លោក Jimmy Carter មានអាយុ ១០០ឆ្នាំ ជាអតីតប្រធានាធិបតីអាមេរិកទី ៣៩ ពីឆ្នាំ១៩៧៧ ដល់ឆ្នាំ១៩៨១។ ហើយក៏ជាប្រវត្តិសាស្ត្រសហរដ្ឋអាមេរិកដែលមានអតីតប្រធានាធិបតីមានអាយុវែងបែបនេះ។ គាត់បានលើកឡើងថា ជីវិតរបស់ខ្ញុំមានសំណាងណាស់ ដែលមានប្រពន្ធល្អ មានមិត្តភក្តិល្អ និងប្រើជីវិតយ៉ាងពេញលេញ នេះជាក្តីសុខរបស់ខ្ញុំ”។ នេះហើយក៏ជាហេតុនាំឱ្យលោកមានអាយុវែងផងដែរ។ ប្រើជីវិតមានតម្លៃ អ្នករស់កាន់តែយូរ។
តើអ្វីទៅជាអាថ៌កំបាំងឱ្យលោកមានអាយុ ១០០ឆ្នាំ ហើយមានសុភមង្គល? ចម្លើយរបស់គាត់គឺថា បានរៀបការជាមួយប្រពន្ធរបស់គាត់មានឈ្មោះថា Rosalynn Carter ដែលបានស្លាប់នៅក្នុងខែវិច្ឆិកា ២០២៣ ក្នុងអាយុ ៩៦ឆ្នាំ។ ព្រោះតែចំណងប្តីប្រពន្ធធ្វើឱ្យពួកគាត់ចេះថែរក្សាគ្នាទៅវិញទៅមក។ ទោះបីគ្រាលំបាកក៏ដោយ ក៏ពួកគាត់មិនបោះបង់ចោលគ្នា ប៉ន្តែបែបជានៅតែចាំលើកទឹកចិត្ត និងនៅក្បែរគ្នាទៅវិញ។ ពួកគាត់បានរៀបការជាមួយគ្នាអស់រយៈពេល ៧៧ឆ្នាំមកហើយ។ នេះហើយជាថាមពលក្តីស្រឡាញ់ឱ្យគាត់មានអាយុវែងគឺអាយុ ១០០ឆ្នាំ។
មកសព្វថ្ងៃនេះ លោក Carter មានកូន ៤នាក់ និងចៅចំនួន ២២នាក់ និងមានចៅទួតថែមទៀត។ ហើយលោកបានបន្ថែមថា “ឥឡូវនេះ យើងមានពេលវេលាស្ងប់ស្ងាត់ក្នុងការជួបជុំគ្នាជាមួយគ្រួសាកូនៗ ចៅៗ និងចៅទួត ដូចជាថ្ងៃខួបកំណើត ឬកម្មវិធីណាមួយ យើងចូលចិត្តនៅផ្ទះរួមគ្នាដោយផ្ទាល់ ព្រោះវាមានភាពកក់ក្តៅ មានភាពរីករាយ និងមានក្តីស្រឡាញ់។ នៅក្នុងផ្ទះយើងនេះគឺមានភាពស្ងប់ស្ងាត់ គ្មានការទស្សនា គ្មានការហៅទូរស័ព្ទ និងអ៊ីមែលអ្វីទេ។ ការចំណាយពេលជាមួយគ្រួសារដោយគ្មានការរំខាន ធ្វើឱ្យគ្រួសារលោក Carter មានទំនាក់ទំនងជាមួយគ្នាដោយថាមពលក្តីស្រឡាញ់ច្រើនឡើង៕ អត្ថបទដោយ៖ ទ្រ សុភាព