១. សកម្មលើការងាររហូតចុងបញ្ចប់នៃជីវិត៖ នៅប្រទេសជប៉ុនមានអាយុវែងព្រោះតែមានទម្លាប់សកម្ម ដែលរុញឱ្យពួកគាត់សម្រេចបានជោគជ័យខ្ពស់នោះគឺសកម្មលើការងារតាំងពីព្រឹកដល់ល្ងាចម៉ោង៥ ។ ដូចលោកយាយនំ Mitarashi dango មានអាយុ ៩៦ឆ្នាំក៏ដោយ ក៏លោកយាយនៅតែបន្តធ្វើនំលក់ដែរ។ នំរបស់គាត់មានរសជាតិឆ្ងាញ់ឱ្យអតិថិជនញ៉ាំរាល់ថ្ងៃគ្មានអារម្មណ៍ធុញនោះទេ។ ការធ្វើនំនេះ ធ្វើឱ្យរាងកាយគាត់រឹងមាំនិងចិត្តរីករាយផងដែរ។ មិនមែនមានត្រឹមតែគាត់ម្នាក់ទេ នៅប្រទេសជប៉ុនមានមនុស្សចាស់ច្រើនណាស់កំពុងធ្វើការងារយ៉ាងសកម្ម។

២. គ្រាន់តែហូបអាហារតាមច្បាប់ ៨០%បានហើយ៖ សម្រាប់លោកយាយធ្វើនំ Mitarashi dango មានអាយុវែងបែបនេះ គាត់មានទម្លាប់មួយទៀត ហូបអាហារឱ្យឆ្អែកត្រឹមតែ ៨០%។ ការហូបអាហារបែបនេះ ធ្វើឱ្យរាងកាយនិងក្រពះរបស់គាត់មានស្រួលដំណើរការស្រួល។

៣. រស់ដោយមានគោលបំណង៖ លោកយាយធ្វើនំ dango មិនមែនរស់នៅត្រឹមតែរស់កំដរជីវិតនោះទេ គឺគាត់រស់នៅដោយមានគោលដៅ មានគោលបំណងច្បាស់លាស់ក្នុងជីវិត គឺលោកយាយ រស់នៅដើម្បីធ្វើនំឱ្យមានរសជាតិឆ្ងាញ់។ ចឹងហើយបានជាគាត់ក្រោកពីគេងពេលព្រឹកដោយមានថាមពលមកធ្វើនំជាប្រចាំាំថ្ងៃ ព្រោះគាត់សប្បាយចិត្តនឹងវា។ ការដឹងពីគោលបំណងរបស់ខ្លួន ជួយបន្ថែមអាយុដល់អ្នក៥ឆ្នាំ។

៤. រស់តាមតំបន់ធម្មជាតិ៖ អ្នកមានអាយុវែងជាងគេលើពិភពលោកមិនមែនធ្វើលំហាត់ប្រាណធ្ងន់ៗ ទេ។ ពួកគាត់តែងមានទម្លាប់រស់នៅតាមតំបន់ធម្មជាតិ ដើម្បីកាត់បន្ថថយស្រ្តេស ភាពតានតឹង និងការបាក់ទឹកចិត្តជាដើម។ ដូចជាលោកយាយធ្វើនំ Dango តែងរស់នៅតាមតំបន់ធម្មជាតិជុំវិញផ្ទះ និងសួនដាំច្បាររបស់គាត់ ដើម្បីសម្រកយលថាមពលផ្លូវចិត្តរបស់គាត់ឡើងវិញ៕ អត្ថបទដោយ៖ ទ្រ សុភាព