ផ្អែកទៅតាមការចែករំលែករបស់វេជ្ជបណ្ឌិត Kulthep Rattankovit ឯកទេសខាងក្រពះពោះវៀន និងថ្លើម ប្រចាំមន្ទីរពេទ្យVimut នៅប្រទេសថៃ បានពន្យល់ប្រាប់ឱ្យដឹងថា ប្រភេទបញ្ហាពោះវៀនដើរយឺត ឬហៅថា ជំងឺពោះវៀនខ្ជិល (slow transit constipation or Lazy bowel syndrome) កើតមានឡើងដោយសារតែស្ថានភាពសាច់ដុំកន្ត្រាក់ និងសរសៃប្រសាទនៃពោះវៀនធំដំណើរការមិនត្រឹមត្រូវ ធ្វើឱ្យដំណើរការផ្លាស់ទីរបស់លាមកទៅកាន់ទ្វារមកមានសភាពយឺតខុសពីប្រក្រតី។
បញ្ហានេះ អាចនឹងបណ្តាលមកឱ្យលាមកនូវកកកុញក្នុងពោះវៀនធំរយៈពេលយូរជាងធម្មតា ដែលនឹងស្តែងចេញជាអាការរួមមាន៖ ទល់លាមកពិបាកក្នុងការបន្ទោរបង់ បន្ទោរបង់តិចជាង៣ដងក្នុង១សប្តាហ៍ ចុកឆ្អល់ក្នុងពោះជាញឹកញាប់ និងមានអារម្មណ៍អត់ស្រលះក្នុងពោះ។
ដូច្នេះសម្រាប់អ្នកជំងឺដែលគាត់មានអាការសង្ស័យដូចដែលបានរៀបរាប់ កើតមានជាប់ៗគ្នារយៈចន្លោះពី 3-6ខែ គួរតែទៅពិនិត្យ និងធ្វើរោគវិនិច្ឆ័យជាមួយនឹងក្រុមគ្រូពេទ្យឯកទេស ដើម្បីដោះស្រាយបញ្ហាជំងឺនេះឱ្យបានទាន់ពេលវេលា ប្រសិនបើបន្តទុកវាអាចនឹងប្រឈមមុខជាមួយជំងឺមួយចំនួនរួមមាន៖
- រលាកពោះវៀនធំ
- បញ្ហាស្ទះពោះវៀន
- បញ្ហាដាច់រហែកនៅតំបន់ទ្វារលាមក
- ឫសដូងបាត
- កង្វះអាហារូបត្ថម្ភ...។
វេជ្ជបណ្ឌិតបានបន្ថែមឱ្យដឹងទៀតដែរថា ចំពោះប្រភេទជំងឺពោះវៀនខ្ជិលនេះ អាចនឹងកើតមានប្រសិនបើលោកអ្នកស្ថិតក្នុងក្រុមបុគ្គលដែលមានទម្លាប់ប្រើប្រាស់ថ្នាំបញ្ចុះលាមកជាញឹកញាប់, ញុំានូវរបបអាហារដែលមិនសូវសម្បូរសារជាតិសរសៃ ឬប្រូបាយអូតិច, មិនសូវញុំាទឹក, មិនសូវមានសកម្មភាពប្រចាំថ្ងៃ និងករណីខ្លះមានបញ្ហាពោះវៀន។
គួរបញ្ជាក់ផងដែរ ចំពោះប្រភេទជំងឺពោះវៀនខ្ជិលនេះ គេបានបែងចែកចេញជា ២ផ្សេងគ្នា៖ ទី១.ជាបញ្ហាទល់លាមកកម្រិតបឋម ដែលហៅថា ការមិនដំណើរការនៃបំពង់បង្ហូរចេញ និងជារឿយៗបណ្តាលមកពីការមិនដំណើរការពោះវៀនធំក្នុងតំបន់ជិតទ្វារលាមក។ ទី២. ជាការទល់លាមកបន្ទាប់បន្សំ ដែលបណ្តាលមកពីកត្តាជាក់ស្តែងដូចជា ការខះជាតិទឹក បញ្ហាមេតាបូលីស ការប្រើថ្នាំ ស្ថានភាពសរសៃប្រសាទពោះវៀន ឬបញ្ហាសាច់ដុំកន្ត្រាក់ និងភាពមិនប្រក្រតីនៃរចនាសម្ព័ន្ធពោះវៀន៕
មានគោលបំណងចង់ទៅពិនិត្យសុខភាព និងព្យាបាលជំងឺនៅប្រទេសថៃ ប៉ុន្តែចង់ប្រឹក្សាជាមួយនឹងអ្នកជំនាញឱ្យបានច្បាស់លាស់ជាមុនសិន អាចទំនាក់ទំនងណាត់ប្រឹក្សាជាមួយនឹងវេជ្ជបណ្ឌិតឯកទេសជនជាតិថៃពីចម្ងាយបានតាមរយៈទីស្នាក់ការមន្ទីរពេទ្យ វិមុត ដែលមានទីតាំងនៅ TK ទួលគោល រាជធានីភ្នំពេញ។ សម្រាប់ព័ត៌មានបន្ថែមអាចសួរនាំបានរយៈផេក Vimut Hospital-Cambodia ឬទំនាក់ទំនងតាមលេខទូរស័ព្ទ +66 9 8439 3866/ 016 427 789៕