សម្រាប់អ្នកដែលគាត់ចេះតែឡើងមុនលើថ្ពាល់មិនបាត់សោះ លាបផលិតផលបាត់ហើយមកវិញៗ ៥ចំណុចខាងក្រោមនេះអាចជាដំណោះស្រាយសម្រាប់អ្នក។
ជាធម្មតាមុនអាចកើតឡើងពេញផ្ទៃមុខ ប៉ុន្តែក៏មានអ្នកមួយចំនួន គាត់ឡើងមុនតែមួយកន្លែងដែលមានន័យថា បើគាត់កើតលើថ្ពាល់ កើតតែលើថ្ពាល់ហ្នឹងរហូតមិនបាត់សោះ។ ជាធម្មតា មុនវាបណ្តាលមកពីប្រេងដែលកកកុញនៅក្នុងរន្ធរោមច្រើន បង្កជាមុន បង្កើនការរលាកលើស្បែក។
ច្បាស់ណាស់បើយើងឡើងមុន គឺត្រូវតែទៅរកផលិតផលលាបហើយ ប៉ុន្តែបើលាបហើយនៅតែមិនបាត់ អាចមកពីលាបមិនត្រូវ ឬអាចមកពីកត្តាតូចៗដែលយើងមើលរំលងដែលវាអាចរំខានដល់ការព្យាបាលមុនរបស់យើងមិនបាត់សោះ។
ហេតុនេះក្រៅពីប្រើផលិតផល ការឡើងមុនលើថ្ពាល់ភាគច្រើន ភ្ជាប់គ្នាជាមួយនឹងកត្តាអនាម័យ ប្រសិនបើចង់បំបាត់មុនលើថ្ពាល់បានលឿនជាងមុន គួរតែមើលចំណុចទាំងអស់នេះឡើងវិញ។
១ សង្កេតមើលថាតើមានឧស្សាហ៍យកដៃមកប៉ះឬក៏ច្រត់ថ្ពល់ឬអត់? ចំណុចនេះ អាចមកពីមេរោគឆ្លងទៅស្បែក តាមរយៈដៃដែលមិនបានសម្អាតបានល្អ។
២ ព្យាយាមសម្អាតជក់ឬប៉ុងផាត់មុនឱ្យបានញឹកញាប់។
៣ មុនលើទូរស័ព្ទមកនិយាយត្រូវប្រាកដថា បានសម្អាតស្អាត ព្រោះវាអាចផ្ដុំដោយធូលីដី មេរោគដែលយើងមើលមិនឃើញ។
៤ សម្អាតកន្លែងគេងឱ្យបានស្អាត ជាពិសេសបោកគួកស្នោមភួយ ខ្នើយ ព្រោះមុខរបស់យើងគឺត្រូវប៉ះផ្ទាល់រាល់យប់ជាប្រចាំ ហើយក្នុងរយៈពេកយូរទៀត។
៥ ការប្រែប្រួលអ័រម៉ូន មុនលើថ្ពាល់ភាគច្រើនក៏អាចមកពីការប្រែប្រួលអ័រម៉ូនរបស់យើងដែរ ចឹងគួរតែព្យាយាមសម្រាកឱ្យបានច្រើន និងសង្កេតមើលរបបអាហារដែលយើងញ៉ាំ គួរតែកាត់បន្ថយជាតិស្ករ ស៊ុត ទឹកដោះគោ ប្រសិនបើអ្នកទាំងអស់គ្នាញ៉ាំហើយឃើញថាឡើងមុនខុសធម្មតា។
ការបំបាត់មុន ត្រូវការប្រើសារធាតុសកម្មដែលអាចចូលទៅសម្លាប់មេរោគ សម្អាតរន្ធរោមបាន ហើយការព្យាបាលមុន ក៏ខុសៗគ្នាទៅតាមប្រភេទមុន និងស្ថានភាពស្បែកមនុស្សម្នាក់ៗផងដែរ ហេតុនេះសូមកុំប្រើផលិតផលតាមគ្នា គួរប្រឹក្សាជាមួយអ្នកជំនាញជាមុន មុននឹងប្រើប្រាស់៕
អត្ថបទដោយ៖ សេងហុង-Senghong