Jackie Chan (ឈិនឡុង) ជាតារាជួរមុខដែលមានប្រជាប្រិយភាពខ្លាំងតជំនាន់ និងត្រូវបានមហាជនកោតសរសើរពីសមត្ថភាពខ្លាំងនៅក្នុងការសម្តែងបានគ្រប់ឈុតឆាករឿង ជាពិសេសឈុតឆាកគ្រោះថ្នាក់តែម្តង។ បច្ចុប្បន្ននេះ លោក Jackie Chan ឈានចូលវ័យ៧០ឆ្នាំ ក៏ប៉ុន្តែរាងកាយដ៏មាំមួន រួមជាមួយនឹងសុខភាពល្អរបស់លោក ត្រូវបានអ្នកដានតានឆ្ងល់ និងជជែកសួរច្រើនខ្លាំងមែនទែន។
ខាងក្រោមនេះ ជា៩ចំណុចចេញពីលោក Jackie Chan ដែលតែងតែជួយឱ្យរាងកាយរឹងមាំខ្លាំង សុខ
1. លំហាត់ប្រាណទៀងទាត់៖ Jackie Chan មានទម្លាប់ល្អមួយគឺ ទម្លាប់ហាត់ប្រាណឱ្យបានទៀងទាត់ និងហាត់ដោយយកចិត្តទុកដាក់ និងម៉ត់ចត់បំផុត។ ការហាត់ប្រាណជាប្រចាំ អាចជួយពង្រឹងដល់ការសម្បទាឱ្យរឹងមាំ ពង្រឹងសាច់ដុំ ជំរុញមុខងារបេះដូង និងកម្លាំងកាយ។
2. ការហ្វឹកហាត់ក្បាច់គុន៖ ការហាត់ក្បាច់គុន គឺជាវិធីដ៏ល្អមួយដែល Jackie Chan តែងតែអនុវត្តន៍មិនអាចអត់បាន ដើម្បីពង្រឹងសមត្ថភាពរាងកាយ ភាពរហ័សរហួន ជួយឱ្យរាងកាយធន់នឹងភាពបត់បែន សុំាជាមួយនឹងការប្រើប្រាស់កម្លាំងខ្លាំង ហើយវាក៏ជាវិន័យផ្លូវចិត្តមួយដ៏ខ្លាំងដូចគ្នា។
3. របបអាហារដែលមានសុខភាពល្អ៖ Jackie Chan សង្កត់ធ្ងន់ទៅលើរបបអាហារដែលមានតុល្យភាព ដែលរួមមានបន្លែ ផ្លែឈើ ប្រូតេអ៊ីនគ្មានខ្លាញ់ និងគ្រាប់ធញ្ញជាតិ ព្រមទាំងព្យាយាមចៀសវាងការទទួលទានអាហារសម្បូរជាតិស្ករច្រើន អាហារកែច្នៃ និងខ្លាញ់មិនល្អ។
4. ផ្តល់ជាតិទឹក៖ ការរក្សាជាតិទឹកក្នុងរាងកាយឱ្យបានល្អ គឺជារឿងសំខាន់ណាស់។ Jackie Chan គាត់ជាបុគ្គលម្នាក់ដែលតែងតែផឹកទឹកឱ្យបានច្រើនពេញមួយថ្ងៃ ដើម្បីរក្សាជាតិទឹកក្នុងរាងកាយរបស់គាត់ឱ្យដំណើរការបានល្អ។
5. សម្រាកឱ្យបានគ្រប់គ្រាន់៖ ការសម្រាក គឺជាពេលវេលាដ៏អស្ចារ្យមួយជួយស្តារថាមពលរាងកាយ រក្សាសុខភាព។ ទន្ទឹមនឹងនេះ ប្រសិនណាបើពេញ១ថ្ងៃរាងកាយធ្វើសកម្មភាពខ្លាំង ឬរងរបួសក្នុងលក្ខខណ្ឌណាមួយ ការចំណាយពេលសម្រាកបានគ្រប់ក៏អាចជួយឱ្យរបួស និងរាងកាយបានមាំមួនឡើងវិញលឿនផងដែរ។
6. សុខភាពផ្លូវចិត្ត៖ Jackie Chan តែងផ្តល់តម្លៃដល់សុខភាពផ្លូវចិត្តខ្ពស់ ដូច្នេះគាត់ជាញឹកញាប់តែងចូលរួមក្នុងសកម្មភាពល្អៗឱ្យរាងកាយ ខួរក្បាល និងផ្លូវចិត្ត ដើម្បីកាត់បន្ថយភាពតានតឹង តាមរយៈការធ្វើសមាធិ និងការចំណាយពេលជាមួយមនុស្សជាទីស្រលាញ់។
7. ជៀសវាងទម្លាប់អាក្រក់៖ Jackie Chan គាត់មិនមានទម្លាប់ជក់បារីទេ ហើយគាត់ក៏បុគ្គលម្នាក់ដែលព្យាយាមកំណត់ការទទួលទានគ្រឿងស្រវឹងផងដែរ ពីព្រោះស្រា និងបារី អាចជះឥទ្ធិពលអវិជ្ជមានដល់សុខភាពគាត់។
8. ភាពវិជ្ជមានក្នុងជីវិត៖ ការរក្សានូវទស្សនៈវិជ្ជមានលើជីវិត និងការរក្សាទឹកចិត្តឱ្យល្អ គឺជាកត្តាសំខាន់សម្រាប់សុខភាពរាងកាយរយៈពេលវែង។ Jackie Chan ជារឿយៗសង្កត់ធ្ងន់លើសារៈសំខាន់នៃការអត់ធ្មត់ និងការរក្សាភាពវិជ្ជមាននៅក្នុងខ្លួនជានិច្ច ទោះបីជាកំពុងមានបញ្ហាប្រឈមក៏ដោយ។
9. អនុញ្ញាតឱ្យខ្លួនឯងរៀនសូត្រ៖ Jackie Chan ជាមនុស្សតែងតែបើកចិត្តក្នុងការរៀនសូត្រ និងស្វែងរកអ្វីថ្មីឱ្យខ្លួនឯងមិនថា ទាំងចំណេះជំនាញក្នុងការរៀនភាសា ហាត់ក្បាច់គុណ និងសិល្បៈនៅក្នុងការសម្តែងនោះទេ។
ទាំងនេះ គឺជាគោលការណ៍រស់នៅប្រឈមដោយសុខភាពល្អ រាងកាយមាំមួន មិនងាយទ្រុឌទ្រោមទៅតាមរបស់តារាសម្តែងល្បី លោក Jackie Chan៕