ស្រ្តីឆ្នើមរូបនេះមានឈ្មោះថា គាំ សុខសម្ផស្ស ជា Youtuber និង Facebooker ហើយជាម្ចាស់ Facebook Page ឈ្មោះ Samphors From Japan ព្រមទាំង Channel YouTube មានឈ្មោះថា SAMPHORS LLC។ វីដេអូដែលអ្នកស្រីបានបង្កើតភាគច្រើនមានលក្ខណៈសាមញ្ញៗ ដែលគាត់និយាយអំពីជីវភាពក្នុងការរស់នៅរបស់អ្នកស្រី និងក្រុមគ្រួសារនៅឯប្រទេសជប៉ុន ព្រមទាំងវីដេអូធ្វើម្ហូប និងចែករំលែកចំណេះដឹងផ្សេងៗផងដែរ។

នៅត្រង់ចំណុចនេះ មិនមែនឱ្យអ្នកឈប់ពីការងារភ្លាម មកផលិតមាតិកានោះទេ លោកស្រីសម្ផស្ស ផលិតមាតិកានៅពេលគាត់ទំនេរពីការងារ ហើយគាត់ថតវីដេអូលេងនៅអ្វីដែលគាត់ក្តីស្រឡាញ់ចូលចិត្តតែប៉ុណ្នោះ។ អាចថា ការងារផលិតមាតិកាមួយនេះជាការកាត់ស្រ្តេស កំដរអារម្មណ៍របស់គាត់ឱ្យរីករាយជាមួយគ្រួសារ និងបងប្អូនខ្មែរផងដែរ។ អ្នកស្រីបានបញ្ជាក់ថា ដើម្បីរកលុយពី Facebook ឬ YouTube បានមិនមែនគ្រាន់តែបង្ហោះៗវីដេអូចោលនោះទេ យើងត្រូវដឹងពីគន្លឹះ និងលក្ខខណ្ឌផ្សេងៗដែលក្រុមហ៊ុន Facebook និង YouTube បានកំណត់ជាមុនសិន។

ដំបូងឡើយអ្នកស្រីសម្ផស្សបានចែករំលែកវីដេអូក្នុងគ្រួសារនិងធ្វើម្ហូបបែបជប៉ុនពីមួយថ្ងៃទៅមួយថ្ងៃមានអ្នកតាមដានគាត់កាន់ច្រើនឡើង ទើបគាត់សមត្ថភាពអាចរកចំណូលបានច្រើនពី Facebook និង YouTube ។ ទើបគាត់ក៏សម្រេចចិត្តលាឈប់ពីការងារ មកធ្វើជាអ្នកបង្កើតវីដេអូពេញម៉ោងតែម្ដង។ ក្រោយលាឈប់ពីការងារគាត់ក៏មានពេលគ្រប់គ្រាន់សម្រាប់ថតវីដេអូថ្មីៗ បង្ហោះចូលទៅក្នុង Facebook និង YouTube ជាហេតុធ្វើឱ្យទាញបានអ្នកគាំទ្រចូលមើលកាន់តែច្រើនថែមទៀតហើយចំណូលរបស់គាត់កាន់តែច្រើនឡើងដែរ។

តាមលោក Philip Kotler ជាអ្នកនិពន្ធផ្នែកឌីជីថលបានលើកឡើងថា ការផលិតមាតិកាជាទីផ្សារពេញនិយមបំផុតដែលមនុស្សអាចលុយបានដោយស្រួលជាងមុន។ ព្រោះវាមានបណ្តាញអ៊ិនធឺណែតដើម្បីទំនាក់ទំនងនឹងគ្នាតាមបណ្តាញសង្គមនានាផងដែរ។ ប៉ុន្តែមានបញ្ហាធំមួយដែរនោះគឺតើអ្នកទុនចុះពេលវេលាច្រើនកម្រិតណា? ចំណូលពីការផលិតមាតិកាជួយផ្លាស់ប្តូរជីវិតមនុស្សច្រើនមកហើយ”។ រឿងមួយដែលអ្នកត្រូវមានក្នុងបេះដូងជាអ្នកផលិតមាតិការគឺភាពស្មោះត្រង់ជាការគិតប្រយោជន៍របស់អ្នកមើលលើមាតិការបស់អ្នក។ នេះជាគុណតម្លៃអ្នកផលិតមាតិកា។ ពេលតម្លៃរបស់អ្នកកាន់តែកើន ចំណូលរបស់អ្នកកាន់តែច្រើនឡើងដែរ៕ អត្ថបទដោយ៖ ទ្រ សុភាព
"ពេលអ្នកផលិតមាតិកាមានតម្លៃមានប្រយោជន៍ដល់អ្នកតាមដានបានច្រើន អ្នកមិនចាំបាច់ភ័យរឿងចំណូលនោះទេ"