ឪពុកម្តាយត្រូវចាំថា កូនរបស់អ្នកមិនមែនកើតមកចេះគិតដោយខ្លួនឯង ចេះទទួលខុសត្រូវដោយខ្លួននោះទេ វាកើតចេញពីការអប់រំរបស់ឪពុកម្តាយនេះឯង។ តាមលោក Haim Ginott ជាអ្នកចិត្តសាស្រ្តផ្នែកកុមារបាននិយាយថា “ឪពុកម្តាយមិនឈឺក្បាលជាមួយអនាគតកូននោះទេ បើឪពុកម្តាយអប់រំកូនពីតូចឱ្យហើយនោះ។ កូនរបស់អ្នកចាំបាច់ត្រូវការហ្វឹកហាត់ជាប្រចាំថ្ងៃដោយការហាត់ប្រើវិចារណញ្ញាណ និងហ្វឹកហាត់រៀនសម្រេចចិត្តចំពោះស្ថានការណ៍ផ្សេងៗ ឱ្យស័ក្តិសមជាមួយវ័យ និងការយល់ដឹងរបស់កូនផងដែរ”។ មានន័យថា សម័យទំនើបនេះ អប់រំកូនដោយប្រើធម៌ត្រជាក់ច្រើនជាងធម៌ក្តៅ។ ធម៌ក្តៅជាការអប់រំសម័យចាស់។ សម័យថ្មីគេប្រើធម៌ត្រជាក់បែបចិត្តសាស្រ្ត ធ្វើឱ្យកូនគ្មានអារម្មណ៍ភ័យខ្លាច មានចិត្តក្លាហាន ចេះរៀបចំអនាគត និងមានក្តីស្រឡាញ់ក្នុងគ្រួសារផងដែរ។

លោក Haim បានបន្តថា “ពេលកូននៅតូច អ្នកគួរតែឱ្យកូនចូលរួមទទួលខុសត្រូវ និងសេចក្តីត្រូវការរបស់កូនខ្លះដែរ។ នេះជាការបង្រៀនកូនឱ្យចេះគិតដោយខ្លួនឯង”។ បើអ្នកចង់ឱ្យកូនចេះរៀបចំអនាគតបានល្អ ជាដំបូងអ្នកត្រូវបង្រៀនកូនឱ្យចេះរៀបចំឧបករណ៍លេងជាមុនសិន។ កុំឱ្យកូនលេងរបស់របររួចហើយ ទុកចោលវាជាទម្លាប់អាក្រក់បំផ្លាញ់អនាគតកូន។ ចូរអ្នកណែនាំកូនឱ្យចេះរៀបចំឧបករណ៍លេងរួច ឱ្យទុកកន្លែងដើម ឬអ្នកធ្វើជាគំរូគឺរៀបចំឱ្យកូនមើលឃើញពីសកម្មភាពរបស់អ្នក កូននឹងធ្វើតាមឪពុកម្តាយពីមួយថ្ងៃទៅមួយថ្ងៃកូនរបស់អ្នកនឹងចេះគិតដោយខ្លួនឯង ហើយចេះរៀបចំអនាគតដោយខ្លួនឯងដោយអត់ដឹងខ្លួននោះទេ។ នេះជាការអប់រំសម័យទំនើបមានគុណភាពឱ្យកូនចេះគិតដោយខ្លួនឯង។

តាមសៀវភៅ វិថីគ្រាប់ពូជ បានលើកឡើងដែរថា ចង់ឱ្យកូនស្តាប់ឪពុកម្តាយ លុះត្រាឪពុកម្តាយស្តាប់កូនសិន។ ពេលអ្នកស្តាប់កូនរួចហើយ អ្នកនឹងយល់ពីជម្រៅបេះដូង និងគំនិតកូនជាមិនខានឡើយ។ និយាយមួយបែបទៀតគឺថា ចង់កែប្រែកូន លុះត្រាឪពុកម្តាយយល់ពីកូនសិន។ ដើម្បីយល់ពីកូនបាន ទី១. ស្តាប់កូន ទី២.បង្រៀនកូនតិចៗ សិន និងទី៣. ផ្តល់ក្តីស្រឡាញ់ឱ្យកូន(ធ្វើឱ្យកូនហ៊ាននិយាយបើកចិត្តជាមួយឪពុកម្តាយ)។ បើឪពុកម្តាយ ចង់កែប្រែវាសនាកូន ក្លាយជាក្មេងនិយាយស្តាប់គ្នាបាន ហើយធំឡើងឱ្យចេះពឹងលើខ្លួនឯង មាននៅក្នុងសៀវភៅ វិថីគ្រាប់ពូជ ជាសៀវភៅក្បួនចិញ្ចឹមកូនដែលឪពុកម្តាយគួរមានៅក្នុងដៃដើម្បីអប់រំកូន៕ អត្ថបទដោយ៖ ទ្រ សុភាព

អ្នកអាចទិញសៀវភៅ វិថីគ្រាប់ពូជ ទិញតាមនេះ https://t.me/BusinessCambodiaBook