១. ផឹកកាហ្វេត្រូវតាមក្បួនពេទ្យជួយសុខភាពផ្នែកថ្លើម និងរំលាយជាតិខ្លាញ់ក្នុងរុំថ្លើម។ អ្នកគួរផឹកកាហ្វេខ្មៅ មានស្តង់ដា គឺអត់ដាក់ស្ករ អត់ថែមក្រែម អត់ដាក់ទឹកដោះគោទេ ទើបជាតិកាហ្វេមានសមត្ថភាពជួយថ្លើមបានល្អ។ តាមសមាគមថ្លើមសហរដ្ឋអាមេរិក AASLD បានបញ្ជាក់ថាកាហ្វេអ៊ីនជួយកាត់បន្ថយការខូចខាត់សាច់ថ្លើម Fibrosis ដោយសារធាតុកាហ្វេអីន Caffeine ។ ហើយកាហ្វេនេះជួយពន្យឺតការវិវត្តជំងឺថ្លើមដោយសារសារធាតុ Paraxanthine ជាសារធាតុគីមីផលិតនៅពេលរាងកាយទទួលជាតិកាហ្វេអ៊ីន។ សារធាតុនេះជួយទប់ស្គាត់ជាលិកាស្លាកស្នាមក្នុងថ្លើម និងជួយព្យាបាលជម្ងឺក្រិនថ្លើម រលាកថ្លើមប្រភេទ B, និងC ផងដែរ។ ដូច្នេះហើយ! ការផឹកកាហ្វេមួយកែវជាប្រចាំថ្ងៃជួយកាត់បន្ថយហានិភ័យនៃជំងឺថ្លើមរ៉ាំរ៉ៃ។

២. កាហ្វេមានផ្ទុកជាតិកាហ្វេអ៊ីន និងសារធាតុប៉ូលីហ្វេណុលជាសារធាតុប្រឆាំងអុកស៊ីតកម្មជួយការពារកោសិកាពីឥទ្ធិពលបំផ្លាញរ៉ាឌីកាល់សេរីហើយកាត់បន្ថយហានិភ័យនៃជំងឺមហារីក។ តាមវិទ្យាស្ថានអាមេរិកស្រាវជ្រាវជំងឺមហារីក (AICR) បានបញ្ចាក់ថា មានអ្នកចូលរួមជិត ៥០០,០០០នាក់នៅប្រទេសអង់គ្លេសដោយចំណាយពេល ១០ឆ្នាំ។ នៅក្នុងចំណោមអ្នកចូលរួមទាំងនោះ មានអ្នកផឹកកាហ្វេជាប្រចាំថ្ងៃចំនួន ៧៨%។ ហើយចំនួន ២២% មិនសូវជាផឹកកាហ្វេទេ។ លទ្ធផលសិក្សាបានរកឃើញថា អ្នកផឹកកាហ្វេជាប្រចាំថ្ងៃជួយកាត់បន្ថយហានិភ័យនៃការស្លាប់ជំងឺមហារីក ៤៩% បើធៀបនឹងអ្នកដែលមិនផឹកកាហ្វេសោះ។

៣. កាហ្វេ​​​ជួយ​ដល់​ការ​សម្រកគីឡូដោយបញ្ចុះជាតិខ្លាញ់ក្បាលពោះបានលឿន ប៉ុន្តែ​ការផឹក​កាហ្វេដាក់ស្ករច្រើន ក៏ធ្វើឱ្យអ្នកមិនស្រកគីឡូដែរ។ ព្រោះជាតិស្ករនាំឱ្យឡើងគីឡូ។ តាម​លោកវេជ្ជបណ្ឌិត​ Derrick Johnston បានលើកឡើងថា ការផឹកកាហ្វេ​មានជាតិកាហ្វេអ៊ីន​ជួយ​ឱ្យ​រាង​កាយអ្នកអស់ជាតិខ្លាញ់ និងជម្រុញប្រតិកម្ម​រំលាយ​អាហារ​​​ក្នុង​រាង​កាយឱ្យដុត​​ធាតុ​កាល់ឡូរី​ក្នុង​ខ្លួន​ឱ្យស្រកគីឡូ។ ជាមួយគ្នានោះដែរ កាហ្វេអាចជួយកាត់បន្ថយចំណង់អាហារ ដែលជំនួយឱ្យអ្នកការសម្រកគីឡូ មានរាងស្អាតកាន់តែមានប្រសិទ្ធភាពផងដែរ៕ អត្ថបទដោយ៖ ទ្រ សុភាព