សព្វថ្ងៃនេះ មានមនុស្សជាច្រើនកំពុងតែកើតជំងឺទឹកនោមផ្អែម មកពីរបបអាហារហូបជាប្រចាំថ្ងៃ ដែលមានរសជាតិផ្អែមច្រើន និងភេសជ្ជៈលើសជាតិស្ករផងដែរ។ ប្រសិនបើអ្នកចង់ការពារជំងឺទឹកនោមផ្អែម អ្នកគួរតែកាត់បន្ថយការហូបរសជាតិផ្អែម និងធ្វើលំហាត់ប្រាណជាប្រចាំថ្ងៃ។ ថ្ងៃនេះ ចាប់បៃតង សុំលើកពីទម្លាប់ហាត់ប្រាណ ការពារជំងឺទឹកនោមផ្អែមដោយររបៀបណាដែរ?
ការធ្វើលំហាត់ប្រាណ និងជំងឺទឹកនោមផ្អែម មានការជាប់ទាក់ទងនឹងគ្នា។ បើគ្មានលំហាត់ប្រាណ ឬសកម្មភាពទេ វាងាយធ្វើឱ្យអ្នកកើតជំងឺទឹកនោមផ្អែមលឿន ឬកើតជំងឺទាំងនេះទាំងវ័យក្មេងថែមទៀត។ តាមលោកវេជ្ជបណ្ឌិត Kathryn A. Boling ជាអ្នកផ្តល់សេវាថែទាំបឋមនៅ Mercy Personal Physicians មានប្រសាសន៍ថា៖
"បើមានអ្នកជំងឺលើសជាតិស្ករក្នុងឈាមនោះ ខ្ញុំសុំឱ្យអ្នកជំងឺដើរ បន្ទាប់ពីហូបអាហាររួច។ ពីព្រោះ ដើម្បីឱ្យសាច់ដុំរបស់អ្នកជំងឺមានដំណើរការបញ្ចុះជាតិស្ករក្នុងឈាមផងដែរ។ ពីព្រោះថា ការធ្វើលំហាត់ប្រាណជាប្រចាំថ្ងៃនេះ ជួយទាញជាតិស្ករចេញពីចរន្តឈាម និងចូលទៅក្នុងសាច់ដុំ។ នោះធ្វើឱ្យជាតិស្ករក្នុងឈាមរបស់អ្នកថយចុះ ដែលធ្វើឱ្យវាកាន់តែតិច។ ហើយអ្នកជំងឺ ច្បាស់ជាអាចគ្រប់គ្រងលើជំងឺនេះបានល្អឡើងវិញ។” ការលំហាត់ប្រាណជួយបន្ថយជាតិស្ករក្នុងឈាមតាមបែបធម្មជាតិ និងកាត់បន្ថយតម្រូវការថ្នាំសម្រាប់អ្នកជំងឺមួយចំនួន។
យោងតាមសារព័ត៌មានសុខភាព Mayoclinic បានបញ្ជាក់ថា ពេលអ្នកធ្វើលំហាត់ប្រាណកាន់តែខ្លាំង(អាចរយៈពេល១ម៉ោង ក្នុង១ថ្ងៃ) កាន់តែជួយបញ្ចុះជាតិស្ករបានល្អ។ ហើយអ្នកគួរតែហូបបន្លែ និងត្រីឱ្យបានច្រើន។ ហើយពិសារទឹកច្រើន ឱ្យបានច្រើន ដើម្បីពង្រឹងសុខភាពកាន់តែល្អ។ អ្នកត្រូវបញ្ឈប់អាហារ និងភេសជ្ជៈណា មានជាតិស្ករច្រើន។ សុខភាពររបស់អ្នកជាទ្រព្យសម្បត្តិសំខាន់បំផុតក្នុងជីវិតនេះ៕ អត្ថបទដោយ៖ ទ្រ សុភាព
អ្នកអាចទិញសៀវភៅ លំហូរចិត្ត តាមនេះ https://t.me/hangchhengH24