អ្នកចូលចិត្តហូបអាហារផ្អែមៗ ងាយកើតជំងឺទឹកនោមផ្អែមនិងធាត់លឿនណាស់។ បើយោងតាមអង្គការសុខភាពពិភពលោក មានមនុស្សជាង ៤២២លាននាក់កំពុងរស់នៅជាមួយទម្រង់នៃជំងឺទឹកនោមផ្អែមនេះ។ បើអ្នកចង់ចៀសវាងជំងឺទឹកនោមផ្អែម អ្នកគួរធ្វើរឿងទាំង ៤នេះសិន។
១. ការធ្វើលំហាត់ប្រាណ៖ ការធ្វើសកម្មភាពរាងកាយជាប្រចាំ ជាវិធីដ៏ល្អបំផុតមួយក្នុងការការពារ ឬគ្រប់គ្រងជំងឺទឹកនោមផ្អែមប្រភេទទី ២។ ជាការពិត កង្វះលំហាត់ប្រាណ និងអសកម្មយូរជំរុញឱ្យកើតជំងឺនេះ។ ការមានទម្លាប់ធ្វើលំហាត់ប្រាណជាទៀងទាត់ធ្វើអោយប្រសើរឡើងនូវសមត្ថភាពរបស់សាច់ដុំក្នុងការប្រើអាំងស៊ុយលីន និងស្រូបយកជាតិស្ករ។ វាក៏បំបាត់ភាពតានតឹងខ្លះពីកោសិកាបង្កើតអាំងស៊ុយលីនរបស់អ្នកផងដែរ។ អត្ថប្រយោជន៍មួយទៀត សម្រាប់ការហាត់ប្រាណ គឺវាជួយអ្នកក្នុងការសម្រកទម្ងន់។ ប្រសិនបើអ្នកអាចគ្រប់គ្រងលំហាត់ប្រាណត្រឹមតែ 30 នាទី 5 ថ្ងៃក្នុងមួយសប្តាហ៍ នេះអាចជួយសម្រួលសម្ពាធឈាម និងកូលេស្តេរ៉ុលផងដែរ។
២. ទឹកខ្ញី៖ ទឹកខ្ញីមានអត្ថប្រយោជន៍ច្រើនចំពោះសុខភាព ជាពិសេសគឺល្អបំផុតចំពោះអ្នកជំងឺទឹកនោមផ្អែម។ វាមានជាតិស័ង្កសីដែលជំរុញនៃអាំងស៊ុយលីន។ លើសពីនេះវាក៏សម្បូរទៅដោយសារធាតុប្រឆាំងអុកស៊ីតកម្ម និងប្រឆាំងនឹងការរលាកផងដែរ។ របៀបធ្វើ៖ មុនដំបូងយើងត្រូវយកដុំខ្ញីមួយដុំយកទៅដាំជាមួយទឹកចំនួន១លីត្រ រួចពេលដែលខ្ញីចាប់ផ្ដើមទន់យើងយកវាទៅច្របាច់ឲ្យចូលជាតិជាមួយទឹកដែលដាំជាមួយវារួចស្រង់យកកាកចេញចាក់ដាក់ចូលកែវសឹមផឹកជាការស្រេច។
៣. អ្នកត្រូវជៀសវាងថ្នាំជក់៖ យោងតាមមជ្ឈមណ្ឌលគ្រប់គ្រង និងបង្ការជំងឺ (CDC) ការជក់បារីបង្កើនហានិភ័យនៃការវិវត្តទៅជាជំងឺទឹកនោមផ្អែមពី៣០ទៅ៤០%។ សម្រាប់អ្នកដែលមានជំងឺទឹកនោមផ្អែមរួចហើយ ហានិភ័យខ្លាំងណាស់ សម្រាប់អ្នកជក់បារី។ ដូចនេះ អ្នកគួរជៀសវាង ឬបញ្ឃប់ការជក់បារីនេះ៕ អត្ថបទដោយ៖ ទ្រ សុភាព