ហើយគាត់បានបន្តថា មនុស្សយើងតែងមានហេតុផលរៀងៗ ខ្លួនដើម្បីយកឈ្នះអារម្មណ៍ខ្ចិលមួយនេះ។ មានអ្នកខ្លះមានហេតុផលចង់សម្រកគីឡូ ចង់បានសុខភាពល្អ និងរាងស្អាតជាដើម... ព្រោះការគិតវិជ្ជមានបែបនេះ តែងតែនាំអារម្មណ៍ឈ្នះភាពខ្ចិលបានជានិច្ច។

ហើយអ្នកចង់សម្រកគីឡូត្រូវមានវិន័យ។ តាមលោកគ្រូ រក្សា បានលើកឡើងថា ការហាត់ប្រាណដឹងតែធ្វើឱ្យមនុស្សស្រកគីឡូហើយ ប៉ុន្តែបើគ្មានវិន័យលើខ្លួនឯង ការស្រកគីឡូមានក្តីសង្ឃឹមតិចណាស់។ ហេតុផលជារឿងទីមួយ សម្រាប់វិន័យជារឿងទីពីរ ដើម្បីសម្រេចគោលដៅក្នុងការស្រកគីឡូ។ វិន័យនាំខ្លួនអ្នកទៅហាត់ប្រាណ ហើយការខំនេះជាលទ្ធផលឱ្យអ្នកស្រកគីឡូ។ តាមលោក Jim Rohn ជាអ្នកចិត្តសាស្រ្តបាននិយាយថា“វិន័យជាស្ពានរវាងគោលដៅនិងចំនុចចាប់ផ្តើម”។ វិន័យជួយឱ្យខ្លួនអ្នកចេះគ្រប់គ្រងទម្លាប់ រុញខ្លួនទៅហាត់ប្រាណជាប្រចាំថ្ងៃ និងហូបអាហារដោយមានវិន័យគឺហូបអាហារបែបសុខភាព។ រឿងហាត់ប្រាណលំបាកមួយហើយ នៅសល់រឿងលំបាកចុងក្រោយមួយទៀតគឺរបរអាហារបែបសុខភាព។  

តាមលោកគ្រូ រក្សា បានលើកឡើងថា ហូបអាហារខុស ខំហាត់ប្រាណក៏គ្មានបានផលអ្វីដែរ។ នេះជាបញ្ហានាំមនុស្សជាច្រើនបាក់ទឹកចិត្ត។ ពេលអ្នកហាត់ប្រាណដំបូង កុំព្យាយាមដាច់អាហារភ្លាមៗ ចូរហូបតាមទម្លាប់ធម្មតាសិន រួចចាំកាត់បន្ថយម្តងបន្តិចៗ វាធ្វើឱ្យអ្នកមានអារម្មណ៍ល្អជាមួយខ្លួនឯងគឺគ្មានសម្ពាធ ហើយឃើញពីលទ្ធផលស្រកគីឡូធ្វើឱ្យអ្នកកាន់តែមានកម្លាំងធ្វើវាបន្តទៀតដែរ។ របរអាហារបែបសុខភាពមានច្រើនណាស់ អ្នកអាចហូបលាយគ្នាក៏បានដែរ ហូបស៊ុត ហូបសាច់គោ សាច់មាន់ ហូបផ្លែប័រ ផ្លែប៉ោម និងបន្ថែស្រស់ៗ ជាមួយសាច់... ពេលអ្នកទម្លាប់ហូបបែបនេះ ហើយមានវិន័យហាត់ប្រាណបន្ថែមជាប្រចាំថ្ងៃ លទ្ធផលធ្វើឱ្យអ្នកមិនខកចិត្តនោះទេគឺស្រកគីឡូនេះឯង៕ Facebooks លោកគ្រូ រក្សា Reak Sa និងលេខទូរស័ព្ទ៖0968789400 អត្ថបទដោយ៖ ទ្រ សុភាព