១. រៀបចំតារាងការងារ៖ អ្នកគេងមិនលក់ព្រោះតែខួរក្បាលគិតលើរឿងការងារច្រើនពេក។ ខ្លាមេថាឱ្យ ខ្លាចការធ្វើមិនហើយ និងខ្លាចធ្វើការងារនេះទៅខុសនេះខុសនោះជាដើម... និយាយទៅ! ការងារតែងមានខុសនិងត្រូវហើយ កត្តាសំខាន់អ្នកត្រូវចេះរៀបចំវាឱ្យមានរបៀប។ ពេលអ្នកចេះរៀបចំតារាងការងារសម្រាប់ថ្ងៃស្អែកបានល្អ វាជួយសម្រួលដល់ការគេងឱ្យអ្នកកុំគិតច្រើន។ នេះជាវិធីជួយកាត់បន្ថយសម្ពាធ ការថប់បារម្ភ និងភាពស្មុគស្មាញកុំឱ្យខួរក្បាលរបស់អ្នកគិតច្រើនលើការងារមិនច្បាស់លាស់។ ព្រោះការរៀបចំតារាងការងារនេះជាចំណែកធ្វើឱ្យអ្នកចេះត្រៀមខ្លួនរួចជាស្រេចសម្រាប់ការងារថ្មីៗ ហើយខំឱ្យធ្វើការងារចំគោលដៅថែមទៀត។

២. បង្កើតទម្លាប់ក្នុងការគេង៖ ចូរអ្នកបង្កើតទម្លាបចូលគេងឱ្យបានស៊ីសង្វាក់គ្នា ដើម្បីជាសញ្ញាប្រាប់រាងកាយ ​និងចិត្តរបស់អ្នកថា ដល់ពេលត្រូវសម្រាកហើយ។ សូម្បីតែខួរក្បាលរបស់អ្នកក៏មិនគិតច្រើនដែរ។ ការរៀបចំកាលវិភាគក្នុងការគេង​ គឺជាផែនការមួយច្បាស់ដើម្បីឱ្យអ្នកសម្រាកចូរដំណេក។ នៅក្នុងនោះដែរ អ្នកត្រូវចៀសវាងសារធាតុរំញោចដូចជា ជាតិកាហ្វេអ៊ីន ជាតិកូទីន និងគ្រឿងអេឡិចត្រូនិច(ស្មាតហ្វូន ថេប្លេត និងទូរទស្សន៍) វាប៉ះពាល់ដល់ខួរក្បាលរបស់អ្នគិតច្រើន បើអ្នកចង់ហូបអាហារទាំងអស់នេះ យ៉ាងហោចណាស់៤ទៅ២ម៉ោងមុនពេលចូលគេងផងដែរ។

៣. ការធ្វើសមាធិ៖ អ្នកដែលធ្វើសមាធិជាប្រចាំ មុនចូលគេង ធ្វើឱ្យចិត្តស្ងប់ និងគេងលក់ស្រួល។ បញ្ហាការគេងរបស់មនុស្ស គឺមកពីចិត្ត និងអារម្មណ៍របស់ពួកគេមានការគិតលើរឿងច្រើនពេក វាធ្វើមានបញ្ហាប៉ះពាល់ដល់ដំណេក។ ហើយក៏មានតាមអ្នកស្រាវជ្រាវជនជាតិអាមេរិកម្នាក់បាននិយាយថា បើមនុស្សគិតរឿងតែមួយ ក្នុងពេលចូលដំណេក ក៏អាចឱ្យគេគេងលក់បានដែរ តែបញ្ហាមកពីគេមានសម្ពាធផ្លូវអារម្មណ៍គិតច្រើន ការធ្វើសមាធិជាវិធីល្អបំផុត៕ អត្ថបទដោយ៖ ទ្រ សុភាព