គិតមកទល់នាពេលបច្ចុប្បន្ននេះ ជំងឺក្រពេញប្រូស្តាតរីកធំដែលកើតមានទៅលើបុរស ខាងក្រុមគ្រូពេទ្យឯកទេស មានវិធីសាស្ត្រព្យាបាលច្រើន ទៅតាមដំណាក់កាលនីមួយៗនៃជំងឺ ដោយក្នុងនោះរួមមានទាំងការព្យាបាលដោយប្រើប្រាស់ថ្នាំ ប្រើប្រាស់នូវឧករណ៍វេជ្ជសាស្ត្រ ឬអាចនឹងវះកាត់។
តួយ៉ាងនោះ បើផ្អែកទៅតាមការលើកឡើងរបស់វេជ្ជបណ្ឌិត Danaiphand Akarasakul ឯកទេសផ្នែកវះកាត់ប្រព័ន្ធទឹកនោម ប្រចាំការនៅមន្ទីរពេទ្យ Vimut នៅប្រទេសថៃបានលើកឡើងឱ្យដឹងថា ការព្យាបាលជំងឺក្រពេញប្រូស្តាតរីកធំ ក្រុមគ្រូពេទ្យឯកទេសនឹងព្យាបាលទៅតាមស្ថានភាពជំងឺ បន្ទាប់ពីអ្នកជំងឺធ្វើរោគវិនិច្ឆ័យរួច ថាតើជំងឺក្រពេញប្រូស្តាតរីកធំរបស់គាត់ស្ថិតក្នុងកម្រិតណា? ទើបអាចផ្តល់នូវមធ្យោបាយព្យាបាល ជួយឱ្យប្រព័ន្ធបង្ហួរនោមរបស់ពួកគាត់ដំណើរការបានល្អប្រក្រតីមកវិញ។ ការព្យាបាលទាំងនោះមានដូចជា៖
១. ការផ្លាស់ប្តូររបៀបរស់នៅ៖ ការកាត់បន្ថយការទទួលទានសារធាតុរាវ (ការមិនទទួលទានគ្រឿងស្រវឹង និងភេសជ្ជៈដែលមានជាតិកាហ្វេអ៊ីន) ការហ្វឹកហាត់ប្លោកនោម (កម្មវិធីបត់ជើងតូចតាមកាលវិភាគ និងការធ្វើលំហាត់ប្រាណសាច់ដុំអាងត្រគាកជាប្រចាំ)។
២. ប្រើប្រាស់ថ្នាំ៖ ជំងឺក្រពេញប្រូស្តាតរីកធំអាចនឹងប្រើថ្នាំពីរប្រភេទបញ្ចូលគ្នា៖ ទី១ គឺជាថ្នាំមួយប្រភេទដែលប្រើ ដើម្បីបន្ធូរសរសៃសាច់ដុំនៅក្នុងក្រពេញប្រូស្តាត និងប្លោកនោម អនុញ្ញាតឱ្យបង្កើនលំហូរទឹកនោម និងកាត់បន្ថយតម្រូវការសម្រាប់ការនោមញឹកញាប់។ ទី២ គឺជាថ្នាំទប់ស្កាត់អ័រម៉ូនដែលបណ្តាលឱ្យក្រពេញប្រូស្តាតហើម។
៣. ការព្យាបាលដោយប្រើវិធីបាញ់ Laser Greenlight ដើម្បីបង្រួមជាលិកាក្រពេញប្រូស្តាតដែលរឹតតឹង ឱ្យបើកផ្លូវទឹកនោមឡើងវីញ។
៤. ការវះកាត់ក្រពេញប្រូស្តាត Transurethral resection (TURP)
៥. វិធីសាស្ត្រប្រើនូវឧបករណ៍ UroLift ៖ វិធីសាស្ត្របើកផ្លូវទឹកនោមដោយប្រើឧបករណ៍ UroLift ដោយបច្ចុប្បន្ន នៅមន្ទីរពេទ្យ Vimut បានដាក់ដំណើរការនូវវិធីសាស្ត្រថ្មីមួយនេះ ដើម្បីជួយដោះស្រាយអ្នកជំងឺដែលមានបញ្ហាក្រពេញប្រូស្តាតរីកធំ។ ហើយវាក៏ជាវិធីមួយដែលល្អ សុវត្ថិភាព មិនមានការវះកាត់ មិនមានផលប៉ះពាល់ផ្លូវភេទ (ដូចជាការងាប់លិង្គ ឬបាត់បង់ចំណង់ផ្លូវភេទ) ជួយកាត់បន្ថយការហើមក្រពេញប្រូស្តាតដែលរារាំងលំហូរទឹកនោមចេញពីបង្ហួរនោម បើកផ្លូវទឹកនោមឱ្យអ្នកជំងឺបត់ជើងតូចបានធម្មតាឡើងវិញ។
ទាំងនេះ គឺជាវិធីសាស្ត្រសំខាន់ៗក្នុងការព្យាបាល និងដោះស្រាយនូវបញ្ហាក្រពេញប្រូស្តាតរីកធំ ប៉ុន្តែសូមបញ្ជាក់វិធីសាស្ត្រខាងលើ អ្នកជំងឺអាចទទួលបាន គឺអាស្រ័យទៅលើការធ្វើរោគវិនិច្ឆ័យ ស្ថានភាពជំងឺ និងក្នុងលក្ខខណ្ឌសុខភាពរបស់អ្នកជំងឺ។ ទន្ទឹមនឹងនេះ ដើម្បីទទួលបានប្រសិទ្ធិភាពខ្ពស់អ្នកជំងឺក៏ត្រូវតែគោរពតាមបទបញ្ជារបស់ក្រុមគ្រូពេទ្យជំនាញ និងប្រកាន់ភ្ជាប់នូវទម្លាប់ល្អៗដែលបានណែនាំចេញពីក្រុមគ្រូពេទ្យបន្ថែមផងដែរ៕
មានគោលបំណងចង់ទៅពិនិត្យសុខភាព និងព្យាបាលជំងឺនៅប្រទេសថៃ ប៉ុន្តែចង់ប្រឹក្សាជាមួយនឹងអ្នកជំនាញឱ្យបានច្បាស់លាស់ជាមុនសិន អាចទំនាក់ទំនងណាត់ប្រឹក្សាជាមួយនឹងវេជ្ជបណ្ឌិតឯកទេសជនជាតិថៃពីចម្ងាយបានតាមរយៈទីស្នាក់ការមន្ទីរពេទ្យ វិមុត ដែលមានទីតាំងនៅ TK ទួលគោល រាជធានីភ្នំពេញ។ សម្រាប់ព័ត៌មានបន្ថែមអាចសួរនាំបានរយៈផេក Vimut Hospital-Cambodia ឬទំនាក់ទំនងតាមលេខទូរស័ព្ទ +66 9 8439 3866/ 016 427 789៕