មានបងប្អូនខ្មែរយើងមួយចំនួនចូលចិត្តផឹកស្រាកើតជំងឺមហារីកអត់ដឹងខ្លួនទេ។ តាមគេហទំព័រសុខភាព Mdanderson បានចុះផ្សាយថា ការផឹកស្រានាំឱ្យមានហានិភ័យនៃជំងឺមហារីក។ ព្រោះតែអេតាណុលនៅក្នុងភេសជ្ជៈមានជាតិអាល់កុលបំបែកទៅជា Acetaldehyde ជាសារធាតុបង្កមហារីក។ ដើម្បីបង្កាជំងឺមហារីក អ្នកគួរតែញ៉ាំផ្លែឈើទាំង ៣នេះជួយប្រឆាំងជំងឺមហារីកទៀត ព្រោះផ្លែឈើមានប្រយោជន៍ច្រើនសម្រាប់សុខភាពរាងកាយ។
១.ផ្លែស្វាយទុំ៖ គឺជាប្រភពនៃវីតាមីនអេ និងសារធាតុជាច្រើនទៀតដែលជួយការពារស្បែកពីពន្លឺព្រះអាទិត្យ និងសារធាតុ polyphenolsដែលជួយប្រឆាំងជំងឺមហារីក។ ជាពិសេសស្វាយ ជាផ្លែឈើមានរសជាតិឆ្ញាញ់ តម្លៃវិញក៏សមរម្យផងដែរ។
២.ខាត់ណាខៀវ៖ ត្រូវបានគេរកឃើញថាមានសារធាតុ sulforaphaneដែលមានប្រយោជន៍ជួយបង្កើនអង់ស៊ីម ប្រឆាំងជាកោសិកាមហារីក ជាពិសេសល្អសម្រាប់សុខភាពទូទៅដូចគ្នាព្រោះវាក៏សម្បូរដោយជាតិសរសៃ វីតាមីនល្អៗដែលរាងកាយរបស់មនុស្សយើងត្រូវការ ជាពិសេសខាត់ណាខៀវគឺមានរសជាតិឆ្ញាញ់ទៀត។
៣. ផ្លែប័រ៖ យោងតាមប្រភព WebMD បញ្ជាក់ឱ្យដឹងថា ផ្លែប័រអាចជួយការពារជំងឺមហារីក នេះក៏ដោយសារតែសារធាតុ folate ដែលអ្នកទទួលបានពីផ្លែប័រ អាចកាត់បន្ថយហានិភ័យនៃជំងឺមហារីកមួយចំនួន ដូចជាមហារីកក្រពេញប្រូស្តាត និងមហារីកពោះវៀនធំ។ មួយវិញទៀត ផ្លែប័រក៏ជួយសម្រួលដល់ជំងឺរលាកសន្លាក់ និងជំងឺពុកឆ្អឹងផងដែរ៕ អត្ថបទដោយ៖ ទ្រ សុភាព