បញ្ហាស្រ្តេសកើតឡើងព្រោះតែការងារ គ្រួសារ និងស្នេហា ព្រោះជាបន្ទុបឱ្យផ្លូវចិត្តរងសម្ពាធ។ បើយើងមិនអាចគ្រប់គ្រងស្រ្តេសបានហើយចេះតែបណ្ដោយរយៈពេលយូរនោះ អ្នកងាយប្រឈមមុខនឹងជំងឺធាត់ ទឹកនោមផ្អែមនិងបាក់ទឹកចិត្តផងដែរ។ កុំឱ្យស្រ្តេសអ្នកគួរធ្វើរឿង ១នេះ៖
ប្រើរាងកាយកម្ចាត់ស្រ្តេស។ បើរាងកាយរបស់អ្នកមានបញ្ហាស្រ្តេសហើយ វានឹងជះឥទ្ធិពលផ្នែកផ្សែងៗ នៃជីវិតនេះ។ ការពង្រឹងរាងកាយដោយការធ្វើហាត់ប្រាណអ្នកនឹងមានអារម្មណ៍លែងស្រ្តេសហើយមានទំនុកចិត្តលើខ្លួនឯង។ ការរក្សារាងកាយគឺអ្នកត្រូវតែចាប់ផ្តើមធ្វើលំហាត់ប្រាណជាផ្នែកមួយនៃជីវិតរបស់អ្នកឱ្យមានតុល្យភាពក្នុងការរស់នៅ។ អ្នកអាចធ្វើលំហាត់ប្រាណមានដូចជាហែលទឹក ជិះកង់ ដើរ ដើរលឿន រាំ រត់ ឬធ្វើហាត់តៃឈី យូហ្កា ព្រោះតែការហាត់កីឡាបែបនេះវាជាថ្នាំព្យាបាលជំងឺរ៉ាំរ៉ៃ និងបញ្ហាស្រ្តេសយ៉ាងមានប្រសិទ្ធភាពបំផុត។
យោងតាមការចុះផ្សាយរបស់សារព័ត៌មាន CNBC នាយកប្រតិបត្តិវ័យ៦២ឆ្នាំលោក Tim CooK បានឱ្យដឹងថារូបលោកតែងតែដើរនិងរត់តិចៗនៅជុំវិញសួន Apple Park នៅក្នុងក្រុមហ៊ុន Apple បន្ទាប់ពីធ្វើការងារពេញមួយថ្ងៃ។ ការធ្វើបែបនេះមិនត្រឹមតែធ្វើឱ្យគាត់មិនស្រ្តេសទេ បន្ថែមថ្នាំទិព្វដល់ការគិតនិងខួរក្បាលគាត់អាចផលិតគំនិតល្អៗ នៅពេលលោកធ្វើចលនាដូចជាការរត់តិចៗនៅជុំវិញសួនច្បារ ឬការឡើងភ្នំនៅពេលលោកទំនេរពីការងារ។ ទោះបីកិច្ចការសំខាន់យ៉ាងណាក៏ដោយ អ្នកត្រូវយកពេលវេលាមួយផ្នែកតូចដើម្បីធ្វើលំហាត់ប្រាណដែរ ពីព្រោះសុខភាពរបស់អ្នកមានតម្លៃណាស់។
ហេតុអ្វីបានជាពេទ្យណែនាំឱ្យហាត់ប្រាណ? បើអ្នកគ្មានលំហាត់ប្រាណវ័យរបស់អ្នកអាចចាស់លឿនព្រោះតែស្រ្តេសនេះឯង។ បានជាគ្រូពេទ្យណែនាំឱ្យអ្នកជំងឺធ្វើលំហាត់ប្រាណនោះ កុំឱ្យជំងឺនៅក្នុងខ្លួនឆាប់រីកសាយភាយលឿន។ អាចនិយាយបានថា ការធ្វើលំហាត់ប្រាណជួបទប់ឬការពារជំងឺកុំឱ្យរីកខ្លួនធំលឿន។ សម្រាប់អ្នកធ្វើការងារវិញ កុំអង្គុយយូរពេក យោងតាមប្រភព Pobpadបានចុះផ្សាយថា អ្នកអង្គុយធ្វើការរាប់ម៉ោង នេះជាបញ្ហាឱ្យកើតជំងឺគាំងបេះដូង។ ពិសេសកើតលើអ្នកធ្វើការងារច្រើនម៉ោង និងគេងតិច ដូចជាជនជាតិជប៉ុនធ្វើឱ្យមានការគាំងបេះដូង។ គ្រាន់តែយើង ប្តូរពីការអង្គុយយូរ មកជាឈរនិយាយគ្នាបន្តិច ឬងើបធ្វើលំហាត់ប្រាណបន្តិច នេះគេហៅថា ចំណាពេលបន្តិច ថែសុខភាពរយៈពេលយូរ៕ អត្ថបទដោយ៖ ទ្រ សុភាព
អ្នកអាចទិញសៀវភៅ លំហូរចិត្ត តាមនេះ https://t.me/hangchhengH24