សម្រាប់ភេសជ្ជៈផ្អែមៗ វាមិនល្អសម្រាប់សុខភាពរបស់អ្នកនោះទេ ព្រោះវាសម្បូដោយជាតិស្ករ ដែលប៉ះពាល់ដល់សុខភាព។ ភេសជ្ជៈទាំងនេះបានធ្វើឱ្យប៉ះពាល់ដល់តម្រងនោម ខូចក្រលៀន ប្រឈមជាមួយជំងឺទឹកនោមផ្អែម ទាំងវ័យក្មេង បើផឹករាល់ថ្ងៃមិនឈប់។ តាមទស្សនាវដ្តី Diabetes Care មានអ្នកស្រាវជ្រាវរកឃើញថា អ្នកផឹកភេសជ្ជៈមានប្រភេទជាតិស្ករចាប់ពី ១ទៅ២ក្រាមក្នុងមួយថ្ងៃមានហានិភ័យខ្ពស់កើតទឹកនោមផ្អែម ២៦% ហើយឈានកើតជំងឺទឹកនោមផ្អែមប្រភេទទី២។ គ្រាន់តែអ្នកប្តូរភេសជ្ជៈបែបនេះ មកពីទឹកធម្មតា ទឹកផ្លែឈើស្រស់ៗ និងភេសជ្ជៈមួយណាដែលមានជាតិស្ករត្រឹម ៤០ទៅ១០%បានហើយ ទើបវាមិនងាយកើតជំងឺទឹកនោមផ្អែម។

សម្រាប់ក្រុមអាហារមួយទៀតជាក្រុមអាហាររហ័សក៏នាំឱ្យកើតទឹកនោមផ្អែមដែរ។ មានដូចជាប្រហិត សាច់ក្រក ពពួកសាច់កំប៉ុង មានបង្អែម ពោតលីង នំ(នំខ្ចប់ច្រើនតែផ្ទុកនូវកម្រិតខ្លាញ់ និងជាតិស្ករបន្ថែមខ្ពស់) មានការ៉េម... ព្រោះវាជាអាហារឆ្អិនស្រាប់មានជាតិខ្លាញ់កាឡូរីនិងអំបិលខ្ពស់ដែលអាចបង្កើនហានិភ័យនៃជំងឺទឹកនោមផ្អែមប្រភេទទី២ ។ ហើយអាហារប្រភេទនេះក៏ជួយជម្រុញអ្នកគីឡូ ឡើងជាតិស្ករក្នុងឈាម។ ការសិក្សាមួយដែលត្រូវបានចេញផ្សាយនៅខែមេសាឆ្នាំ២០១១ នៅក្នុងទស្សនាវដ្តីអាហារូបត្ថម្ភបានរកឃើញថាការញ៉ាំអាហារមានជាតិខ្លាញ់លើសកម្រិត ងាយបង្កើនកម្រិតជាតិស្ករក្នុងឈាមដល់ទៅ ៣២% កត្តានេះហើយនាំឱ្យឡើង សម្ពាធឈាមខ្ពស់ជាការគ្រោះថ្នាក់ដល់ជំងឺទឹកនោមផ្អែម។ បើយោងតាមសមាគម American Heart Association។ ដូចនេះហើយ អ្នកគួរហូបអាហារបែបធម្មជាតិ មានផ្លែឈើ បន្លែស្រស់ៗ និងត្រី ហើយអ្នកុំញ៉ាំអាហារលើសកម្រិតជាតិពេក មានន័យថា ញ៉ាំរាងសាបបន្តិច កុំប្រៃពេក កុំផ្អែមពេក វាកើតជំងឺទឹកនោមផ្អែមលឿន៕ ទ្រ សុភាព