នៅប្រទេសខ្មែរមានលុយរៀល មួយម៉ឺនរៀល មួយសែនរៀល តែពេលនេះរាជរដ្ឋាភិបាលសម្រេចអនុញ្ញាតឲ្យចរាចរក្រដាសប្រាក់ថ្មី ២សែនរៀលហើយ។ យោងតាមធនាគារជាតិនៃកម្ពុជា បានបញ្ជាក់ថា រាជរដ្ឋាភិបាលបានអនុញ្ញាតឱ្យ ធនាគារជាតិនៃកម្ពុជា ចេញផ្សាយធនប័ត្រអនុស្សាវរីយ៍ប្រភេទ ២០០.០០០ រៀល និងដាក់ឱ្យចរាចរនៅទូទាំងព្រះរាជាណាចក្រកម្ពុជា ដើម្បីអបអរសាទរខួបលើកទី ២០ នៃការគ្រងព្រះបរមរាជសម្បត្តិព្រះករុណាព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា។ សូមបងប្អូនទាំងអស់គ្នាចូលរួមចាយប្រាក់ខ្មែរ ដើម្បីលើកគុណតម្លៃប្រាក់ជាតិយើង៕ អត្ថបទដោយ៖ ទ្រ សុភាព