បើនិយាយអំពីការសិក្សា យើងតែងតែផ្តោតលើការស្វែងរកកន្លែងសិក្សាឱ្យល្អ បង្កើតផែនការ និងការគ្រប់គ្រងពេលវេលាឱ្យមានប្រសិទ្ធភាព។ ប៉ុន្តែមានកត្តាសំខាន់មួយដែលអាចជះឥទ្ធិពលយ៉ាងខ្លាំងដល់ការសិក្សារបស់អ្នកនោះគឺរបបអាហា។ ពេលសិស្សហូបអាហារទាំងនេះ វាពិតជាមានឥទ្ធិពលលើមុខងារខួរក្បាលក្នុងការចងចាំមេរៀនបានល្អ។
១. ផ្លែប៊ឺរី៖ ការហូបផ្លែប៊ឺរីជួយផ្តល់ថាមពលដល់ខួរក្បាលហើយពង្រឹងមុខងារនៃការយល់ដឹង វាធ្វើឱ្យខួរក្បាលរបស់សិស្សគិតបានល្អ។ ជាពិសេសវាល្អសម្រាប់សុខភាពភ្នែក សាច់ដុំ សុខភាពខួរក្បាលក្នុងពង្រឹងកោសិកាដក់ប្រព័ន្ធខួរក្បាលឱ្យគិតបានល្អ។ ព្រោះផ្លែប៊ឺរីមានសារជាតិ Flavonoids ជាក្រុមសារធាតុ phytonutrients ជួយឱ្យសុខភាពខួរក្បាលប្រសើរឡើងហើយកាត់បន្ថយការខ្សោយនៃមុខងារយល់ដឹងរបស់ខួរក្បាលយ៉ាងល្អ។
២. គ្រាប់សណ្ដែកប៉ូវខួរក្បាល៖ គ្រាប់សណ្ដែកជាអាហារសម្រាប់អ្នកអាយុវែងហូបជាប្រចាំថ្ងៃដើម្បីឱ្យមានបានចងចាំខ្ពស់មិនងាយភ្លេចនោះទេ។ សម្រាប់សិស្សហូបគ្រាប់សណ្តែក និងទឹកសណ្តែក ពិតជាជួយដល់ប្រព័ន្ធភាពស៊ាំនិងខួរក្បាលខ្លាំងណាស់។ គ្រាប់សណ្ដែកវាសម្បូរទៅដោយប្រូតេអ៊ីន ជាតិសរសៃ សារធាតុប្រឆាំងអុកស៊ីតកម្ម និងសារធាតុរ៉ែដូចជា ម៉ាញេស្យូម និងជាតិដែកដើម្បីការពារជំងឺភ្លេចយ៉ាងល្អបំផុត។
៣. ត្រីខ្លាញ់៖ ត្រីខ្លាញ់ជាប្រភពសម្បូរនៃអាស៊ីតខ្លាញ់អូមេហ្គា៣ ដែលត្រូវបានផ្សារភ្ជាប់ទៅនឹងកម្រិតទាបនៃសារធាតុបេតាអាមីឡូអ៊ីដក្នុងឈាម បង្ការកុំឱ្យខួរក្បាលងាយកើតជំងឺភ្លេចភ្លាំងសម្រាប់សិស្ស។ ការទទួលទានសាច់ត្រីដែលសម្បូរខ្លាញ់ល្អដូចជា ត្រីសាម៉ុន ធូណា ឬសាឌីន ... វាល្អដល់ការបង្ការកុំឱ្យឆ្លងមេរោគក្នុងប្រព័ន្ធប្រសាទរបស់ខួរក្បាល។
៤. កាហ្វេ៖ កាហ្វេមានសារធាតុS-Adenosyl Methionine វាត្រូវបានគេប្រើនៅក្នុងប្រតិកម្មគីមីដើម្បីបង្កើត និងបំបែកសមាសធាតុសំខាន់ៗ ដូចជា ប្រូតេអ៊ីន ខ្លាញ់ និងអរម៉ូន វាអាចមានប្រយោជន៍សម្រាប់ការបង្កើនប្រសិទ្ធភាព ប្រឆាំងនឹងជំងឺធ្លាក់ទឹកចិត្តមួយចំនួន និងកាត់បន្ថយការថយចុះមុខងារខួរក្បាលដែលឃើញចំពោះអ្នកដែលមានជំងឺធ្លាក់ទឹកចិត្ត។ សម្រាប់សិស្សចង់ឱ្យខួរក្បាលស្វាងនិងគិតស្រលះខួរក្បាល ការផឹកកាហ្វេជារឿងល្អបំផុត៕ អត្ថបទដោយ៖ ទ្រ សុភាព