ខាងក្រោមនេះជាគំរូក្នុងបណ្តុះក្តីស្រមៃឱ្យអ្នកធ្វើការងារតាមលំហូរចិត្តពីលោក Hector Garcia និង Francesc Miralles បានរួមបញ្ចូលធាតុផ្សំចំនួន ៤យ៉ាង៖

១. អ្វីដែលស្រឡាញ់បំផុត? ក្តីស្រមៃជាលំហូរចិត្តដែលធ្វើឱ្យអ្នកចូលចិត្តមានអារម្មណ៍រីករាយគ្រប់ពេល និងគ្រប់ឱកាសដែលអ្នកនិយាយចែករំលែកអារម្មណ៍ទៅកាន់អ្នកដទៃធ្វើឱ្យបេះដូងរបស់អ្នករាងលោតញាប់។ ហើយអ្នកអាចមានក្តីស្រឡាញ់លើការគូរគំនូរ ការថតរូបស្អាតៗ ការរាំ ការនិពន្ធ ការលេងបាល់ទាត់ និងការរកស៊ីជាដើម។

២.  អ្វីដែលអ្នកពូកែបំផុត? ពេលអ្នកធ្វើការងារមួយហ្នឹង ធ្វើឱ្យអ្នកជក់ចិត្តជក់អារម្មណ៍ក្នុងការខិតខំអស់ពីសមត្ថភាពឆ្ពោះទៅរកក្តីស្រមៃ។ សញ្ញារបស់វានោះ អ្នកកាន់តែខំក្នុងកិច្ចការហ្នឹង អ្នកកាន់តែពូកែខ្លាំងឡើងគ្មានឈប់ឈរ និងរីករាយជាមួយវា រហូតអស់រយៈពេលជាច្រើនឆ្នាំ អ្នកក៏បានក្លាយជាអ្នកជំនាញវិស័យរបស់ខ្លួនមានដូចជា ការថតរូបភាព អ្នកនិពន្ធ ជាអ្នករចនាម៉ូដ និងសហគ្រិនម្នាក់ដែរ...។

៣. អ្វីដែលផលមានបតស្នង? ពេលអ្នកធ្វើការងារមួយហ្នឹង អ្វីដែលសងត្រឡប់មកវិញអាចជាលុយ ក្តីស្រឡាញ់ និងរង្វាន់លើកទឹកចិត្តផ្សេងៗ។ សូមចងចាំថា ការរស់នៅក្នុងការសម្រេចកិច្ចការអ្វីមួយ អ្នកត្រូវរកប្រាក់ដើម្បីផ្គត់ផ្គង់តម្រូវការ និងការចំណាយប្រចាំថ្ងៃដើម្បីឱ្យក្តីស្រមៃក្លាយជាការពិត។

៤. តើពិភពលោក និងសង្គមត្រូវការអ្វីពីខ្ញុំ? អ្នកត្រូវគិតថា ការងារមិនមែនគ្រាន់តែការងារនោះទេ ជាការជួយផ្លាស់ប្តូរអ្វីមួយក្នុងជីវិតរបស់អ្នកដទៃ និងជួយសង្គមជួយពិភពលោកឱ្យប្រសើរឡើង។ នេះហើយធ្វើឱ្យអ្នកមើលឃើញពីតម្លៃក្នុងការងារ និងដើរតួយ៉ាងសំខាន់ក្នុងការផ្លាស់ប្តូរសង្គមឱ្យរីកចម្រើនជាងមុន។

សំណួរទាំង ០៤ បញ្ជាក់ថា ការងាររបស់អ្នកធ្វើដើម្បីខ្លួនឯងផង និងអ្នកដទៃផង ទើបវាសមស្របតាមលក្ខណខណៈនៃលំហូរចិត្ត។ ការរីករាយនឹងការងារនិងការរកស៊ីជារឿងសំខាន់ណាស់ក្នុងជីវិត។ បើអ្នកមានគំនិតជាម្ចាស់លើការងារដោយខ្លួនឯង អ្នកនឹងរីករាយជាមួយវា(ក្តីស្រមៃ)។ ព្រោះការងារបង្ហាញពីគំនិត ហើយគំនិតបង្ហាញពីលទ្ធផលរបស់អ្នក។ នៅក្នុងលទ្ធផលការងាររបស់អ្នកនឹងជួបប្រសព្វនៅអារម្មណ៍ចង់ចេះចង់ដឹងគ្មានឈប់ឈរ និងការធ្វើសកម្មភាពយ៉ាងជក់ចិត្តជក់អារម្មណ៍ដោយមានឆន្ទៈគឺធ្វើការងារមួយហ្នឹងឱ្យសម្រេចជោគជ័យបានអស់ចិត្ត។ អត្ថបទនេះដកស្រង់ចេញពីសៀវភៅ លំហូរចិត្ត អ្នកអាចទិញសៀវភៅតាមនេះ៖https://t.me/BusinessCambodiaBook