គ្រប់គូស្វាមីភរិយាទាំងអស់ ក្រោយពីរៀបការរួចតែងរៀបចំគម្រោងក្នុងការយកកូន ដើម្បីឱ្យជីវិតគ្រួសារកាន់តែមានអត្ថន័យ។ ប៉ុន្តែអ្វីដែលជាបញ្ហា គូស្នេហ៍មួយចំនួន​ពួកគាត់ព្យាយាមណាស់ នៅតែមិនទាន់អាចមានកូនបាន។ បើអ្នកចង់បានកូន គួរតែត្រៀមខ្លួន និងដឹងឱ្យបានច្បាស់ពីកត្តាអ្វីខ្លះដែលអាចបង្កើតឱកាសមានផ្ទៃពោះបាន និងកត្តាអ្វីខ្លះប៉ះពាល់ដែលគួរចៀសវាង។ ដោយមើលឃើញពីបញ្ហានេះ វេជ្ជបណ្ឌិត Sushma Tomar ដែលជាគ្រូពេទ្យឯកទេសខាងសម្ភព និងរោគស្ត្រីនៅមន្ទីរពេទ្យ Fortis នាងបានណែនាំវិធីសាស្រ្តមួយចំនួនដែលគូស្នេហ៍អាចព្យាយាម បង្កើនឱកាសមានផ្ទៃពោះបានលឿនជាងមុន។

១ ផ្ដោតលើវដ្តរដូវ៖ ដើម្បីអាចមានកូនបាន ទាល់តែមេជីវិតឈ្មោលបានជួបជាមួយនឹងស៊ុត នោះអំប្រ៊ីយ៉ុងដែលមានសុខភាពល្អនិងបង្កើតបានជាទារកដែលមានសុខភាពល្អម្នាក់។ ហេតុនេះការដែលដឹងពីថ្ងៃដែលអូវុលឬមេជីវិតរបស់ស្រ្តីធ្លាក់ជារឿងចាំបាច់ ដែលអាចឱ្យមានឆាប់មានផ្ទៃពោះបាន។ នៅក្នុងវដ្តរដូវធម្មតា ពេលវេលានៃការបញ្ចេញពងអូវុលជាទូទៅកើតឡើងនៅចន្លោះថ្ងៃទី១៣ ទៅថ្ងៃទី១៨ នៃដំណើរការ។ ឬអ្នកអាចចំណាំថាពងអូវុលនិងបញ្ចេញក្រោយមករដូវ បាន១៤ថ្ងៃ។ បើអ្នករួមភេទនៅចន្លោះពេលនោះ នឹងអាចបង្កើតឱកាសខ្ពស់ឱ្យមេជីវិតជួបគ្នា បង្កើតបានទារកម្នាក់។ ម្យ៉ាងទៀតអ្នកក៏អាចទិញឧបករណ៍តេស្តឱ្យដឹងពីថ្ងៃធ្លាក់មេជីវិត អាចរកទិញបានតាមឱសថស្ថាននានា ហើយអាចសួរនាំពីការប្រើប្រាស់បាន។

២ រឿងដែលមិនត្រូវធ្វើក្នុងអំឡុងពេលរួមភេទ៖ ត្រូវប្រាកដថា គ្មានថ្នាំពន្យាកំណើត ឬស្រោមអនាម័យ មករាំងស្ទះដំណើររបស់អ្នក។ ក្រោយពីរួមភេទរួច ដៃគូមិនគួរប្រញាប់ធ្វើការលាងសម្អាតភ្លាមៗនោះទេ មួយវិញទៀតគួរចៀសវាងការប្រើប្រាស់ប្រេងរំអិលឬក្រែមរំអិលអ្វីជំនួយទាំងអស់ ក្នុងអំឡុងពេលរួមភេទ។

៣ លេបថ្នាំគ្រាប់អាស៊ីតហ្វូលិក(folic acid)៖ ស្ត្រីអាចលេបថ្នាំអាស៊ីតហ្វូលិក ៣ខែមុនពេលមានគម្រោងមានផ្ទៃពោះ។ អាស៊ីតហ្វូលិកជួយលើកកម្ពស់ការបញ្ចេញពងអូវុល ជម្រុញការបង្កកំណើត និងគាំទ្រដល់ការរស់រានមានជីវិតរបស់អំប្រ៊ីយ៉ុងដំបូង។ ថ្នាំទាំងនេះអាចដើរតួនាទីយ៉ាងវែងក្នុងការជួយគូស្វាមីភរិយាឱ្យសម្រេចបាននូវគោលដៅមានផ្ទៃពោះរបស់ពួកគេ(សូមប្រឹក្សាជាមួយគ្រូពេទ្យជាមុន)។

៤ ធ្វើរោគវិនិច្ឆ័យចំពោះបញ្ហាវេជ្ជសាស្រ្ត៖ ប្រសិនបើអ្នកបានអនុវត្តបានត្រឹមត្រូវ គ្រប់វីធីសាស្ត្រហើយ នៅតែមិនមានកូន គូស្នេហ៍គួរតែនាំគ្នាទៅត្រួតពិនិត្យសុខភាពជាមួយគ្រូពេទ្យ។ ការធ្វើការពិនិត្យរកបញ្ហា ដើម្បីឱ្យដឹងថាតើដៃគូ ណាម្នាក់មានបញ្ហាសុខភាពដែលប៉ះពាល់ដល់មេជីវិត ឬបង្កកំណើតដែលឬអត់។

៥ ពិនិត្យសុខភាពជាប្រចាំ៖ វេជ្ជបណ្ឌិត Tomar មានប្រសាសន៍ថា "ក្នុងអំឡុងពេលវដ្តរដូវ ស្ត្រីត្រូវឆ្លងកាត់ការវាយតម្លៃអ័រម៉ូនរបស់ពួកគេ និងការធ្វើ hysterosalpingography ដើម្បីឱ្យភាពធន់នៃបំពង់ fallopian ស្គាល់"។ ដោយសារបំពង់ fallopian មានសារៈសំខាន់ខ្លាំងណាស់សម្រាប់ការបង្កកំណើត ការឆ្លងមេរោគ ឬការវះកាត់ពោះ អាចប៉ះពាល់ដល់លទ្ធផលនៃការមានផ្ទៃពោះ។ ហេតុនេះគួរព្យាយាមទៅពិនិត្យសុខភាពឱ្យបានទៀងទាត់។

៦ ទម្លាប់រស់នៅមានផាសុកភាព៖ វេជ្ជបណ្ឌិត Tomar មានប្រសាសន៍ថា ចាំបាច់ផងដែរដែលទឹកកាមរបស់បុរសត្រូវមានលក្ខណៈធម្មតា និងមានសុខភាពល្អ។ ប្រសិនបើវាមានផ្ទុក hydrocele ណាមួយ ពួកគេគួរតែទៅពិគ្រោះជាមួយវេជ្ជបណ្ឌិតឯកទេសឱ្យបានឆាប់បំផុត។ វាមានសារៈសំខាន់ដូចគ្នាដែលគូស្វាមីភរិយាត្រូវមានទម្លាប់រស់នៅល្អ រួមទាំងរបបអាហារល្អ លំហាត់ប្រាណត្រឹមត្រូវ និងឈប់ជក់បារី ឈប់ទទួលទានគ្រឿងស្រវឹង ដើម្បីកុំឱ្យប៉ះពាល់ដល់គុណភាព និងបរិមាណនៃមេជីវិត ពិសេសមេជីវិតឈ្មោល៕

អត្ថបទដោយ៖ Senghong