បញ្ហាទល់លាមក ពិបាកបត់ជើង បត់ជើងម្តងៗលាមកមានសភាពរឹងដូចដុំថ្ម ជួនកាលទំហំលាមករឹងធំពេកអាចនឹងធ្វើឱ្យដាច់រហែកនៅតំបន់ទ្វារលាមកថែមទៀត។ បញ្ហានេះ បើផ្អែកទៅតាមការលើកឡើងរបស់វេជ្ជបណ្ឌិត Kulthep Rattankovit ឯកទេសខាងក្រពះពោះវៀន និងថ្លើម ប្រចាំមន្ទីរពេទ្យVimut នៅប្រទេសថៃ បានពន្យល់ឱ្យដឹងថា ជាទូទៅចំពោះបញ្ហាទល់លាមក យើងតែងគិតថា បង្កមកពីកត្តាពោះវៀនដំណើរការមិនទៀងទាត់ល្អ ក៏ប៉ុន្តែតាមការពិត ការទល់លាមកជាធម្មតាកើតឡើងនៅពេលដែលលាមកនៅក្នុងពោះវៀនធំរបស់យើងរក្សាទុកយូរពេក ហើយពោះវៀនធំស្រូបយកទឹកច្រើនពេកពីលាមក ដែលបណ្តាលឱ្យលាមកប្រែទៅជាសភាពរឹង និងស្ងួត ជាហេតុនាំឱ្យលាមកធ្វើដំណើរឆ្លងកាត់ពោះវៀនទៅកាន់ទ្វារលាមកយឺត បង្កចេញពីជាបញ្ហាពិបាកបន្ទោរបង់។
បញ្ហាពិបាកបន្ទោរបង់ ឬទល់លាមកនេះ ភាគច្រើននឹងស្តែងចេញជារោគសញ្ញាដូចជា៖
-បន្ទោរបង់តិចជាង៣ដងក្នុង១សប្តាហ៍
-បន្ទោរបង់ម្តងៗពិបាកខ្លាំង ដោយសារតែដុំលាមករឹង និងជួនកាលបណ្តាលឱ្យដាច់រហែកនៅតំបន់ទ្វារលាមក
- មានអារម្មណ៍រឹងពោះក្នុងពោះ ដូចពោះវៀនគ្មានចលនា
- មានអារម្មណ៍ថាហាក់ដូចជាមានការស្ទះនៅក្នុងរន្ធគូថ-ល-។
បញ្ហាទល់លាមកនេះដែរ ប្រសិនបើបន្តទុកវាឱ្យអាចបង្កឱ្យយើងប្រឈមមុខនឹងបញ្ហាខ្សោយពោះវៀន, កើតឫសដូងបាត, ដាច់រហែកតំបន់ទ្វារមាសញឹកញាប់អាចបង្កចេញជាដំបៅ...ជាដើម។
ហេតុនេះ ដើម្បីដោះស្រាយនូវបញ្ហាទល់លាមក បង្ការឱ្យស្ថានភាពវិវត្តចូលទៅជាបញ្ហាទល់លាមករុំារ៉ៃ ឬអាចកើតចេញជាជំងឺផ្សេងៗបន្ថែម វេជ្ជបណ្ឌិត Kulthep Rattankovit ក៏បានផ្តល់នូវអនុសាសន៍បន្ថែមដែរថា សម្រាប់មានបញ្ហាទល់លាមកកម្រិតដំបូងៗ គួរតែកែប្រែនូវទម្លាប់រស់នៅមួយចំនួន ដោយគិតចាប់តាំងពីការផ្លាស់ប្តូរនូវរបបអាហារញុំាជាប្រចាំ ជ្រើសញុំាអាហារដែលសម្បូរទៅសារជាតិសរសៃ (មានបន្លែ ផ្លែឈើ គ្រាប់ធញ្ញជាតិ) ញុំាអាហារសម្បូរទៅដោយប្រូបាយអូតិក (មានដូចជា ជ្រក់ យ៉ាអ៊ួ គីមឈី...) ផឹកទឹកឱ្យបានច្រើនក្នុង១ថ្ងៃ។ ចំណុចជាបន្តបន្ទាប់ត្រូវតែប្រកាន់ភ្ជាប់ផងដែរ គឺមានទម្លាប់សកម្មភាពឱ្យបានច្រើន (សកម្មភាពទូទៅ ហាត់ប្រាណ លេងកីឡា) ព្យាយាមគ្រប់គ្រងភាពតានតឹង និងគេងឱ្យបានគ្រប់គ្រាន់ផងដែរ។
