ការរស់នៅឱ្យមានអាយុវែង មិនមែនជារឿងស្រួលនោះទេ វាត្រូវមានគោលការណ៍ចម្បងដើម្បីសុខភាពរាងកាយ និងអារម្មណ៍។ មកដល់ពេលនេះ មានអ្នកស្រាវជ្រាវកើតចេញពីបទពិសោធមនុស្សអាយុវែងរាប់ពាន់នាក់ ហើយអ្នកក៏អាចមានអាយុវែងបានដែរ។ គោលការណ៍អាយុវែង នៅទីនេះ យើងសុំលើកពីមនុស្ស ៤នាក់៖
១. លោកយាយ Misao Okawa មានអាយុ ១១៧ឆ្នាំ។ តាមអ្នកស្រាវជ្រាវពីមនុស្សចាស់លើលោកនេះ គេបានរកឃើញស្រ្តីម្នាក់ គឺមានវ័យចំណាស់ជាងគេនៅលើពិភពលោក គឺលោកយាយ Misao Okawa ដែលបានទទួលមរណភាពនៅក្នុងទីក្រុង Osaka ប្រទេសជប៉ុន។ គាត់បានរស់នៅអស់រយៈពេល ១១៧ឆ្នាំ បូកនឹង ២៧ថ្ងៃបន្ថែមទៀត។ គោលការណ៍នាំឱ្យគាត់មានអាយុវែង គឺទម្លាប់ញ៉ាំប្រភេទអាហារបន្លែធម្មជាតិ និងផ្លែឈើ។ គាត់នៅតែចូលចិត្តសូត្រ និងគេងឱ្យបានគ្រប់គ្រាន់ នេះជាហេតុនាំឱ្យគាត់មានអាយុវែង។
២. លោក Walter Breuning មានអាយុ ១១៤ឆ្នាំ។ លោកតាបានកើតនៅក្នុងរដ្ឋ Minnesota ក្នុងឆ្នាំ ១៨៩៦ លោក Breuning បានឆ្លងកាត់បីសតវត្សរ៍នៅក្នុងឆាកជីវិតមួយនេះ។ គាត់មានគោលណ៍អាយុវែងប្រចាំជីវិតរបស់លោកតាមានដូចជា បើអ្នកចេះរក្សាចិត្តគំនិត អារម្មណ៍ និងរាងប្រាណរបស់អ្នកឱ្យមានភាពសកម្ម និងរវល់រហូតនោះ អ្នកច្បាស់ជារស់នៅមានអាយុវែង១០០ឆ្នាំជាង។
៣. លោកតា Shigeaki Hinohara ជាវេជ្ជបណ្ឌិតពូកែ មានចិត្តធម៌ និងជាជនជាតិជប៉ុន ហើយលោកតា ជាអ្នកជំនាញមានអាយុវែងរស់នៅរហូតដល់អាយុ ១០៥ ឆ្នាំ។ នេះជាគោលណ៍របស់លោកតា Hinohara បាននិយាយថា “យើងទាំងអស់គ្នាតែងតែចង់ចាំពេលយើងមានភាពសប្បាយរីករាយ ពេលខ្លះយើងភ្លេចហូបបាយហូបទឹក និងគេងទៀតផង។ មនុស្សយើងអាចរក្សាឥរិយាបទនេះបានជានិច្ច។ តែពេលមនុស្សយើងកាន់តែរស់នៅ មានអាយុកាន់តែច្រើន យើងមានភាពធុញទ្រាន់ គឺមកពីជីវិតយើងធ្វើតាមច្បាប់ទម្លាប់ច្រើនពេក(រស់បែបនេះយូរៗទៅនាំឱ្យមនុស្សមានអារម្មណ៍ភ័យខ្លាច និងលែងស្គាល់ខ្លួនឯងជាអ្នកណា?)។
៤. លោកតា Li Ching-Yuen ជាគ្រូទេព្យបុរាណ ដែលមានអាយុ ២៥៦ ឆ្នាំ នៅស៊ីឈួនប្រទេសចិន។ ហើយតាមការសែត The New York Time បានចុះផ្សាយថា លោកតាកើតនៅថ្ងៃទី ០៣ ខែ ឧសភា ឆ្នាំ ១៦៧៧ ហើយគាត់ទទួលមរណៈភាពនៅថ្ងៃទី ០៦ ខែ ឧសភា ឆ្នាំ ១៩៣៣ ក្នុងជន្មាយុ ២៥៦ឆ្នាំ ដែលជាអាយុវែងជាងគេបំផុតក្នុងកំណត់ត្រាពិភពលោក។ លោកតា Li Ching-Yuen បានផ្តាល់ដំបូន្មានឱ្យ The New York Time មុនពេលគាត់ទទួលមរណៈភាពប្រហែងជាពីឬរ ឬបីខែ គាត់បាននិយាយថា “រក្សាបេះដូងឱ្យស្ងប់ស្ងាត់ អង្គុយឱ្យដូចជាសត្វអណ្តើក ដើរឱ្យលឿនដូចជាសត្វព្រាប ហើយដេកឱ្យដូចជាសត្វឆ្កែ។”
អត្ថបទដោយ៖ ទ្រ សុភាព