ប្រទេសកំពុងតែអភិវឌ្ឍមួយចំនួនមានបញ្ហាធំមួយគឺបញ្ហាមហារីក។ ជំងឺមហារីកនេះកំពុងក្លាយជាបញ្ហាប្រឈមថ្មីសម្រាប់ប្រជាជនខ្មែរយើងខ្លះដែរ។ តាមរដ្ឋមន្ត្រីសុខាភិបាលលោក ឈាង រ៉ា មានពលរដ្ឋខ្មែរយើងដែលកើតជំងឺមហារីកថ្មីមានចំនួនប្រមាណ២ម៉ឺនករណី ហើយចំនួនអ្នកស្លាប់ដោយសារជំងឺនេះមានប្រហែលប្រមាណ១ម៉ឺន ៤ពាន់នាក់ក្នុងមួយឆ្នាំៗ នេះជាតួលេខកម្រិតខ្ពស់មួយ។
យោងតាមក្រសួងសុខាភិបាលប្រកាសអាសន្ន៖ រាល់រយៈពេល ៤០នាទីម្តង មានមនុស្សស្លាប់ដោយមហារីក ដោយសារញាំបាយប្រអប់ស្នោរ ម្ហូបក្តៅៗ ច្រកចានជ័រ ថង់ជ័រ នេះជាមូលហេតុធំកើតមហារីក "ឥទ្ធិពលនៃប្លាស្ទិក"”។ នេះជាកត្តាមួយដែលយើងគួរយកចិត្តទុកចិត្ត កុំសូវប្រើប្រាស់ថង់ជ័រច្រកម្ហូបច្រើនពេក។ ពេលយើងមានទម្លាប់បែបនេះ យូរឆ្នាំសារធាតុគីមីក្នុងថង់ហ្នឹងនាំឱ្យយើងកើតជំងឺមហារីកបានដែរ។
បើតាមលោកវេជ្ជបណ្ឌិត Danai Theewanda បានប្រាប់ថា ការប្រើប្រអប់ស្នោអាចឱ្យកើតជំងឺមហារីក។ នៅក្នុងប្រអប់ស្នោមានសារធាតុប៉ូលីស្ទីរ៉ែនអាចធន់នឹងកម្តៅអាហារឬប្រេងក្នុងកម្រិត ១០០០មីលីក្រាម ហើយវាអាចរលាយក្នុងកម្រិតចាប់ពី ៣០០-៤០០មីលីក្រាម។ បើវាក្តៅពេកបែបនេះ អ្នកអាចប្រឈមនឹងជំងឺមហារីកសម្រាប់អ្នកប្រើប្រាស់ទុកអាហារក្នុងប្រអប់ស្នោនេះ។
១. ដើម្បីធានាសុវត្ថិភាពចំណីអាហារ អ្នកគួរប្រើប្រាស់ប្រើប្រអប់ស្នោដែលមានប្រភពដើមច្បាស់លាស់ អនុលោមតាមបទប្បញ្ញត្តិសុវត្ថិភាពចំណីអាហារ។ ប្រើតែប្រអប់ស្នោដើម្បីផ្ទុក និងរក្សាទុកអាហារដែលមានសីតុណ្ហភាពក្រោម ៧០អង្សាសេ។
២. ប្រអប់គួរតែត្រូវបានប្រើតែម្តងគត់ និងបណ្តោះអាសន្នសិនបាន កុំរក្សាទុកអាហារក្នុងរយៈពេលយូរ។
៣. កុំប្រើប្រអប់ស្នោ ដើម្បីផ្ទុកអាហារក្តៅ អាហារខ្លាញ់ ឬទឹកឆ្អិនក្តៅពេក។ កុំប្រើសម្រាប់រក្សាទុកអាហារ និងភេសជ្ជៈដែលមានជាតិជូរ (ទឹកខ្មេះ សាឡាត់ ទឹកក្រូចឆ្មា តែក្រូចឆ្មា...) ឬខ្លាញ់ ឬប្រេងឆា។
៤. កុំប្រើមីក្រូវ៉េវដើម្បីកំដៅអាហារមាននៅក្នុងប្រអប់ស្នោនេះ។
៥. ចូលអ្នកបញ្ចៀសមិនឱ្យខូចសុខភាព អ្នកកុំដាក់របស់ញ៉ាំនៅថង់ ឬស្នោយូរ អ្នកអាចជំនួសមកវិញនូវចាន ឬស្រាក់ ហើយបើចំណីអាហារដែលគោកៗ គួរតែខ្ចប់ស្លឹកចេក ឬស្លឹកឈូកជាដើម៕ អត្ថបទដោយ៖ ទ្រ សុភាព