ដោយឡែកក្នុងលក្ខខណ្ឌដែលមានបញ្ហាទល់លាមករយៈជាច្រើនសប្តាហ៍នូវតែមិនបាត់ គួរតែទៅជួបប្រឹក្សាជាមួយនឹងគ្រូពេទ្យ ដើម្បីស្វែងរកមូលហេតុឱ្យបានច្បាស់លាស់ពីស្ថានភាពពោះវៀន។ ក្នុងលក្ខខណ្ឌប្រសិនជាគ្រូពេទ្យសង្ស័យទៅលើបញ្ហាសុខភាពពោះវៀនត្រង់ចំណុចណាមួយក្រុមគ្រូពេទ្យ នឹងបន្តធ្វើរោគវិច្ឆ័យស្វែងរកជំងឺ ដើម្បីព្យាបាលឱ្យបានទាន់ពេលវេលា ចៀសវាងករណីវិវត្តទៅជាស្ថានភាពជំងឺអាក្រក់ពិបាកព្យាបាល។ ចំពោះករណីនេះដែរបងប្អូនកុំព្រួយបារម្ភអី ពីព្រោះថាបច្ចុប្បន្ននេះ ខាងពេទ្យជំនាញក្រពះ ពោះវៀន និងថ្លើម មិនត្រឹមតែមានជំនាញច្បាស់លាស់ ជាមួយនឹងបទពិសោធន៍រាប់ឆ្នាំនោះទេ ខាងពេទ្យក៏មានបច្ចេកវិទ្យាទំនើបៗថ្មីៗធ្វើជាជំនួយការដោះស្រាយបញ្ហាសុខភាពអ្នកជំងឺផងដែរ។ តួយ៉ាងដូចជានៅក្នុងមន្ទីរពេទ្យ វិមុត ប្រទេសថៃ បាននាំចូលនូវម៉ាស៊ីនដែលជាបច្ចេកវិទ្យាទំនើបៗចុងក្រោយ ដែលសុទ្ធតែជាម៉ាស៊ីនមានមុខងារខ្ពស់ នៅក្នុងការពិនិត្យ ស្វែងរកលក្ខណៈខុសប្លែកនៃពោះវៀន សុង ឬក៏ឆ្លុះពោះវៀន និងមានបច្ចេកវិទ្យាក្នុងវះកាត់ប្រកបដោយប្រសិទ្ធិភាព សុវត្ថិភាពខ្ពស់ ប្រសិនបើអ្នកជំងឺស្ថិតក្នុងលក្ខខណ្ឌជំងឺតម្រូវឱ្យវះកាត់៕
មានគោលបំណងចង់ទៅពិនិត្យសុខភាព និងព្យាបាលជំងឺនៅប្រទេសថៃ ប៉ុន្តែចង់ប្រឹក្សាជាមួយនឹងអ្នកជំនាញឱ្យបានច្បាស់លាស់ជាមុនសិន អាចទំនាក់ទំនងណាត់ប្រឹក្សាជាមួយនឹងវេជ្ជបណ្ឌិតឯកទេសជនជាតិថៃពីចម្ងាយបានតាមរយៈទីស្នាក់ការមន្ទីរពេទ្យ វិមុត ដែលមានទីតាំងនៅ TK ទួលគោល រាជធានីភ្នំពេញ។ សម្រាប់ព័ត៌មានបន្ថែមអាចសួរនាំបានរយៈផេក Vimut Hospital-Cambodia ឬទំនាក់ទំនងតាមលេខទូរស័ព្ទ +66 9 8439 3866/ 016 427 789៕