បើអ្នករវល់រហូតភ្លេចថែសុខភាពនាំឱ្យរាងកាយមិនបានបញ្ចេញជាតិពុលហើយចេះតែកើនជាតិស្ករតាមរយៈការញ៉ាំអាហារ និងភេសជ្ជៈផ្អែមៗ នេះឯង ច្បាស់ណាស់ថារាងកាយរបស់អ្នកប្រើជាតិស្ករមិនអស់ វាដឹកនាំជីវិតរបស់អ្នករស់ក្នុងជំងឺទឹកនោមផ្អែម។ តាមវេជ្ជបណ្ឌិត Kathryn A. Boling ជាអ្នកផ្តល់សេវាកម្មថែទាំបឋមនៅ Mercy Personal Physicians មានប្រសាសន៍ថា"បើមានអ្នកជំងឺលើសជាតិស្ករក្នុងឈាមនោះ ខ្ញុំសុំឱ្យអ្នកជំងឺដើរ បន្ទាប់ពីហូបអាហាររួច។ ការធ្វើបែបនេះដើម្បីឱ្យសាច់ដុំរបស់អ្នកជំងឺមានដំណើរការក្នុងការបញ្ចុះជាតិស្ករក្នុងឈាម។ ព្រោះថាការធ្វើលំហាត់ប្រាណជាប្រចាំថ្ងៃ ពិតជាជួយទាញជាតិស្ករចេញពីចរន្តឈាម និងចូលទៅក្នុងសាច់ដុំ។ វាធ្វើឱ្យជាតិស្ករក្នុងឈាមរបស់អ្នកថយចុះ”។
គំនិតលោកវេជ្ជបណ្ឌិតបានប្រាប់យើងថា ការរស់នៅខ្វះលំហាត់ប្រាណ បញ្ហាសុខភាពដំបូងគេគឺបញ្ហាធាត់ជាសញ្ញាប្រាប់អ្នកថា អ្នកហូបអាហារច្រើន រាងកាយអ្នកលើសជាតិខ្លាញ់ និងជាតិស្ករហើយ។ បើអ្នកបណ្តោយយូររស់ក្នុងទម្លាប់បែបនេះ អ្នកនឹងរស់ក្នុងជំងឺទឹកនោមផ្អែមមួយជីវិត។ ហើយវាតម្រូវឱ្យអ្នកប្តូរឈាមមួយខែឬមួយសប្តាហ៍ម្តង វាពិតជាត្រូវការចំណាយលុយច្រើនណាស់។
តាមវេជ្ជបណ្ឌិត Kathryn A. Boling បានបញ្ជាក់ថា អ្នកអាចធ្វើក្រុមលំហាត់ប្រាណលើកដុំដែក រត់ ដើរ ដើម្បីយកសាច់ដុំនោះ ជាតិស្ករក្នុងខ្លួនអ្នកកាន់តែបំបែកចេញជាសាច់សុំ ចេញជាថាមពល និងកើនអុកស៊ីហ្សែនមានកាន់តែប្រសើរឡើងនៅក្នុងសួត។ ហើយជាតិស្ករក៏រត់ចេញពីឈាមរបស់អ្នកដែរ។ អ្នកឃើញទេ! គ្រាន់តែចំណាយពេលមួយថ្ងៃ ៤០នាទីដើម្បីហាត់ប្រាណយកសាច់ដុំ អ្នកក៏រស់នៅឆ្ងាយពីជំងឺទឹកនោមផ្អែម ជំងឺលើសឈាម និងបញ្ហាធាត់អស់មួយជីវិត។ ហាត់ប្រាណដើម្បីសុខភាពល្អ ឱ្យអ្នករស់នៅអាយុវែង៕ អត្ថបទដោយ៖ ទ្រ សុភាព