១. គ្រាប់ស្វាយចន្ទី៖ យោងតាមមូលដ្ឋានទិន្នន័យ FoodData Central នៃក្រសួងកសិកម្មសហរដ្ឋអាមេរិក (USDA) គ្រាប់ស្វាយចន្ទីផ្តល់ 157 កាឡូរីក្នុង 1 អោន (28 ក្រាម)។ មួយវិញទៀតគ្រាប់ស្វាចចន្ទីសម្បូរដោយជាតិសរសៃ ជាតិខ្លាញ់ទាប ដែលល្អសម្រាប់អ្នកមានបំណង់ចង់សម្រកទម្ងន់អាចសាកល្បងក្នុងការញុំាគ្រាប់ស្វាយចន្ទីបាន។ លើសពីនេះគ្រាប់ស្វាយចន្ទីក៏មានអត្ថប្រយោជន៍ជួយសុខភាពដូចជា ជួយកាត់បន្ថយជាតិស្ករក្នុងឈាម ការពារជំងឺទឹកនោមផ្អែមផងដែរ។

២. ផ្លែប៉ោមខៀវ ឬប៉ោមក្រហម៖ ផ្លែប៉ោមគឺ សម្បូរសារធាតុចិញ្ចឹមជាច្រើនជួយដល់សុខភាពឆ្អឹង សន្លាក់ និងជួយដល់សុខភាពបេះដូង។ បន្ថែមពីនេះ ផ្លែប៉ោមមានកាឡូរីទាប មានជាតិខ្លាញ់ល្អ ជួយសម្រួលការរំលាយអាហារបានល្អ ហើយលើសពីនេះ វាក៏ជួយដុតរំលាយជាតិខ្លាញ់ពីរាងកាយផងដែរ។

៣.  ម្ជូរយួន៖ រសជាតិជូរល្មមក្នុងម្ហូប១មុខនេះវិញ មិនត្រឹមតែជួយឱ្យអ្នកទទួលទានឆាប់ឆ្អែតនោះទេ ចំណែកឯសារធាតុបន្លែរួមផ្សំនឹងសាច់ត្រីចូលទៅជួយសារពាង្គកាយទប់ស្កាត់សារជាតិខ្លាញ់ផងដែរព្រោះតែវាមានគ្រឿងផ្សំពិសេសៗដូចជា ត្រី ម្នាស់ ប៉េងប៉ោះ ក្រអៅឈូក...ដែលសុទ្ធសឹងតែជាបន្លែមានសមត្ថភាពក្នុងការទ្រទ្រង់ទម្ងន់។

បើអ្នកចង់សម្រគីឡូ អ្នកត្រូវតែព្យាយាមកាត់បន្ថយនំចំណីផ្អែមៗចេញទើបស្រកគីឡូ។ មានស្ករនិងខ្លាញ់ជាមូលហេតុដ៏ចម្បងដែលបណ្តាលឲ្យអ្នកឆាប់ឡើងគីឡូ។ដូច្នោះ បានសេចក្តីថា ដរាបណាអ្នកកាត់បន្ថយការទទួលទានរបស់ផ្អែមៗបាននោះអ្នកក៏អាចកាត់បន្ថយការឡើងទម្ងន់បានដូចគ្នាផងដែរ៕ អត្ថបទដោយ៖ ទ្រ សុភាព