ហាត់យូហ្គាគឺមានប្រយោជន៍ខ្លាំងណាស់ សម្រាប់រាងកាយ ជួយកាត់បន្ថយស្រ្តេស កាត់បន្ថយការឈឺចុកចាប់ក្នុង ខ្នង ចង្កេះ ជាពិសេសគឺល្អសម្រាប់ជួយថែរក្សាសម្រស់របស់អ្នកផងដែរ ហើយលំហាត់ប្រាណនេះក៏ជួយកាត់បន្ថយការឈឺចុកចាប់ពេលរដូវបានថែមទៀតផង ដែលស្រីៗយើងមិនគួររំលងសោះឡើយ។

ដូច្នេះហើយ ស្រីៗដែលកំពុងស្ត្រេស ឈឺខ្នងឈឺចង្កេះជាពិសេសឈឺចុកចាប់ពេលមរដូវអាចសាកលំហាត់ប្រាណនេះ៤ខាងក្រោមនេះបាន។

លំហាត់ប្រាណ៤នោះមានដូចជា៖

ទី១Dynamic Side Stretch៖ លំហាត់ប្រាណនេះគឺមានប្រយោជន៍ជួយកាត់បន្ថយការឈឺចុកចាប់របស់សាច់ដុំអ្នក ស្រួលខ្លួន ជាពិសេសគឺងាយស្រួលក្នុងការហាត់ដូចក្នុងវិដេអូនេះអ៊ីចឹង។ របៀបហាត់បងប្អូនគ្រាន់តែ អង្គុយខ្លួនឱ្យត្រង់ បន្ទាប់មកច្រត់ដៃម្ខាង លើកដៃម្ខាង ធ្វើចលនាចង្កេះតម្រេតខ្លួនទៅតាមដៃដែលលើក បងប្អូនធ្វើឆ្លាស់គ្នាទៅវិញទៅមកចំនួន៣០ដងដូចក្នុងវីដេអូ។

ទី២spine Twist-r៖ ចំពោះអត្ថប្រយោជន៍នៃការហាត់ក្បាច់នេះគឺជួយដល់រាងកាយអ្នកដូចជា ពង្រឹងសាច់ដុំខ្នង ចង្កេះ ពោះ ធ្វើឱ្យឈាមរត់ស្រួល ជួយសម្រួលប្រព័ន្ធរំលាយអាហារ ជាពិសេសជួយបណ្ដេញជាតិពុលចេញពីក្នុងខ្លួនបានទៀត។ របៀបហាត់ក្បាច់នេះមានច្រើន តែយើងសូមលើកមួយរបៀបដូចក្នុងវីដេអូនេះ បងប្អូនគ្រាន់តែ អង្គុយពេនភ្នេន បន្ទាប់មកយកដៃឆ្វេងច្រត់ទៅក្រោយ ហើយយកដៃសាំដាក់លើជង្គង់ខាងឆ្វេង ងាកកទៅតាមដៃ ដូចក្នុងវីដេអូចំនួន៣០វីនាទី បន្ទាប់មកធ្វើច្រាស់មកវិញចំនួន៣០វីនាទីទៀត។

ទី៣ Shoulder Stretch៖ ចំពោះក្បាច់នេះគឺមានប្រយោជន៍ជួយកាត់ប​ន្ថយការឈឺចុកចាប់សាចដុំ ត្រង់ក និងស្មារ ចំពោះរបៀបហាត់ បងប្អូនគ្រាន់តែយកដៃឆ្វេងដោះទៅខាងស្ដាំ ហើយយកដៃស្ដាំគាបដៃឆ្វេង បន្ទាប់មកអាកក ចេញ ដូចក្នុងវីដេទុក៣០វីនាទីបន្ទាប់មកធ្វើច្រាស់មកវិញ ៣០វីនាទីទៀត។

ទី៤ Triceps Stretch៖ របៀបហាត់ បងប្អូនគ្រាន់តែលើកដៃទាំងពីបត់ឡើងលើ បន្ទាប់មកយកដៃម្ខាងកាន់ដៃម្ខាងទៀតត្រង់កែងដៃទុក៣០វីនាទី បន្ទាប់មកធ្វើច្រាស់មកវិញ៣០វីនាទីទៀត។ ចំពោះអត្ថប្រយោជន៍ក្បាច់នេះជួយកាត់បន្ថយការឈឺសាច់ដុំផ្នែកខាងលើ ជាពិសេសគឺធ្វើឱ្យអ្នកមានអារម្មណ៍ថាស្រួលខ្លួន ស្រស់។