នៅប្រទេសវៀតណាមមានកុមារម្នាក់អាយុ ១៣ឆ្នាំ ពីរថ្ងៃមុនកុមាររូបនេះមានអាការៈក្អក ក្តៅខ្លួន និងឈឺក្បាលផង ប៉ុន្តែឪពុកម្តាយគិតថា នេះគ្រាន់តែបញ្ហាផ្តាសាយធម្មតាតែប៉ុណ្ណោះ ហើយក៏ទិញថ្នាំមកលេបនៅផ្ទះ។ ស្រាប់តែមានអាការៈឈឺក្បាលធ្ងន់ធ្ងររួចក៏ដួលបោកក្បាលនឹងដី ក្រោយមកគ្រូពេទ្យបានរកឃើញថាក្មេងនេះមានជំងឺដាច់សរសៃឈាមក្នុងខួរក្បាល។ គ្រូពេទ្យបានសង្គ្រោះកុមារនេះបានទាន់ពេលវេលាធ្វើឱ្យគេមិនខ្វិនដៃជើងនោះទេ គ្រាន់តែរាងឈឺក្បាល និងរឹងកបន្តិច។ បញ្ហាអាចមកពីក្មេងមានសម្ពាធគិតច្រើន ហូបអាហារខ្វះរសជាតិចិញ្ចឹមរាងកាយ និងកត្តាសុខភាពផងដែរ។ សូមឪពុកម្តាយមើលពីសុខភាពឱ្យបានល្អបំផុត។ នេះជាការយោងតាមគេហទំព័រសុខភាព Vnexpress។
យោងតាមអង្គការសុខភាពពិភពលោក (WHO) បានបញ្ជាក់ដែរថា ជំងឺដាច់សរសៃឈាមខួរក្បាលលែងជាជំងឺរបស់មនុស្សចាស់ទៀតហើយ។ មានអ្នកជំងឺដាច់សរសៃឈាមខួរក្បាលទូទាំងពិភពលោកនៅក្រោមអាយុ ៤៥ឆ្នាំចុះ មានចំនួន ១០ទៅ១៥%។ ចំនួននេះកំពុងកើនឡើងគួរឱ្យព្រួយបារម្ភជាពិសេសក្នុងប្រទេសកំពុងតែអភិវឌ្ឍ”។ សម្រាប់ប្រទេសវៀតណាមនៅក្នុងឆ្នាំ ២០២៣ តាមក្រសួងសុខាភិបាលបញ្ជាក់ថា ករណីអ្នកជំងឺដាច់សរសៃឈាមខួរក្បាលក្រោមអាយុ ៤៥ឆ្នាំចុះក្រោម មានចំនួន ៥ទៅ៧%ឯណោះ។ នៅក្នុងនោះមានអត្រាវ័យជំទង់ចំនួន ៣ទៅ៥% បានដាច់សរសៃឈាមខួរក្បាល មកពីកត្តាទាក់ទងនឹងរបៀបរស់នៅ និងសម្ពាធកន្លែងការងារ។
១. ជំងឺដាច់សរសៃឈាមខួរក្បាលជាការស្ទះសរសៃឈាមភ្លាមៗនៅក្នុងខួរក្បាលកាត់ដាច់លំហូរឈាមដំណើរការទៅកាន់ខួរក្បាល។ វាធ្វើឱ្យខ្វិនរាងកាយផ្នែកផ្សេងៗ បាត់បង់ការផ្តោតអារម្មណ៍ ការចងចាំ, សន្លប់និងអត្រាមរណភាពជាដើម។ ជំងឺនេះអាចកើតឡើងបានគ្រប់ពេលទាំងវ័យក្មេងនិងមនុស្សចាស់ បើមានសម្ពាធខ្លាំងនិងញ៉ាំអាហារមិនល្អ។
២. ការដាច់សរសៃឈាមខួរក្បាលចំពោះមនុស្សវ័យក្មេង នាំឱ្យខូចអនាគត ហើយបន្សល់ទុកនូវផលវិបាកធ្ងន់ធ្ងរទាំងផ្នែករាងកាយ សមត្ថភាពការងារ បង្កើតបន្ទុកដល់គ្រួសារ និងខូចផ្នែកផ្លូវចិត្តផងដែរ។ សម្រាប់ជំងឺដាច់សរសៃឈាមខួរក្បាលក្នុងវ័យកុមារ វាជារឿងពិបាកក្នុងការការពារដោយសារវាកម្រ តែមានវាហានិភ័យខ្លាំង។ ពិសេសនោះកុំឱ្យកុមារធាត់ពេកនាំមានជាតិខ្លាញ់ច្រើនស្ទុះដល់សរសៃឈាមទៅកាន់ខួរក្បាលផងដែរ៕ អត្ថបទដោយ៖ ត្រ សុភាព