![ចំណុចទាំង៤នេះដែលមិនគួររំលង ប្រយ័ត្នលាងមុខខុសក្បួនរន្ធញើសបើកកាន់តែធំ](https://healthy-cambodia.com/uploads/blog/Business/d51bdcf80e300e6f2ab154141f40584a.jpg)
![ខាត់ស្បែកសុខរបៀប មិនត្រឹមតែមិនសភ្លឺស្អាតទេ ថែមទាំងខូចរនាំងការពារស្បែកទៀត](https://healthy-cambodia.com/uploads/blog/Business/dd6c6ac22cf211aa3d7a72eeb005196a.jpg)
![ល្បិចថែសម្រស់ក្មេងជាងវ័យ១០ឆ្នាំ របស់តួស្រីរឿងជីវិតនារីនូយ៉ា អាយុក្បែរ៥០នៅតែខ្ចី](https://healthy-cambodia.com/uploads/blog/Business/9e4325e99291736b7126051961e26fe1.jpg)
![ឈប់ប្រើផលិតផលលាបស្បែក បែបនេះជាបន្ទាន់ បើមិនចង់ឱ្យខូចស្បែកហៅលែងឮ](https://healthy-cambodia.com/uploads/blog/Business/9365c2077781be61a73f2c966fa03d92.jpg)
![ស្រីៗបើកំពុងស្បែកស្រអាប់ មុខឡើងមុន ជ្រុះសក់ទៀត ញុំាអាហារ២មុខនេះឱ្យជាប់](https://healthy-cambodia.com/uploads/blog/News/8bae764f50b662712a376542d19a8a38.jpg)
![ចង់ថែសម្រស់ឱ្យវ័យក្មេង មកអនុវត្តទម្លាប់សាមញ្ញនេះជាប្រចាំថ្ងៃមិនខុសបំណងទេ](https://healthy-cambodia.com/uploads/blog/News/92b9d2a7b49340aea84c0142362666be.png)
ឡេការពារកម្តៅថ្ងៃ(Sunscreen) ជាឡេដែលមានតួនាទីសំខាន់បំផុតក្នុងការការពារផ្ទៃមុខក៏ដូចជាស្បែករបស់យើងពីពន្លឺព្រះអាទិត្យ។ ហើយការលាបឡេការពារកម្តៅថ្ងៃបានត្រឹមត្រូវ គឺវាជួយឱ្យស្បែករបស់យើងមានសំណើមតឹងណែន មិនងាយមានស្នាមជ្រីវជ្រួញ និងការពារស្បែកពីភាពចាស់ផងដែរ។
ជាការពិតណាស់ បច្ចុប្បន្ននេះឃើញថាមនុស្សមួយចំនួនធំបានប្រើប្រាស់ឡេការពារកម្តៅថ្ងៃជាប្រចាំ ប៉ុន្តែមានតែមួយចំនួនតូចប៉ុណ្ណោះដែលប្រើប្រាស់ឡេការពារកម្តៅថ្ងៃបានត្រឹមត្រឹម។ ដោយសង្កេតឃើញថា មនុស្សភាគច្រើនគឺតែងតែលាបឡេការពារកម្តៅថ្ងៃតែ១ដងប៉ុណ្ណោះក្នុង១ថ្ងៃគឺនៅពេលព្រឹក។ នេះហើយជាការលាបដែលខុសក្បួន ពីព្រោះថា គ្រប់ម៉ាកប្រេនឡេការពារកម្តៅថ្ងៃទាំងអស់ មិនទាន់មានឡេការពារកម្តៅថ្ងៃណាមួយដែលមានសមត្ថភាពការពារស្បែកមុខបានពេញ១ថ្ងៃនៅឡើយទេ។ យ៉ាងយូរបំផុតគឺការពារបានតែ៣ម៉ោងប៉ុណ្ណោះបន្ទាប់ពីលាប ផុតពីម៉ោងនេះទៅគឺទាមទារឱ្យ លាបសារឡើងវិញម្តងទៀតទើបអាចការពារស្បែកមុខបាន។
