តាមអ្នកជំនាញចិត្តសាស្រ្តលោក Jasmin Wertz បាននិយាយថា "យើងមានទំនោរថា មនុស្សពេញវ័យមានសុខភាពល្អ ប៉ុន្តែមានបញ្ហាផ្លូវចិត្តនាំឱ្យកើតជំងឺក្រពះ។ នៅក្នុងចំណោមស្ត្រីទាំងអស់នៅក្នុងការសិក្សា នារីមានអាយុ ២០ឆ្នាំ ទំនងវិវត្តទៅជាជំងឺរ៉ាំរ៉ៃចំនួន ៦១%ឯណោះ។ ចំណែកស្រ្តីមានអាយុ ៦០ឆ្នាំ មានការវិវត្តជំងឺតិចជាង។ និយាយទៅ! បញ្ហាផ្លូវចិត្តអាចជាមេក្លោងនាំបញ្ហានេះចូលក្នុងជីវិតរបស់អ្នក។ ការរំដោះបញ្ហាផ្លូវចិត្ត អ្នកគួរគិតវិជ្ជមានរស់ក្នុងពេលបច្ចុប្បន្ននេះ ខំប្រឹងក្នុងពេលបច្ចុប្បន្ននេះ រីករាយជាមួយខ្លួនឯងក្នុងពេលបច្ចុប្បន្ននេះ ហើយកុំខ្វល់ច្រើនពីរឿងអតីតនិងអនាគតនាំតែប៉ះផ្លូវចិត្តទេ។

ពេលអ្នករៀនគិតបែបនេះ ជាការរស់នៅក្នុងបច្ចុប្បន្ន រូបអ្នកនឹងមានសមត្ថភាពអាចគ្រប់គ្រង់លើផ្លូវចិត្ត និងជីវិតរបស់ខ្លួនឯងបាន ឱ្យមានរីករាយជាមួយបច្ចុប្បន្ន។ មានតែពេលបច្ចុប្បន្ននេះទេដែលគេអាចគ្រប់គ្រងបាន។ មានសំណួរមួយថា តើអ្នកអាចគ្រប់គ្រងអតីត និងអនាគតបានទេ? ចម្លើយគឺអត់ទេ! ដូច្នេះហើយ! អ្នកគួររស់នៅក្នុងអតីតកាល ឬមួយបច្ចុប្បន្នកាលនេះ វាជាជម្រើសរបស់អ្នក។ ក្តីសុខ និងទុក្ខ ក៏ជាជម្រើសរបស់អ្នកដែរ។  

តាមលោកវេជ្ជបណ្ឌិត Kyle Bourassa ផ្នែកចិត្តសាស្រ្តនៅមន្ទីរពេទ្យ Durham VA បាននិយាយថា មានវិធីព្យាបាលបែបអាកប្បកិរិយា និងឱសថសាស្ត្រសម្រាប់ការស្រ្តេស ការថប់បារម្ភ និងជំងឺធ្លាក់ទឹកចិត្ត គឺអ្នកគួរគិតបែបវិជ្ជមាន រស់ក្នុងពេលបច្ចុប្បន្ននេះឱ្យអស់ពីសមត្ថភាព អ្នកនឹងឃើញជីវិតរបស់ខ្លួនកាន់តែររឹងមាំជាងមុន។ រស់ក្នុងពេលបច្ចុប្បន្ននេះដូចជាអ្នកព្យាយាមធ្វើលំហាត់ប្រាណដើម្បីសុខភាព ការធ្វើសមាធិដើម្បីសម្រួលចិត្តឱ្យស្ងប់ និងការគេងឱ្យបានគ្រប់គ្រាន់ដើម្បីជួសជុលក្នុងរាងកាយឡើងវិញ។ ការរស់ក្នុងពេលឥឡូវនេះ ផ្លូវចិត្តរបស់អ្នកកាន់តែសម្បូរក្តីសុខចូលមកក្នុងជីវិតកាន់តែឡើង៕ អត្ថបទដោយ៖ ទ្រ សុភាព