១. ទឹកធម្មតាជួយផ្តល់សំណើមដល់ស្បែក និងបន្សាបជាតិពុលក្នុងរាងកាយ។ ការពិសាទឹក ៣ទៅ៤លីត្រក្នុងមួយថ្ងៃមនុស្សទូទៅជួយកោសិកាស្បែកឱ្យមានប្រសិទ្ធភាព និងបន្សាបជាតិពុលឱ្យស្បែកមើលទៅក្មេងជាងវ័យហើយកុំឱ្យជ្រួញ។ ការពិសាទឹកឱ្យបានគ្រប់ជួយខួរក្បាលកុំឱ្យស្រ្តេស ឱ្យមុខអ្នកឆាប់ចាស់ផងដែរ។

២. ទឹកដូងមានផ្ទុកសារធាតុប៉ូតាស្យូម ម៉ាញ៉េស្យូម និងអេឡិចត្រូលីតជួយឱ្យមានតុល្យភាពមានសំណើមដល់កោសិកាស្បែក។ ផ្លែដូងមានសារធាតុប្រឆាំងអុកស៊ីតកម្មជួយការពារស្បែកពីការខូចពន្លឺព្រះអាទិត្យ។

៣. ផ្លែប័រជួយពន្យាស្បែកកុំឱ្យចាស់ ព្រោះមានជាតិវីតាមីនE, C និងអាស៊ីតខ្លាញ់មិនឆ្អែត។ ផ្លែប័រផ្តល់សារធាតុចិញ្ចឹមដល់កោសិកាស្បែក ធ្វើឱ្យប្រសើរឡើងនូវសំណើម កាត់បន្ថយភាពស្ងួត និងរបកស្បែក។ អ្នកអាចផ្សំផ្លែប័រជាមួយទឹកដោះគោជូរគ្មានជាតិផ្អែម និងទឹកឃ្មុំបន្តិច ដើម្បីបង្កើនគុណភាពដល់ស្បែកឱ្យកាន់តែក្មេងជាងវ័យ។

៤. ទឹកក្រូចច្របាច់ស្រស់មានប្រយោជន៍ខ្លាំងណាស់ សម្រាប់ជំនួយសុខភាពរបស់អ្នក ថែមទាំងមានប្រយោជន៍ជួយលើកសម្រស់របស់បងប្អូនបានដូចគ្នា នេះក៏ព្រោះតែទឹកក្រូចច្របាច់សម្បូរដោយវីតាមីនស៊ីជាច្រើន វីតាមីននេះគឺជួយជម្រុញការផលិតកូឡាជេន ធ្វើឱ្យស្បែករបស់បងប្អូនតឹងណែន ភ្លឺថ្លា មិនងាយជ្រីវជ្រួញតាមអាយុរបស់បងប្អូនឡើយ នឹងអាចជួយពង្រឹងប្រព័ន្ធភាពសុំាក្នុងខ្លួនរបស់បងប្អូនបានផងដែរ។

៥. ទឹកការ៉ុត៖ ទឹកការ៉ុតមានប្រយោជន៍បំផុត តែដឹងថាបងប្អូនយើងមិនសូវចូលចិត្តផឹកប៉ុន្មានទេ តែបើមិនទាន់សាកអាចសាកបាន ការ៉ុតអាចជួយដល់ស្បែករបស់បងប្អូនភ្លឺថ្លា មានសំណើម ហើយក៏មានប្រយោជន៍ជួយឱ្យសក់ ក្រចកដុះល្អ និងជំនួយដល់ភ្នែករបស់បងប្អូនឱ្យមានសុខភាពល្អដូចគ្នា។ ក៏ប៉ុន្ដែបងប្អូនមិនចាំបាច់ផឹករាល់ថ្ងៃក៏បានដែរ អាចផឹក១សប្ដាហ៍៣ទៅ៤ដងក៏បានដែរ៕ អត្ថបទដោយ៖ ទ្រ សុភាព