តាមគេហទំព័រអន្តរជាតិ CNN បានចុះផ្សាយថា មានអ្នកស្រាវជ្រាវបានធ្វើការតាមដានលើជីវិតគូស្វាមីភរិយាចំនួន ៤៩៥គូដែលបានចំណាយពេលវេលាប្រហែល ២០ឆ្នាំ បានរកឃើញថា អ្នកបង្កើនការរួមភេទច្រើនក្នុងរយៈពេលប្រាំមួយខែដំបូងបន្ទាប់ពីមានបញ្ហាគាំងបេះដូង ពួកគេមានហានិភ័យនៃការស្លាប់តិចជាង ៣៥% វាល្អជាងអ្នកមិនបានរួមភេទអ្វីសោះ។ អ្នក(បញ្ហាបេះដូង)រួមភេទមានអាយុវែងជាងអត់បានរួមភេទ។

តាមការសិក្សា​លើបុរស និង​ស្ត្រីជាជនជាតិ​អ៊ីស្រាអែលមានចំនួន ១.១២០​នាក់ ចាប់ពីអាយុ ២២ទៅ៦៥ឆ្នាំ បានបង្ហាញ​ថា ការរួមភេទជួយ​បង្កើន​អត្រារេបស់មនុស្ស​រស់នៅមានអាយុវែង ក្រោយពេលគេ​មាន​បញ្ហា​គាំងបេះដូង។ អ្នករួមភេទលើស ១ដងក្នុងមួយសប្ដាហ៍ មានអត្រា​រស់ ៣៣% ចំណែកអ្នករួមភេទតិចជាង ១ដងក្នុងមួយសប្ដាហ៍មាន​អត្រារស់ ២៨% និង​អ្នក​រួមភេទ ១ដងក្នុងមួយសប្ដាហ៍ មាន​អត្រារស់រហូតដល់ ៣៧%ឯណោះ។ ព្រោះ​សកម្មភាព​ផ្លូវភេទជួយសង្រ្គោះ​សម្ពាធឈាម​ខ្ពស់ដើរស្រួល កាត់ជាតិ​កូលេស្ដេរ៉ូល​ខ្ពស់ចេញពីរាងកាយ និងស្រូបជាតិស្ករការពារជំងឺទឹកនោមផ្អែម... បើយើងធៀបជាមួយ​អ្នករួមភេទ ១ដង/សប្ដាហ៍។​

តាមលោកសាស្ត្រាចារ្យ Yariv Gerber ជាអ្នកនិពន្ធការសិក្សានៃសាកលវិទ្យាល័យ Tel Aviv ក្នុងប្រទេសអ៊ីស្រាអែល បានបញ្ជាក់ថា "ការរួមភេទជាសកម្មភាពផ្លូវភេទហើយក៏ជាសញ្ញាសម្គាល់នៃការពង្រឹងសុខភាពដ៏ល្អបំផុត”។ លោកបានបន្តថា ការបន្តសកម្មភាពផ្លូវភេទភ្លាមៗ បន្ទាប់ពីអ្នកមានបញ្ហាការគាំងបេះដូងជាផ្នែកមួយឱ្យអ្នកយល់ឃើញដោយខ្លួនឯងថា អ្នកមានសុខភាពល្អ មានមុខងារប្រព័ន្ធរាងកាយរឹងមាំ មានសម្រស់ក្មេងជាងវ័យ និងជាមនុស្សស្វាហាប់មាំ។ នេះជារបៀបរស់នៅឱ្យអ្នកមានសុខភាពល្អមានអាយុវែង”។

ព្រោះថាការរួមភេទដូចជាការហាត់ប្រាណដែរ។ វាជួយកាត់បន្ថយហានិភ័យបញ្ហាបេះដូងមានប្រសិទ្ធភាពបំផុត។ ហើយលោក Yariv បានបញ្ជាក់ថា ការរួមភេទជា​ញឹកញាប់នាំឱ្យ​រាងកាយមនុស្សមាន​ការបម្រែបម្រួលផ្នែក​ជីវសាស្ត្រ​ដើម្បីឱ្យ​មនុស្ស​កាន់តែ​រស់នៅ​បាន​យូរ។ ព្រោះការរួមភេទមានការពាក់ព័ន្ធ​ជាមួយ​បណ្ដុំ​ក្រូម៉ូសូម ហើយវាឆ្លើយតបបានល្អ​ជាមួយ​បញ្ហាអស់​ស្ត្រេស។ នេះជាការបញ្ជាក់ដែរថា ពេលផ្លូវចិត្តមនុស្សល្អ នាំឱ្យពួកគេមានអាយុកាន់តែវែងជាមួយដៃគូផងដែរ៕ អត្ថបទដោយ៖ ទ្រ សុភាព