លោកបណ្ឌិត Rick Hanson ជាអ្នកវិទ្យាសាស្ត្រផ្នែកខាងខួរក្បាលបានបង្ហាញពីលទ្ធផលវិភាគផ្សេងៗជាច្រើនថា ខួរក្បាលមនុស្សយើងមានប្រតិកម្មរហ័សចំពោះការទទួលដឹងនិងការចងចាំគ្រប់រឿងរ៉ាវផ្សេងៗក្នុងផ្នែកអវិជ្ជមាន។ ប៉ុន្តែជាអកុសលនោះ ខួរក្បាលរបស់មនុស្សយើងច្រើនតែមើលរំលងរឿងវិជ្ជមានទៅវិញ។ នេះជាក្បួនបង្វឹកខួរក្បាលឱ្យរីករាយ៖
១) តាមលោកបណ្ឌិត Hanson បានបញ្ជាក់ថាការព្យាយាមសម្លឹងមើលនៅក្នុងផ្លូវវិជ្ជមាន សូម្បីតែរឿងតូចតាចនៅក្នុងជីវិតក៏ដោយដូចជា ធ្វើការងារសម្រេចបាន១មុខ ឬធ្វើការងារសម្រេចបានត្រឹមតែមួយផ្នែកតូចក៏ដោយ វាក៏ធ្វើឱ្យអ្នកមានអារម្មណ៍ល្អដែរ។ ក្បួនទីមួយនេះ ចូរអ្នករីករាយជាមួយរងតូចណា។
២) រស់នៅជាមួយនឹងសេចក្តីសុខ ពេលអ្នកចេះពេញចិត្តលើខ្លួនឯង ហើយខំអស់ពីសមត្ថភាព។ តាមលោកបណ្ឌិត Hanson ប្រាប់ថា ការប្រើប្រាស់ពេលវេលាត្រឹមតែ១០-២០នាទីក៏បានដើម្បីធ្វើសមាធិ ក្នុងការផ្តោតចិត្តទៅលើរឿងល្អៗ ដែរ។ តាមរយៈវិធីនេះធ្វើឱ្យកោសិកាប្រសាទនៅក្នុងខួរក្បាលរបស់យើងបញ្ជូនរលកសញ្ញាចូលទៅទាក់ទងគ្នា ធ្វើឱ្យសាខារបស់កោសិកាប្រសាទនៃអារម្មណ៍ល្អៗនៅក្នុងខួរក្បាលរបស់យើងកាន់តែមានភាពរឹងមាំឡើង។
៣) ការព្យាយាមគិតដល់រូបភាពល្អៗ ឬស្អាតៗ វាជួយឱ្យអ្នកមានអារម្មណ៍ល្អៗ។ មានអ្នកខ្លះគិតស្រមៃថា បានផឹកកាហ្វេ ផឹកទឹកដូង និងទឹកក្តៅឧណ្ណៗ ឬបានទៅដើរល្អកន្លែងកម្សាន្ត...។ មានអ្នកខ្លះទៀតស្រមៃថា មានកម្ដៅឧណ្ណៗសាយភាយទៅពេញរាងកាយ។ ការធ្វើបែបនេះជាវិធីផ្សាររភ្ជាប់អារម្មណ៍ល្អៗ របស់អ្នកនៅក្នុងប្រព័ន្ធខួរ ក្បាលឱ្យមានភាពល្អប្រសើរ និងចិត្តកាន់តែរឹងមាំឡើង ដើម្បីធ្វើឱ្យអ្នកមានអារម្មណ៍រីករាយ និងងាយស្រួលគិតក្នុងពេលអនាគតផងដែរ។ អត្ថបទដោយ៖ ទ្រ សុភាព