ទាំងវីរុសកូវីដប្រភេទបំប្លែងថ្មី និងវីរុសធម្មតាបច្ចុប្បន្នកំពុងធ្វើសកម្មភាពចម្លងពាសពេញផ្ទៃប្រទេស ធ្វើឱ្យករណីឆ្លងក្នុងប្រទេសមានការកើនឡើងជាលំដាប់។
តាមការឱ្យដឹងរបស់ក្រសួងសុខាភិបាលនាថ្ងៃទី២ខែកញ្ញាឆ្នាំ២០២១នេះ បានឱ្យដឹងថាកម្ពុជាយើងមានករណីឆ្លងសរុបកើនដល់៩៣ ៩២៦នាក់ ករណីស្លាប់បាត់បង់ជីវិតសរុប ១ ៩២៨នាក់ និងជាសះស្បើយមានចំនួន ៨៩ ៥០០ នាក់។
គួររំលឹកដែរថាប្រទេសវៀតណាម ថៃជាដើម កំពុងជួបប្រទះការចម្លងយ៉ាងសាហាវដោយមួយថ្ងៃខ្ទង់ជាង១ម៉ឺននាក់ និងពលរដ្ឋស្លាប់សុទ្ធតែខ្ទង់រយឡើង។ប្រសិនបើយើងមានការប្រហែស ចំពោះវីរុសបំប្លែងថ្មីឥតឈប់នេះទេ ប្រទេសយើងនឹងធ្លាក់ចូលជាជំណីរបស់វីរុសកាចសាហាវនេះ មិនខុសពីប្រទេសជឿនលឿនមួយចំនួន និងប្រទេសជិតខាងឡើយ។
ហេតុនេះសូមបង្កើនការការពារខ្លួនទ្វេដង កុំឱ្យជំងឺនេះចូលខ្លួន ហើយរីករាលដាលពេញប្រទេស ហើយទើបស្ដាយក្រោយ ប្រទេសជាតិជួបការលំបាកពិបាកស្រោចស្រង់កាន់តែខ្លាំង។មួយវិញទៀតត្រូវបន្តចូលរួមចាក់វ៉ាក់សុំាងពិសេសគឺដូសទី៣ឬដូសជំរុញ នោះទើបយើងមានភាគរយឈ្នះកូវីដ១៩បានខ្ពស់។
អត្ថបទដោយ៖ភោគ ម៉ារី