យោងតាមរយៈអង្គការសុខភាពពិភពលោកWHOក៏បានបញ្ជាក់ឱ្យដឹងផងដែរថាមនុស្សគ្រប់គ្នាគឺអាចនឹងប្រឈមកើតជំងឺអេដស៍ ដូច្នេះ ការធ្វើត្តេស រកមេរោគជំងឺអេដស៍ទុកមុនគឺល្អបំផុតសម្រាប់សុខភាពខ្លួនឯង WHOក៏បានបន្ថែមគោលការថ្មីផងដែរថា នឹងគ្រោង កាត់បន្ថយការឆ្លងមេរោគអេដស៍ពី ១.៥ លាននាក់ក្នុងឆ្នាំ ២០២០ មក ៣៣៥០០០ នៅឆ្នាំ ២០៣០ និងការស្លាប់ពី ៦៨០០០០ នៅឆ្នាំ ២០២០ មកនៅក្រោម ២៤០០០០ ក្នុងឆ្នាំ ២០៣០ខាងមុននេះ ។
យោងតាមលោកវេជ្ជបណ្ឌិតជំនួយ អ៊ុក វិជ្ជា ជាប្រធានមជ្ឈមណ្ឌលជាតិប្រយុទ្ធនឹងជំងឺអេដស៍នៃក្រសួងសុខាភិបាលបានបញ្ជាក់ថា ការថ្នាំចាក់បង្ការមេរោគអេដស៍គ្រោងនឹងដាក់ឱ្យប្រើប្រហែលជានៅខែខែឧសភាខាងមុខនេះឯង។ ព្រោះថ្នាំនេះមានសមត្ថភាពដើម្បីទប់ស្កាត់ការឆ្លងរាលដាលជំងឺអេដស៍នៅប្រទេសកម្ពុជា។ នៅកម្ពុជាមានការឆ្លងថ្មីនៃមេរោគអេដស៍ហាក់មានការកើនឡើងគួរឱ្យព្រួយបារម្ភផងដែរ។
លោកវេជ្ជបណ្ឌិតបានបន្ថែមថា សម្រាប់ការថ្នាំចាក់នេះអាចការពារមេរោគអេដស៍បានរយៈពេល ២ខែ។ នៅក្នុងពេលបច្ចុប្បន្ននេះ ប្រទេសកម្ពុជាយើងកំពុងតែប្រើថ្នាំប្រឹពសម្រាប់លេបមុនពេលរួមភេទ និងថ្នាំប្រឹពនេះសម្រាប់លេបក្រោយរួមភេទ ៧២ម៉ោង។ ពេលរួមភេទដោយមិនមានសុវត្ថិភាពដូចជា ស្រោមអនាម័យដាច់រហែក និងភ្លេចពាក់ស្រោមអនាម័យជាដើមដើម្បីការពារមេរោគអេដស៍នេះឯង។
គូសបញ្ជាក់ឱ្យដឹងផងដែថា ការពិនិត្យរកមើលមេរោគអេដស៍ គឺសំខាន់ខ្លាំងណាស់ ប្រសិនណាវិជ្ជមានគ្រូពេទ្យនឹងអាចព្យាបាលទាន់ពេលវេលា ជាពិសេសអ្នកដែលដឹងខ្លួនបានប្រព្រឹត្តិដែលនាំឱ្យខ្លួនប្រឈមកើតជំងឺអេដស៍។ លោកវេជ្ជបណ្ឌិត ប្រាក់ ណារុំ ក៏បានបញ្ជាក់ថា ទោះបីអ្នកកើតជំងឺអេដស៍ក៏ដោយ តែប្រសិនណាអ្នកទទួលបានការព្យាបាលទាន់ពេលវេលា ព្យាបាលបានត្រឹមត្រូវ លេបថ្នាំទៀតទាត់អ្នកអាចរស់នៅ ធ្វើការ មានសុខភាពល្អ គ្មានប្រឈមជំងឺឱកាសនិយម ដូចអ្នកធម្មតាអ៊ីចឹង៕ អត្ថបទដោយ៖ ទ្រ សុភាព