មុនកប់គ្មានមុខ គ្មានខ្ទុះចេញមកក្រៅទេ ប៉ុន្តែពិបាកបំបាត់ ភាគច្រើនកើតលើអ្នកដែលមានស្បែកប្រភេទប្រេង។ បើស្បែកមុខមានមុនកប់ យើងមិនគួរព្យាយាមញិចខ្លួនឯងទេ ដោយសារវាងាយបែកគ្រប់មុនខាងក្នុង ឆ្លងទៅកន្លែងផ្សេងៗហើយ ពិសេសមុនប្រភេទនេះពិបាកញិចណាស់ ក្រោយពីញិចរួច សល់ស្នាម យូរមិនងាយបំបាត់ ឬអាចបង្កទៅជាស្នាមខ្មូតថែមទៀត។ 
ផលរំខានបើ ទុកយូរពេកវានឹងវិវត្តន៏ទៅជា acne vulgaris ជាជម្ងឺមុនរាំរ៉ៃដោយមានបង្ករោគដល់ ទាំងគល់ រោម តួរោម និងក្រពេញបញ្ចេញខ្លាញ់។

វិធីបំបាត់ ត្រូវលាងសម្អាតមុខឱ្យបានស្អាតល្អ និង លាងមុខ២តង់ (double clean) ប្រសិនបើផាត់មុខ ឬប្រើឡេការពារកម្ដៅថ្ងៃ BB cream CC cream ដែលហ្វូមមិនអាចសម្អាតបានត្រឹមត្រូវ។ កត្តាធ្វើឱ្យកើនមុនកប់នេះមានច្រើន ហើយមួយក្នុងចំណោមនឹងគឺកើតមកពីស្ទះរន្ធរោម ចឹងត្រូវតែសម្អាតមុខឱ្យបានស្អាតនេះឯង។ សារធាតុ ដែលគួរមានដូចជា៖ 
1. សារធាតុ Salicylic acid,ឬ Azeleac acid អាចប្រើក្នុងជាសំឡីជូតមុខ ឬToner។ 
មួយវិញទៀត ក៏អាចប្រើប្រាស់ Benzoyl peroxide ជាលក្ខណៈក្រែម ឬថ្នាំបន្តក់មុនក៏បាន។
2. ត្រូវតែប្រើគ្រីម ឬសេរ៉ូម ដែលអាចផ្ដល់សំណើមឱ្យស្បែក ដើម្បីការពារនិងពង្រឹងរនាំងការពារស្បែក ប្រឆាំងការរលាក ដូចជាប្រើជា Hyaluronic សេរ៉ូមជាដើម។ 
3. ត្រូវតែលាបឡេការពារកម្ដៅថ្ងៃឱ្យបានជាប់លាប់ ព្រោះសារធាតុព្យាបាលមុនខាងលើ អាចធ្វើឱ្យស្បែករលាក ដោយសារមិនបានការពារពីUV ព្រះអាទិត្យឱ្យបានត្រឹមត្រូវ។ 
4. កំឡុងពេលដែលកំពុងព្យាយាលមុនកប់ បើអាចគួរតែកាត់បន្ថយការផាត់មុខ និង
គួរចៀសវាងសារធាតុដែលអាចធ្វើឱ្យរន្ធរោមកាន់តែស្ទះដូចជា៖ Comedogenic Oils,Butters,Mineral Oils,Silicones,Benzophenones,PABA and Other Chemicals

សូមប្រឹក្សាជាមួយអ្នកជំនាញជាមុន ប្រសិនបើបងប្អូនមិនច្បាស់ជាការជ្រើសរើសផលិត ហាមប្រើតាមគ្នា៕

អត្ថបទដោយ៖ សេងហុង-Senghong