មានមនុស្សជាច្រើនគិតថា មនុស្សយើងអាចរស់នៅបានយូរបំផុតត្រឹមតែ ១០០ ឆ្នាំទៅ ១២៥ ឆ្នាំតែប៉ុណ្ណោះ។ តែយើងមិនគួរជឿទេថា មានបុរសម្នាក់អាចរស់នៅរហូត ២៥៦ ឆ្នាំ។ អ្នកអាចមានអារ្មណ៍ថា នេះជារឿងមិនពិតទេ តែយើងមិនដឹងពីការស្រាវជ្រាវ និងភស្តុតាងបានរកឃើញមានអ្វីខ្លះ?

លោកតា  Li Ching-Yuen ជាគ្រូទេព្យបុរាណ ដែលមានអាយុ ២៥៦ ឆ្នាំ នៅស៊ីឈួនប្រទេសចិន។ យោងតាមការសែតThe New York Time បានធ្វើការស្រាវជ្រាវសហការ ជាមួយលោក វូជុង ឈី(Wu Chung Chieh) ជាសាស្រ្តាចារ្យសាកលវិទ្យាល័យឆេងឌូបានរកឃើញឯកសារទីមួយ ពេលរដ្ឋាភិបាលបានគម្រប់ខួបលោកតា Li Ching-Yuen នៅអាយុ ១៥០ ឆ្នាំ ក្នុងឆ្នាំ ១៨២៧។ មានឯកសារទី២ រកឃើញថា រដ្ឋាភិបាលចិន បានអបអរសាទលោកតា Li Ching-Yuen នៅមានអាយុ ២០០ ឆ្នាំ នៅក្នុងឆ្នាំ ១៩២៨ ។

ហើយតាមការសែត The New York Time បានចុះផ្សាយថា លោកតាកើតនៅថ្ងៃទី ០៣ ខែ ឧសភា ឆ្នាំ ១៦៧៧ ហើយគាត់ទទួលមរណៈភាពនៅថ្ងៃទី ០៦ ខែ ឧសភា ឆ្នាំ ១៩៣៣ ក្នុងជន្មាយុ ២៥៦ឆ្នាំ ដែលជាអាយុវែងជាងគេបំផុតក្នុងកំណត់ត្រាពិភពលោក។

 ហើយលោកតា Li Ching-Yuen បានផ្តាល់ដំបូន្មានឱ្យ The New York Time មុនពេលគាត់ទទួលមរណៈភាពប្រហែងជាពីឬរ ឬបីខែ គាត់បាននិយាយថា “រក្សាបេះដូងឱ្យស្ងប់ស្ងាត់ អង្គុយឱ្យដូចជាសត្វអណ្តើក ដើរឱ្យលឿនដូចជាសត្វព្រាប ហើយដេកឱ្យដូចជាសត្វឆ្កែ។” យើងនឹងសិក្សាពីរបៀបដែលធ្វើឱ្យគាត់មានអាយុវែងរហូត ២៥៦ ឆ្នាំ។ គាត់មានប្រពន្ធសរុបចំនួន ២៤ នាក់ និងកូនចៅ ២០០ នាក់។

១. រស់នៅក្នុងវ័យ ១០ ឆ្នាំ

តាមគេហទំព័រ Time និងមានសារពត៌មានផ្សេងៗ បានចុះផ្សាយថា នៅលោកតា Li Ching-Yuen មានអាយុ ១០ ឆ្នាំ។ គាត់ត្រូវបានគ្រួសារបង្រៀនឱ្យចេះអានអក្ស និងមានចំណេះដឹងកម្រិតខ្ពស់ជាងក្មេងដទៃ។ ហើយគាត់បានធ្វើដំណើរទៅកាន់តែអាស៊ីជាមួយគ្រួសារ ដើម្បីធ្វើជំនាញផ្នែកឱសថបុរាណ គាត់បានទៅប្រទេសវៀតណាម ថៃ និងតំបន់ផ្សេងៗ ដើម្បីប្រមូលទិញឱសថ។ គាត់ប្រមូលទិញឱសថនេះ អស់រយៈពេល ១០០ ឆ្នាំដំបូងរបស់គាត់ រហូតឱ្យគាត់ជាអ្នកជំនាញផ្នែកថ្នាំឱសថបុរាណ។

នេះក៏ជាហេតុផលមួយ ដែលធ្វើឱ្យគាត់មានអាយុវែង គឺការយល់ចំពោះសុខភាពរាងកាយ និងសុខភាពផ្លូវចិត្ត។ ដូចជាពាក្យបុរាណមួយថា “ដើរកាន់តែច្រើន ចំណេះកាន់តែកើនឡើង។” ពាក្យមួយឃ្លានេះ ត្រូវនឹងលោកតា​ Li Ching-Yuen ពីព្រោះគាត់បានសិក្សាពីធម្មជាតិនៃឱសថ និងការរក្សាអាយុឱ្យវែងផងដែរ។

