១. គ្រាប់ធញ្ញជាតិបណ្តុះកោលសិការខួរក្បាលកូន៖ យោងតាមគេហទំព័រ California Almonds បានបញ្ជាក់ថា ការញ៉ាំគ្រាប់អញ្ញជាតិដូចជាសណ្តែកដី  គ្រាប់អាល់ម៉ុន និងគ្រាប់ស្វាយចន្ទីចាប់ពី ២០ ទៅ ២៥​គ្រាប់ក្នុងមួយថ្ងៃជាបរិមាណល្អបំផុត(បើលើសចំនួននេះអាចបង្កបញ្ហាដល់កូនរបស់អ្នកក្តៅខ្លួន)។ ព្រោះគ្រាប់ធញ្ញជាតិទាំងនេះមានជាតិវីតាមីន មានសារធាតុរ៉ែសំខាន់ៗដូចជាវីតាមីន E និងម៉ាញ៉េស្យូម វាជួយកាត់កូឡេស្ដេរ៉ូល និងកាត់បន្ថយកម្រិតជាតិស្ករក្នុងរាងកាយ ដើម្បីឱ្យខួរក្បាលកូនរបស់អ្នកលូតលាស់ផ្នែកការគិតបានលឿននិងឆ្លាត។

២. ផ្លែប័របង្កើនអង្គចងចាំកុមារ៖ ផ្លែប័រ​មាន​​ផ្ទុក​​ប្រភេទ​​វីតាមីន និង​សារធាតុ​រ៉ែ​ច្រើន រួមមាន​ folate កាល់​ស្យូម​ ដែក​ ស្ពាន់​ ម៉ាញ៉េ​ស្យូ​ម​ដើម្បីជំនួយដល់ការចងចាំរបស់កុមារហើយជម្រុញមុខងារខួរក្បាលក្មេងៗ កាន់តែឆ្លាត រៀនឆាប់ចូលឆាប់ចាំ។ តាមគេហទំព័រសុខភាព Vnexpress បានចុះផ្សាយថា ផ្លែប័រ​សម្បូរ​​ខ្លាញ់​មិន​ឆ្អែត​ monounsaturated ជាខ្លាញ់ល្អដើម្បីពង្រឹង​សុខភាព​ខួរក្បាល និង​បេះដូងរបស់កុមារ។ ពេលកូនរបស់អ្នករឹងមាំផ្នែកកាយ ខួរក្បាលកូនរបស់អ្នកពូកែគិតឬឆ្លាតខុសពីធម្មតាជាមិនខានឡើយ។

៣. ត្រីជម្រុញការគិតកុមារបានលឿន៖ ត្រីមានជាតិខ្លាញ់ល្អៗ ជួយសុខភាពហើយជំនួយដល់ខួរក្បាលរបស់កុមារ រួមមាន ត្រីសាម៉ុង ត្រីម៉ាកែល និងត្រីសាឌីន។ ព្រោះត្រីទាំងអស់នេះមានជាតិអាស៊ីតខ្លាញ់អូមេហ្គា៣ ជាការចាំបាច់សម្រាប់ការអភិវឌ្ឍប្រព័ន្ធខួរក្បាល និងសុខភាពទូទៅរបស់ក្មេងឱ្យរឹងមាំ។ ព្រោះខ្លាញ់អូមេហ្គា៣ ជួយកាត់បន្ថយការរលាក រក្សាសុខភាពបេះដូងកូនៗ របស់អ្នកបានល្អ ។

៤. ប្រេងអូលីវ៖ ប្រេងអូលីវដែលផលិតពីធម្មជាតិដែលមានជាតិខ្លាញ់ល្អ មានជាតិវីតាមីន E មានសារធាតុប្រឆាំងអុកស៊ីតកម្ម… ជួយកែលម្អមុខងារការយល់ដឹង និងសរសៃឈាមបេះដូងឱ្យឈាមដំណើរការទៅកាន់ខួរក្បាលកុមារបានល្អជួយដល់ការចងចាំ។

៥. ទឹកដោះគោ៖ ទឹកដោះគោសម្បូរសារធាតុចិញ្ចឹមល្អៗ មានជាតិខ្លាញ់ទាប ជាប្រភពវីតាមីនB វីតាមីនD ប្រូតេអ៊ីន ហើយសារធាតុកាបូហាយដ្រាតដែលខួរក្បាលរបស់កុមារតូចៗ និងក្មេងដែលឈានដល់វ័យជំទង់កីត្រូវការជាចាំបាច់សម្រាប់ការលូតលាស់ជាលិកាខួរក្បាលនិងជំនួយដល់ប្រព័ន្ធប្រសាទឱ្យចងចាំផងដែរ។

៦. បន្លែបៃតង៖ បន្លែបៃតង សម្បូរដោយជាតិដែក នឹងវីតាមីនច្រើនប្រភេទដែលមានប្រយោជន៍ច្រើនសម្រាប់សុខភាព(រាងកាយនិងខួរក្បាល)របស់កុមារ។ តាមការសិក្សាស្រាវជ្រាវ បានបញ្ជាក់ឱ្យដឹងថាកុមារដែលញុំាបន្លែបៃតង​សម្បូរជាតិដែកគ្រប់គ្រាន់ទំនងជាការការលូតលាស់ខួរក្បាល មានការយល់ដឹង ប្រសើរ ជាងក្មេងដែលមិនសូវញុំា៕ អត្ថបទដោយ៖ ទ្រ សុភាព

សៀវភៅ លំហូរចិត្ត មួយក្បាលជាទីប្រឹក្សាផ្លូវចិត្តបានល្អបំផុត អ្នកចង់ទិញតាមនេះ👉https://t.me/BusinessCambodiaBook