១. មិនចូលចិត្តអាហារមានជាតិប្រូតេអ៊ីន៖ មនុស្សស្រីជាច្រើនសម្រកទម្ងន់ដោយការតមអាហារតាមរបៀបដែលខ្វះសារធាតុចិញ្ចឹមក្នុងខ្លួនជាពិសេសជាតិប្រូតេអ៊ីនតែម្តង។ ការកង្វះប្រូតេអ៊ីននេះបង្កើតប្រតិកម្មខ្សែសង្វាក់ដែលប៉ះពាល់ដល់កម្រិតថាមពល ការរំលាយអាហារ និងស្បែកងាយចាស់លឿន។ ព្រោះប្រូតេអ៊ីនដើរតួនាទីក្នុងការជំរុញប្រព័ន្ធភាពស៊ាំធ្វើឱ្យជាតិស្ករក្នុងឈាមមានស្ថេរភាព គាំទ្រដល់មុខងារខួរក្បាល និងសម្រស់បានល្អផងដែរ។

២. ការតមអាហារយូរពេក៖ ការតមអាហារមិនទៀងទាត់ ឬក្នុងមួយថ្ងៃញ៉ាំអាហារមួយពេលដើម្បីកាត់បន្ថយការទទួលទានកាឡូរីក៏ដោយ តែវាមានឥទ្ធិពលសម្រស់ដែរ។ បើអ្នកតមអាហារយូរ វាមិនបានផ្តល់ថាមពល និងប្រូតេអ៊ីនគ្រប់គ្រាន់ដល់រាងកាយ វាក៏ចាប់ផ្តើមបំបែកជាលិកាសាច់ដុំសម្រាប់ប្រើប្រាស់ជាថាមពលនៃសកម្មភាពរាងកាយជាហេតុធ្វើឱ្យសម្រស់មនុស្សរាងធ្លាក់ចុះដែរ។

៣. កុំរំលងការហ្វឹកហាត់លើកទម្ងន់៖ មនុស្សស្រីជាគិតថា ហាត់ប្រាណបែប Cardio (រត់ ដើរ...) ជារក្សាសម្រស់បានល្អ។ ប៉ុន្តែវាមិនទាន់គ្រប់គ្រាន់នោះទេ។ ព្រោះការហាត់ប្រាណបែប Cardio ជួយពង្រឹងប្រព័ន្ធសរសៃឈាមបេះដូង និងដុតបំផ្លាញកាឡូរី ខណៈពេលអ្នកហ្វឹកហាត់ដោយការលើកទម្ងន់ដើរតួនាទីសំខាន់ក្នុងការរក្សា និងការពារម៉ាសសាច់ដុំ ដើម្បីសម្រស់អ្នកកាន់តែក្មេងជាងវ័យ។ សម្រាប់ការសម្រកទម្ងន់ក៏តម្រូវឱ្យអ្នកហាត់ប្រាណបែប Cardio និងហាត់បែបលើកទម្ងន់កុំឱ្យបាត់បង់សាច់ដុំ និងជួយឱ្យរាងកាយរឹងមាំ សម្រស់នៅតែក្មេងជាងអាយុ។

៤. ការគេងមិនលក់៖ ការគេងមិនគ្រប់គ្រាន់ ឬគេងមិនទៀងទាត់ក៏អាចធ្វើឱ្យបង្កើនល្បឿនដំណើរការចាស់ជរាដោយស្ងៀមស្ងាត់ៗ ចំពោះមនុស្សស្រីដែរ។ ការគេងមិនគ្រប់ត្រូវបានផ្សារភ្ជាប់ទៅនឹងការខូចខាតកោសិកាស្បែក ជាសញ្ញាធ្លាក់សម្រស់មុនអាយុ។ ការគេងមិនល្អបង្កើនការរលាក និងភាពតានតឹងអុកស៊ីតកម្ម វាជាការរួមចំណែកដល់ការបង្កើតស្នាមជ្រួញ ភាពស៊ាំចុះខ្សោយ និងមុខរាងចាស់ជាងវ័យ។

៥. ការប្រើប្រាស់ទូរស័ព្ទច្រើន៖ ការប្រើប្រាស់ឧបករណ៍អេឡិចត្រូនិច និងទូរស័ព្ទរយៈពេលយូរអាចបង្កើនល្បឿននៃភាពចាស់ដោយប្រយោលដល់ស្បែកមុខ។ ព្រោះពន្លឺពណ៌ខៀវចេញពីអេក្រង់កាត់បន្ថយការផលិតមេឡាតូនីន រំខានដល់ចង្វាក់ circadian នៃការគេង និងបណ្តាលឱ្យពិបាកគេងនៅពេលយប់ជាការចូលរួមចំណែកបង្កើតស្នាមជ្រួញលើផ្ទៃមុខ ឱ្យចាស់មុនអាយុតាមពេលវេលាផងដែរ៕ អត្ថបទដោយ៖ ទ្រ សុភាព