២. ក្បាច់គុណថៃជី

លោក Da liu ជាសិស្សចំណោមសិស្សជាច្រើនលោកតា Li Ching-Yuen បានឱ្យដឹងថា ពេលលោកតាមានអាយុ ១៣០ ឆ្នាំ បានជួបទ្រីស្តីមានអាយុកាល ៥០០​ឆ្នាំ ពី​ព្រឹទ្ធាចារ្យម្នាក់ បានបង្រៀនពីសិល្បៈ Qigong ជាក្បាច់គុណជួយសម្របសម្រួលរាងកាយ ឬសមាធិក្នុងចលនា ដែលមានគោលបំណង ដើម្បីពង្រឹងស្មារតី និងបង្រៀងពីចំណេះដឹងផ្នែករបបអាហារ ហើយបង្រៀនពីសិល្បៈឱសថបន្ថែមទៀត។ នៅប្រទេសចិន ក្បាច់គុណថៃជីមានគុណប្រយោន៍ចំពោះសុខភាពរាងកាយ និងរក្សាសុខភាពផ្លូវចិត្តឱ្យស្ងប់។

តាមគេហទំព័រ Samim បានចុះផ្សាយថា សិស្សរបស់គាត់ឈ្មោះ Da liu បានប្រាប់ថា “អាយុវែងរបស់គាត់​ដោយសាគាត់បានធ្វើលំហាត់ប្រាណជាប្រចាំថ្ងៃ ដែលមានភាពត្រឹមត្រូវ និងមានភាពស្មោះត្រង់អស់រយៈពេល ១២០ ឆ្នាំផងដែរ។” នៅប្រទេសជប៉ុន កោះអូគីណាវ៉ាសម្បូរមនុស្សមានអាយុវែងច្រើនជាងគេបាននិយាយថា “ការធ្វើប្រាណស្រាលៗ ជាមួយធម្មជាតិ និងថែសួនចម្ការជាប្រចាំថ្ងៃនេះ ជារូមបន្តធ្វើឱ្យពួកយើងមានអាយុវែង។” សូម្បីលោកតា Li Ching-Yuen ក៏រស់នៅតាមធម្មជាតិ និងហាត់គុណ ដើម្បីរក្សារាងកាយឱ្យរឹងមាំផងដែរ។

យោងតាមវេជ្ជបណ្ឌិត I-Min Lee ជាសាស្រ្តាចារ្យផ្នែកវេជ្ជសាស្ត្រនៅសកលវិទ្យាល័យ Harvard បាននិយាយថា “ការហាត់ក្បាច់គុណថៃជីនេះ វាល្អសម្រាប់មនុស្សគ្រប់វ័យ ពីព្រោះវាធ្វើឱ្យមានតុល្យភាពក្នុងការរស់នៅ ជាសមាសធាតុសំខាន់សម្រាប់សុខភាព។”

៣. របបអាហារ

លោកតា Li Ching-Yuen មានសុខភាពរឹងមាំ មកពីគាត់ធ្វើលំហាត់ប្រាណជាប្រចាំថ្ងៃ ដែលមានភាពត្រឹមត្រូវ ដើម្បីរក្សារាងកាយ។​ ហើយអ្វីដែលកាន់តែពិសេសចំពោះលោកតា Li Ching-Yuen ធ្វើឱ្យមានអាយុវែងរហូត ២៥៦ ឆ្នាំ មានការទាក់ទងជាមួយរបបអាហាររបស់គាត់។ គាត់ធ្លាប់ជាអ្នករកស៊ីលើវិស័យឱសថបុរាណនេះ ធ្វើឱ្យគាត់ដឹងថា ឱសថណាជួយបង្កើតភាពក្នុងការរស់នៅបានយូរ មានដូចជា lingzhi goji berry យិនស៊ិនព្រៃ he shoo wu ហើយនិង gotu kola និងថ្នាំចិនដទៃទៀត ដែលគេចាត់ទុកថា ឱសថអស់ទាំងនេះ ជាអាថ៌កំបាំងនៅពីក្រោយខ្នងរបស់គាត់។ របបអាហារផ្ទាល់ខ្លួនរបស់គាត់ភាគច្រើនមានដូចជាឱសថធម្មជាតិ និងស្រាអង្ករ។

លោកតា Li Ching-Yuen មានគេជឿថា អ្វីដែលធ្វើឱ្យគាត់មានអាយុវែងបែបនេះ គាត់មិនជក់បារី និងមិនផឹកស្រា ដែលមានជាតិកុលកម្រិតខ្លាំងនោះទេ។ វាធ្វើឱ្យប៉ះពាល់សុខភាពរាងកាយ និងសុខភាពស្មារតីចង់ចាំរបស់គាត់ផងដែរ។ ចំពោះរបបអាហាររបស់គាត់ ក្នុងការហូបមានភាពទៀងពេលវេលា ទាំងពេលល្ងាច និងពេលព្រឹក ដើម្បីឱ្យក្រពះមានដំណើរការបានល្អ។

នេះជារូបមន្តធ្វើឱ្យលោកតា Li Ching-Yuen អាយុវែង ២៥៦ ឆ្នាំ បាននិយាយថា “រក្សាបេះដូងឱ្យស្ងប់ស្ងាត់ អង្គុយឱ្យដូចជាសត្វអណ្តើក ដើរឱ្យលឿនដូចជាសត្វព្រាប ហើយដេកឱ្យដូចជាសត្វឆ្កែ៕”

អត្ថបទស្រាវជ្រាវដោយ៖ ទ្រ ​សុភាព