លោក Andrew Matthews បានបកស្រាយបន្ថែមថា អ្នកជាមនុស្សតែមួយគត់ ដែលធ្វើខ្លួនឱ្យមានភាពរីករាយនិងមានគុណភាព។ បើអ្នកធ្វើការងារដែលអ្នករីករាយ អ្នកកាន់តែងាយនឹងទទួលបានភាពជោគជ័យកាន់តែច្រើន។ ចូរអ្នកគិតចំណុចទី១. ចូរអ្នកបង្កើតទង្វើដែលមានក្តីស្រឡាញ់ចំពោះអ្វីដែលអ្នកកំពុងតែធ្វើក្នុងពេលនេះ។ ចំណុចទី២. ចូរអ្នកចេញដំណើរទៅតាមសំឡេងបេះដូងរបស់អ្នក។ តើចំណុច ២នេះមានការប្រឆាំងគ្នាទេ?

នៅក្នុងពេលខ្លី អ្នកត្រូវខំប្រឹង ខំអត់ធ្មត់ ហើយធ្វើវាឱ្យអស់ពីសមត្ថភាពដើម្បីទាញប្រយោជន៍ឱ្យច្រើនបំផុតនៅក្នុងស្ថានភាពពេលនេះ ដើម្បីរុញជីវិតរបស់អ្នកចេញពីគ្រាលំបាក។ បើអ្នកត្រូវការលុយ អ្នកប្រហែលជាត្រូវការអត់ធ្មត់សន្សំលុយឱ្យបានច្រើននៅក្នុងការងារបច្ចុប្បន្នសិន ដើម្បីរៀបចំផែនការបន្តទៅអនាគត។ ជីវិតដែលមានភាពរីករាយរយៈពេលវែង អ្នកត្រូវអ្វីមួយជាអារម្មណ៍ពេញចិត្តមានក្តីស្រឡាញ់ឱ្យចិត្តអ្នកកក់ក្តៅ។

អ្នកត្រូវចាំថា ក្នុងលោកនេះ គ្មានទេ! ការងារល្អឥតខ្ចោះ ជីវិតរីករាយឥតខ្ចោះ និងគ្រួសារល្អឥតខ្ចោះ មានតែខ្លួនអ្នករស់នៅជាមួយភាពមិនល្អឥតខ្ចោះឱ្យទៅរកល្អឥតខ្ចោះម្តងបន្តិចៗនោះឯណោះ។ បើអ្នកមិនចូលចិត្តការងាររបស់អ្នកទេ លោកអ្នកមានជម្រើសពីរ ទី១. ចូរអ្នកត្រូវផ្លាស់ប្តូរអារម្មណ៍ចេញ និងទី២. ចូរអ្នកផ្លាស់ប្តូរការងារចេញ។

លោក Andrew Matthews បានពន្យល់ថា អ្នកមើលការងារនិងជីវិតរបស់អ្នកដទៃហាក់ដូចជាងាយស្រួល ហើយសប្បាយជាងការងារនិងជីវិតរបស់ខ្លួន ហើយរកបានលុយច្រើនជាងទៀត។ តាមពិតទៅ! អ្វីៗ នៅលើលោកយើងនេះ ការងារដែលល្អឥតខ្ចោះ ហើយឆាប់មានបានលឿននោះទេ។ មានការគិតវិជ្ជមានក្នុងភាពជាក់ស្តែងទេ ហើយរីករាយក្នុងការខំប្រឹងពេលបច្ចុប្បន្នឱ្យខ្លាំងបំផុត ទើបជីវិតរបស់អ្នកនឹងមានក្តីសុខជាមិនខានឡើយ៕ អត្ថបទដោយ៖ ទ្រ សុភាព