១. បង្កើនការផ្តោតអារម្មណ៍៖ មានភស្តុតាងបញ្ជាក់ថា ការដើរយ៉ាងលឿននៅពេលព្រឹកអាចធ្វើឱ្យសុខភាពខួរក្បាល និងជំនាញការគិតរបស់អ្នកអាចអារម្មណ៍ផ្តោតលើគំនិតបានល្អប្រសើរឡើង។ ហើយការដើរនេះក៏ជួយបង្កើនការចងចាំ ការយល់ដឹង ការរៀនសូត្រ និងការអានផ្នែកខួរក្បាល។ ហើយវាជួយកាត់បន្ថយហានិភ័យនៃការចុះខ្សោយខួរក្បាល ឬកាត់បន្ថយការយល់ដឹងរបស់អ្នក។ តាមការសិក្សាក៏បានបង្ហាញថា ការដើរពេលព្រឹកអាចការពារការថយចុះការចងចាំទាក់ទងនឹងអាយុថែមទៀត។

២. បំបាត់ភាពតានតឹង និងផ្តល់ថាមពល៖ ការដើរត្រឹមតែ ៣០ នាទីនៅពេលព្រឹក ជួយបំពេញរាងកាយរបស់អ្នកជាមួយនឹងថាមពលដែលអ្នកត្រូវការប្រើពេញមួយថ្ងៃជួយអ្នកប្រឆាំងនឹងបញ្ហាស្ត្រេស និងការធ្លាក់ទឹកចិត្តយ៉ាងល្អបំផុត។ ពីព្រោះវាធ្វើឱ្យប្រសើរឡើងនូវចរន្តឈាមពីរាងកាយទៅកាន់ខួរក្បាល។  យោងតាមការសិក្សាឆ្នាំ ២០១៨ ការដើរពេលព្រឹកជួយជម្រះអរម៉ូន cortisol ជាអរម៉ូនស្ត្រេស ឱ្យអារម្មណ៍ស្ងប់និងរីករាយ។ អ្នកគួរតែសាកល្បងដើរក្នុងបរិយាកាសធម្មជាតិដូចជា ឧទ្យាន សួនច្បារ និងកន្លែងបៃតង ដើម្បីបំបាត់អារម្មណ៍តានតឹង។

៣. ជួយសម្រកទម្ងន់បន្ថែម៖ យើងភាគច្រើនចំណាយពេលការងារនឹងតុ ការធ្វើបែបនេះក៏ធ្វើឱ្យអ្នកឡើងគីឡូលឿន។ ការដើរជារៀងរាល់ថ្ងៃនៅពេលព្រឹកជួយអ្នកដុតកាឡូរី និងកាត់បន្ថយហានិភ័យនៃការឡើងគីឡូ។ ការធ្វើលំហាត់ប្រាណបែរដើរនេះគិតជាកម្រិតមធ្យមជួយអ្នកក្នុងការដុតកំដៅរហូតដល់ ១០០ កាឡូរីក្នុងមួយម៉ាយ នេះជាមូលហេតុឱ្យអ្នកស្រកគីឡូមានរាងស្អាត។ ហើយពេលព្រឹកគ្រាន់តែញ៉ាំអាហារផ្លែប៉ោម បន្ថែ និងពងទាបន្ថែមនោះ គីឡូរបស់អ្នកស្រកយ៉ាងពិតប្រាកដ៕ អត្ថបទដោយ៖ ទ្រ សុភាព