ជាក់ស្តែង បើតាមការឱ្យដឹងពីគេហទំព័រ nivea ណែនាំថា ពេលវេលាលាបឡេការពារកម្តៅថ្ងៃដែលត្រឹមត្រូវ តាមក្បួន និងការពារស្បែកពីពន្លឺព្រះអាទិត្យបានល្អបំផុតគឺលាបរៀងរាល់ ២ទៅ៣ម៉ោងម្តង បើគិតជាពេលគឺ១ថ្ងៃលាប៤ពេល ព្រឹក២ពេល ថ្ងៃ២ពេល។
១. លាបពេលព្រឹកចន្លោះម៉ោង ៧-៨ព្រឹក១ដង
២.លាបឡើងវិញនៅម៉ោង ១០-១១ព្រឹក១ដងទៀត
៣. លាបនៅម៉ោង១-២រសៀល១ដង
៤. លាបឡើងវិញនៅម៉ោង៣រសៀល១ដងទៀត។
របៀបនៃការលាបឡេការពារកម្តៅថ្ងៃឱ្យបានត្រឹមត្រូវ និងមានប្រសិទ្ធភាពខ្ពស់អ្នកត្រូវលាបទៅតាមរបៀបខាងក្រោម៖
· ជ្រើសឡេការពារកម្តៅថ្ងៃដែលមានកម្រិត SPF លើសពី៣០ ពីព្រោះវាជួយការពារមុខរបស់យើងពីកម្តៅថ្ងៃបានល្អ។
· អ្នកចាំបាច់ត្រូវតែលាបឡេការពារកម្តៅថ្ងៃឱ្យបានមុនពេលចេញទៅខាងក្រៅ ១៥នាទី ពីព្រោះរយៈពេលនេះជាពេលដែលសាច់ឡេកំពុងតែជ្រាបចូលទៅក្នុងស្រទាប់ស្បែករបស់អ្នក និងជួយការពារកម្តៅថ្ងៃបានយ៉ាងល្អ។ ករណីអ្នកលាបហើយភ្លាមចេញទៅក្រៅត្រូវកម្តៅថ្ងៃភ្លាមធ្វើឱ្យស្បែកមុខរបស់អ្នកប្រឈមជាមួយការឡើងជាំ និងស្នាមអុចខ្មៅ។
· លាបឡេការពារកម្តៅថ្ងៃឱ្យសព្វពេញមុខ ដោយអ្នកអាចចាក់ល្បាយឡេការពារកម្តៅថ្ងៃរបស់អ្នកដាក់លើម្រាមដៃទាំង៣(ដៃចង្អុល ដៃកណ្តាល និងដៃនាង) រួចសឹមយកល្បាយនោះទៅដាក់នៅត្រង់ចំណុច៥សំខាន់ៗមានដូចជា ថ្ងាស ថ្ពាល់ឆ្វេង ថ្ពាល់ស្តាំ ចុងច្រមុះ និងចង្កា រួចលាបរាងជារង្វង់ថ្នមៗរហូតទាល់តែសព្វស្បែកមុខល្អ។
បម្រាម៖ ពេលលាបឡេការពារកម្តៅថ្ងៃរួច ហាមយកដៃទៅទះនៅលើមុខខ្លាំងពីព្រោះការធ្វើបែបនេះមិនបានជួយឱ្យសាច់ឡេការពារកម្តៅថ្ងៃចូលស្បែកបានល្អនោះទេ គឺជាការធ្វើឱ្យស្បែកមុខចុះខ្សោយ ហើយអាចប្រឈមទៅនឹងការជាំមុខ។ អ្វីដែលអ្នកគួរធ្វើគឺអ្នកគ្រាន់តែយកបាតដៃទាំង២របស់អ្នកមកផ្តិតៗនៅលើមុខថ្នមតែប៉ុណ្ណោះ៕
អត្ថបទដោយ៖ មឿន គន្ធា