សុភមង្គលរបស់មនុស្សកើតមានក្នុងទម្រង់ផ្សេងៗគ្នា។ បើអ្នកចង់ឱ្យខ្លួនសប្បាយចិត្ត អ្នកត្រូវមានទម្លាប់ល្អៗ ទាំងការងារ និងការប្រើជីវិត។ តាមវេជ្ជបណ្ឌិតលោក Travis Bradberry ជាសហនិពន្ធឈ្នះពានរង្វាន់លក់សៀវភៅលក់ដាច់បំផុតលេខ១ គឺ Emotional Intelligence ២.០ ប្រាប់ថា ចំណុចទាំង ៧ ឱ្យចេះស្រឡាញ់ខ្លួន។
១. កុំព្យាយាមអង្គុយកើតទុក្ខ៖ ពេលខ្លះ ប្រទេសជាតិមានបញ្ហា ក្រុមហ៊ុនមានបញ្ហា និងទីផ្សារកើតមានវិបត្តិ... បើយើងអង្គុយកើតទុក្ខ និងស្អប់ខ្លួនឯងលើរឿងដែលហួសពីដៃរបស់យើងមិនអាចដោះស្រាយបានទេ អត់ប្រយោជន៍ទេ។ ចូលអ្នកព្យាយាមផ្តោតអារម្មណ៍ក្នុងពេលបច្ចុប្បន្ននេះលើការងារ និងចេះស្រឡាញ់ខ្លួនឯង ជីវិតនឹងសុខ។
២. ចេះប្រើបញ្ញា៖ មនុស្សឆ្លាតខាងផ្លូវអារម្មណ៍តែងដឹងថា បញ្ហាមួយណា គួរដោះស្រាយ ឬមិនគួរធ្វើ។ វាធ្វើឱ្យអារម្មណ៍ពួកគេមិនតានតឹង និងដោះស្រាយបញ្ហាបានលឿន។ អ្នកប្រយុទ្ធគេចេះប្រើបញ្ញា គិតឱ្យចំបញ្ហាណាស់ បានធ្វើឱ្យគេជំនឿលើខ្លួនឯងនឹងកើនទ្វេដង។ ជំនឿដឹកនាំជីវិតមនុស្សអ្វីក៏សម្រេចមានលទ្ធផលដែរ។
៣. គេងបានគ្រប់គ្រាន់៖ មនុស្សគេងអត់គ្រប់ទេ ឧស្សហ៍ឈឺក្បាល ស្មារតីតែងវិល និងអារម្មណ៍អត់ស្ងប់ទេ។ ការគេងឱ្យស្ងប់ លក់ឱ្យលឿន ចូរដកចេញពីទូរស័ព្ទ ហើយអានសៀវភៅកើនគំនិត ហើយអាចសមាធិ បើធ្វើរឿងទាំងអស់នេះ លទ្ធផលតាមក្រោមនៃអារម្មណ៍របស់អ្នក ចេះគ្រប់គ្រងលើខ្លួន និងស្រឡាញ់ទាំងខ្លួនឯង និងអ្នកដទៃ។ ៤. គ្រប់គ្រងលើខ្លួនឯង៖ លោកវេជ្ជបណ្ឌិត Mahathir មានប្រសាសន៍ថា “ការលត់ដំខ្លួនឯង ឬមានសមត្ថភាពគ្រប់គ្រងអ្វីដែលយើងអាចធ្វើបានក្នុងជីវិតនេះ វាជួយសង្រ្គោះជីវិតឱ្យរស់បានយូរ និងសប្បាយចិត្តជាមួយខ្លួនឯង”។ មនុស្សដែលមានបំណងប្រាថ្នា ដើម្បីសម្រេចវាបាន អ្នកត្រូវចេះគ្រប់គ្រងលើខ្លួនឯងដោយមានភាពអត់ធ្មត់បំផុត។
៥. សើចឱ្យខ្លាំង៖ ការសើចឱ្យខ្លាំងៗ ធ្វើឱ្យប្រសើទាំងសុខភាពរាងកាយ បន្ធួរទាំងអារម្មណ៍តានតឹង និងផ្លូវចិត្តអត់ស្រ្តេសទេ។ ការព្យាយាមនិយាយលេងនឹងមិត្តភក្តិ គ្រួសារ និងក្រុមការងារ វានឹងជំនួយបំប៉នអារម្មណ៍រីករាយ។
៦. ហាត់ប្រាណ៖ ខ្ញុំទទួលស្គាល់ថា ការហាត់ប្រាណជាវិធីកំពូលឱ្យមនុស្សចេះស្រឡាញ់ខ្លួនឯងខ្លាំងបំផុត។ អ្នកអាចសាកល្បងមួយថ្ងៃ ១០នាទី រយៈពេលមួយសប្តាហ៍ អ្នកនឹងជឿដូចជាខ្ញុំដែរ។ តាមការសិក្សាពីសាកលវិទ្យាល័យ Bristol បង្ហាញថា អ្នកធ្វើលំហាត់ប្រាណតែងមានលទ្ធផលល្អប្រសើរឡើងក្នុងការគ្រប់គ្រងពេលវេលា លើអារម្មណ៍ និងការអនុវត្តលើការងារឱ្យមានស្នាដៃ។
៧. អំពើល្អ៖ ការធ្វើអំពើល្អមិនមែនការសម្លែងយកល្អមើលទេ។ គោលបំណងរបស់អំពើល្អ ជួយឱ្យអារម្មណ៍យើងសម្អាតអំពើអាក្រក់ចេញ ក្តីស្អប់ក៏ចេញជាមួយដែរ។ ពេលអារម្មណ៍សម្បូររឿងល្អៗ តើអ្នកស្រឡាញ់ខ្លួនឯងកម្រិតណា? អត្ថបទដោយ៖ ទ្រ សុភាព