អ្នកគ្មានមានបញ្ហាស្បែក សម្រស់ធ្លាក់កូដ និងស្បែកស្រអប់នោះ ព្រោះតែមានអ្នកមានទម្លាប់មិនល្អមួយចំនួនដូចជាផឹកទឹកមិនគ្រប់គ្រាន់ គេងមិនគ្រប់ ស្រ្តេសច្រើន និងអាហារគ្មានគុណភាពជាដើម។ បើអ្នកចង់កែលម្អស្បែកសុខភាពល្អ និងសម្រស់ស្អាតក្មេងជាងវ័យ អ្នកគួរមានទម្លាប់ ៥នេះ។
១. ថែរក្សាស្បែកជាប្រចាំ៖ ស្បែកស្រអាប់អាចបណ្តាលមកពីការប្រមូលផ្តុំកោសិកាងាប់ៗ កើនឡើង។ ហើយអ្នកគួរខាត់ស្បែកមួយសប្តាហ៍ម្តងដើម្បីស្បែកថ្លា។ ការលាបក្រែមការពារកម្តៅថ្ងៃ និងក្រែមផ្តល់សំណើមពីរដងក្នុងមួយថ្ងៃជួយធ្វើឱ្យស្បែករបស់អ្នកមានតុល្យភាពមានសំណើមតាមធម្មជាតិ ជៀសវាងភាពស្ងួត ឬខ្លាញ់ច្រើន ហើយការពារភាពចាស់មុនអាយុរបស់អ្នកផងដែរ។
២. លំហាត់ប្រាណ៖ អ្នកធ្វើលំហាត់ប្រាណកម្រចាស់ណាស់។ ព្រោះស្បែកគេមានសំណើម មានសុខភាពល្អ មកពីលំហាត់ប្រាណបញ្ចេញជាតិពុលនេះឯង។ ហើយលំហាត់ប្រាណមួយថ្ងៃ ២០ទៅ៣០នាទីជួយឈាមអ្នកមានសុខភាពល្អ និងផ្តល់សារធាតុចិញ្ចឹមដែលសម្បូរអុកស៊ីហ្សែនដល់ស្បែក។
៣. ងូតទឹកត្រជាក់៖ វាជួយរំញោចដល់អារម្មណ៍ ជួយឱ្យមុខរលោង កុំឱ្យមានស្នាមជ្រួញក្នុងរយៈពេលខ្លី បង្រួមរន្ធញើស។ ស្បែកអ្នកទំនងជាមិនសូវកកកុញជាតិប្រេងច្រើនដែលបណ្តាលឱ្យកកស្ទះកើតមុនទេ។
៤.ការគ្រប់គ្រងស្ត្រេស៖ ពេលស្ត្រេសរាងកាយរបស់អ្នកនឹងបញ្ចេញអរម៉ូន cortisol នាំឱ្យស្បែកស្រអាប់ ស្ងួត ហើយវាបញ្ចេញជាតិខ្លាញ់ជាហេតុនាំឱ្យសម្រស់អ្នកកើតមុខ និងអង្គែ។ បើអ្នកចង់បាត់ស្រ្តេស ចូរធ្វើលំហាត់ប្រាណ សមាធិ គូរគំនូរ ឬនិយាយជាមួយមនុស្សជាទីស្រលាញ់ដើម្បីបន្ធូរភាពតានតឹងចេញ។
៥. គេងឱ្យបានគ្រប់គ្រាន់៖ ពេលអ្នកគេងបានគ្រប់គ្រាន់ជួយកែលម្អែស្បែកបំបាត់ជាតិពុល និងជួសជុលកោសិកាឡើងវិញ។ ពេលអ្នកគេងលក់ស្កប់ស្កល់ ស្បែកកាន់តែស្រស់ថ្លា ក្មេងជាងវ័យ និងភ្លឺថ្លាជាងមុន។យោងតាម National Sleep Foundation ចុះផ្សាយថា មនុស្សពេញវ័យត្រូវការការគេងពី ៧ទៅ៩ម៉ោងរៀងរាល់យប់ដើម្បីសុខភាពផ្លូវចិត្តរឹងមាំនិងស្បែកស្រស់។ បើអ្នកកាត់បន្ថយពេលវេលាគេងរបស់អ្នក ស្បែករបស់អ្នកអាចកើតរង្វង់ខ្មៅក្រោមភ្នែក ស្បែកឡើងស្ងួត ហើយស្បែករបស់អ្នកកាន់ស្នាមជ្រួញខ្លាំងឡើង៕ អត្ថបទដោយ៖ ទ្រ សុភាព