាម និងរក្សាជាតិទឹកមានតុល្យភាពក្នុងរាងកាយ វាមិនទាក់ទងនឹងសកម្មភាពផ្លូវភេទនោះទេ។ ហើយការសម្រេចកាមដោយខ្លួននាំឱ្យខូចមុខងារតម្រងនោម ជារឿងមិនពិតទេ។ ព្រោះតម្រងនោមជាសរីរាង្គដែលធន់ទ្រាំនឹងការបញ្ចេញចោលកាកសំណល់។ ដូចនេះ ការសម្រេចកាមដោយខ្លួនឯង វាមិនបង្កឱ្យមានហានិភ័យដល់សុខភាពតម្រងនោមនោះទេ។
បើយោងតាមគេហទំព័រសុខភាព Vnexpress បានចុះផ្សាយថា តម្រងនោមជាប្រព័ន្ធទឹកនោម វាមានតួនាទីបញ្ចេញទឹកនោម វាមិនពាក់ព័ន្ធនឹងដំណើរការក្នុងការបញ្ចេញទឹកកាមរបស់បុរសទេ។ ដូច្នេះហើយ ការសម្រេចកាមដោយខ្លួនឯងមិនមានប៉ះពាល់ដល់តម្រងនោមទេ។ ប៉ុន្តែការសម្រេចកាមដោយខ្លួនឯងច្រើនដងពេក ធ្វើឱ្យអ្នកប៉ះពាល់ដល់សុខភាពរាងកាយ សុខភាពផ្លូវចិត្ត ប្រដាប់បន្តពូជឈឺចាប់ គុណភាពការរួមភេទចុះខ្សោយ និងបរិមាណមេជីវិតឈ្មោលក៏ធ្លាក់ចុះខ្សោយ មានអារម្មណ៍ភ័យខ្លាចក្នុងការរួមភេទ និងការលំបាកក្នុងការរួមភេទជាមួយដៃគូទៅថ្ងៃអនាគតថែមទៀត៕ អត្ថបទដោយ៖ ទ្រ សុភាព