ការសិក្សាមួយបានចេញផ្សាយនៅក្នុងទស្សនាវដ្ដី Clinical Endocrinology & Metabolism បានបញ្ជាក់ថា ការផឹកទឹកប្រហែល ៥០០ml អាចបង្កើនអត្រាមេតាបូលីសដល់ទៅ ៣០% ក្នុងរយៈពេលមួយម៉ោង។ ហើយការរក្សាជាតិទឹកពេញមួយថ្ងៃជួយឱ្យរាងកាយដុតកាឡូរី ជួយ​គ្រប់គ្រង​ជាតិ​ស្ករ​ក្នុង​ឈាម និង​​ប្រែប្រួល​អាំងស៊ុយលីនទៀត។

លើសពីនេះ អ្នកនាង Charmaine Sheh យកចិត្តទុកដាក់ចំពោះអាហារពេលព្រឹក ដោយចាត់ទុកវាជាអាហារដែលផ្តល់ថាមពល និងអាហារូបត្ថម្ភដើម្បីចាប់ផ្តើមថ្ងៃ។ គាត់បានរៀបចំទឹកដោះគោដើម្បីបន្ថែមប្រូតេអ៊ីន បង្កើតអារម្មណ៍ឆ្អែតបានយូរ និងជួយរក្សាលំនឹងជាតិស្ករក្នុងឈាម រួមផ្សំជាមួយនឹងភេសជ្ជៈធ្វើពី spinach, celery ដើម្បីបន្សាបជាតិពុលក្នុងរាងកាយ។ នាងផឹកទឹកត្រសក់ជួយដល់ការរំលាយអាហារ និងដោះស្រាយការទល់លាមក។

ហើយនាង Charmaine មានទម្លាប់ពិសេសក្នុងការថែសម្រស់គឺការហាត់ប្រាណ។ នាងតែងរត់ទៅខាងក្រៅ២-៣ ដង និងលើកទម្ងន់ ៣-៥ដងក្នុងមួយសប្តាហ៍ ដើម្បីដុតបំផ្លាញជាតិខ្លាញ់ និងធ្វើឱ្យរាងរបស់នាងនៅស្លឹម។ ពេលនៅផ្ទះ Charmaine Sheh ឆ្លៀតពេលទំនេរថែមលំហាត់ប្រាណជំនួសឱ្យការអង្គុយស្ងៀម។

ទោះបីនាងមមាញឹកយ៉ាងណាក៏ដោយ ក៏នាងតែងតែបង្ខំខ្លួនឯងឱ្យគេងមុនម៉ោង ១០ ដោយធ្វើសមាធិឱ្យគេងលក់ស្រួល។ ការគេងដោយគុណភាពជួយសម្រួលដល់ការរំលាយអាហារ និងជួសជុលរាងកាយគេចចេញពីភាពចាស់។ ដោយសារទម្លាប់ល្អៗ បែបនេះហើយធ្វើឱ្យនាង Charmaine Sheh មានសម្រស់នៅស្រស់ស្អាត និងនៅក្មេងជាងវ័យ។ នេះជារូបមន្តសាមញ្ញតែជួយនាងជួយប្រឆាំងនឹងភាពចាស់តាមពេលវេលាយ៉ាងល្អបំផុត៕ អត្ថបទដោយ៖ ទ្រ សុភាព