ពេលអ្នកក្រោកពីគេង រាងកាយនិងខួរក្បាលរបស់ពិតជាត្រូវការថាមពលបន្ថែមណាស់ដើម្បីមានកម្លាំងបន្តកិច្ចការតាមក្តីស្រមៃ។ ហេតុនេះហើយបានជាអ្នកមិនត្រូវរំលងអាហារពេលព្រឹកទាំង ៣នេះ ដើម្បីបញ្ចូលថាមពល ការគិត និងជួយសម្រស់កុំឱ្យឆាប់ចាស់ជាងវ័យផងដែរ។
១. ចៀសវាងនំដូណាត់៖ តាមលោក Kate Patton ជាអ្នកជំនាញផ្នែកចំណីរអាហារ និងអាហារូបត្ថម្ភ នំដូណាត់ជាទូទៅមានចំនួនកាឡូរីចាប់ពី ២៥០ទៅ៥៥០កាឡូរី កម្រិតជាតិស្ករ ១៥ទៅ៣០ក្រាមក្នុងនំនីមួយៗ។ កម្រិតជាតិស្ករដ៏ច្រើននេះ ធ្វើឱ្យរាងកាយអ្នកបញ្ចេញអាំងស៊ុយលីន ដើម្បីព្យាយាមសម្របខ្លួន, ហេតុនេះការឡើងជាតិស្ករខ្ពស់ភ្លាមៗបែបនេះមិនល្អដល់សម្ពាធឈាមនោះទេ។ ការឡើងជាតិស្ករក៏លឿន ចុះវិញក៏លឿន ធ្វើឱ្យរាងកាយអ្នកពិបាកសម្របណាស់ ហើយវាក៏នឹងធ្វើឱ្យអ្នកឆាប់ឃ្លាន ងាយញ៉ាំផ្តេសផ្តាស និងធ្វើឱ្យឡើងគីឡូ។ ពេលអ្នកចៀសវាងនំដូណាត់ពេលព្រឹក ធ្វើឱ្យស្បែកស្រស់ថ្លា ព្រោះអ្នកអត់ឡើងគីឡូ។ មានវេជ្ជបណ្ឌិតជាច្រើនណែនាំថា ជាតិស្ករកែច្នៃធ្វើឱ្យស្បែកឆាប់ចាស់លឿនណាស់។
២. ទឹកធម្មតា៖ យោងតាមរយៈគេហទំព័រ healthline បានចុះផ្សាយថាជាការពិតណាស់ នៅពេលព្រឹកជាពិសេសគឺពេលភ្ញាក់ពីគេងភ្លាមៗ បងប្អូនគួរតែរកទឹក១កែវដើម្បីផឹកមុនគេបង្អស់ព្រោះរាងកាយរបស់យើងអត់មានទឹកយូរម៉ោងណាស់មកហើយតាំងពីល្ងាចម្សិលមិញ។ ដូច្នេះពេលយើងផឹកទឹកចូលទៅ ដូចទៅដាស់ប្រព័ន្ធរាងកាយរបស់យើងឱ្យដំណើរការមកវិញ។ បន្ថែមលើសពីនេះទឹកពេលព្រឹកក៏ជួយឱ្យអ្នកមានសុខភាពល្អ ល្អសម្រាប់គ្រឿងក្នុងផឹកហើយជួយដាស់ខួរក្បាលឱ្យស្រឡះល្អ ស្បែកមានសំណើមស្រស់ថ្លា។
៣. ញ៉ាំស៊ុតល្អសម្រាប់សុខភាពខួរក្បាល និងការពារជំងឺបេះដូង។ ស៊ុតជាប្រភពនៃសារធាតុ Choline ដែលមានសារសំខាន់សម្រាប់សុខភាពខួរក្បាល និងប្រព័ន្ធសរសៃប្រសាទ។ ការទទួលទានស៊ុតក្នុងកម្រិតមធ្យមពេលព្រឹកអាចទ្រទ្រង់សុខភាពបេះដូង។ នេះដោយសារតែអាស៊ីតខ្លាញ់អូមេហ្គា3 នៅក្នុងស៊ុតអាចជួយកាត់បន្ថយការរលាក និងធ្វើឱ្យសុខភាពបេះដូងប្រសើរឡើង។ ហើយសារជាតិ selenium នៅក្នុងស៊ុតជួយ ការពារការកកឈាម ជំងឺដាច់សរសៃឈាមខួរក្បាល និងគាំងបេះដូង៕ អត្ថបទដោយ៖ ទ្រ សុភាព