ពេលអ្នកហេវខ្លាំង គេងមិនលក់នោះទេ។ អ្នកខ្លះលួចហូបអាហារពេលយប់ដូចជាខំ ហូបមី និងបាយឆា នាំឱ្យគេឆាប់ធាត់លើសដើម។ នេះជារឿងពិបាកចិត្តបំផុតសម្រាប់មនុស្សសម័យបន្ចុច្បន្ននេះ។ គេងអត់គ្រប់មានបញ្ហាច្រើនមុខណាស់ដូចជាបញ្ហាខួរក្បាល ឡើងគីឡូ និងកើនជាតិស្ករក្នុងឈាម។ យោងតាម Healthline បានចុះផ្សាយថា អ្នកគួរញ៉ាំអាហារទាំង ៥មុខនេះ មិនឡើងគីឡូ ឆាប់គេងលក់លឿន៖
១. អ្នកអាចហូបត្រីសាម៉ុង និងត្រីខ្មែរយើងធម្មតាក៏បានដែរ។ ព្រោះវាក៏មានផ្ទុកអូមេហ្គា៣ ច្រើន និងខ្លាញ់ល្អដល់សុខភាព ធ្វើឱ្យសរសៃប្រសាទស្ងប់ដើម្បីឱ្យអ្នកគេងលក់ស្រួល ត្រីជាអាហារទន់ ឆាប់រលាយ។ ពេលអ្នកហូបត្រីជាអាហារសម្រន់ពេលយប់(កុំហូបឆ្អែកពេកណា) មុនចូលគេង ២ម៉ោង ១ម៉ោងនោះ មិនឡើងគីឡូហើយអ្នកឆាប់គេងលឿនទៀត។
២. ហូបនំប៉័ងស្រូវសាលីលាយជាមួយប៊ឺសណ្តែកដីបន្តិចក៏បានដែរ។ នំប៉័ងស្រូវសាលីសម្បូរទៅដោយជាតិម៉ាញ៉េស្យូម និងប្រូតេអ៊ីនប៉ូវមានសុខភាពល្អធ្វើឱ្យអ្នកមានអារម្មណ៍ឆ្អែតពេញមួយយប់ដោយមិនប៉ះពាល់ដល់ជាតិស្ករក្នុងឈាម។ ភាពផ្អែមស្រាលប៊ឺសណ្តែកដីក៏ជួយបន្ធូរសរសៃប្រសាទឱ្យអ្នកឆាប់គេងបានដែរ។
៣. ហូបសាឡាដជាមួយត្រីធូណាជាអាហារសម្រន់មានរសជាតិឆ្ងាញ់ ហើយមានជាតិខ្លាញ់សម្បូរទៅដោយអូមេហ្គា៣ ជួយជម្រុញដល់ការគេងលក់ស្រួល។ ព្រោះវាមានជាតិវីតាមីនB6 ជួយគផលិតមេឡាតូនីន និងធ្វើឱ្យចិត្តសម្រាក។ ពេលអ្នកហូបអាហារពេលយប់បែបនេះ មិនកើនជាតិស្ករ មិនធាត់នោះទេ។
៤. អាហារសម្រន់ផ្លែប័រក៏សម្បូរទៅដោយម៉ាញ៉េស្យូម និងប៉ូតាស្យូមល្អដល់ការគេងដែរ។ ម៉ាញ៉េស្យូមជួយបន្ធូរសាច់ដុំ បន្ធូរប្រសាទឱ្យស្ងប់ និងគ្រប់គ្រងវដ្តនៃការគេង និងភ្ញាក់បីគេង។ ផ្លែប័រសម្បូរទៅដោយទ្រីបតូហ្វានជួយគាំទ្រដល់ការផលិតសេរ៉ូតូនីន និងមេឡាតូនីនដល់ការគេងពេលយប់។ ហ្វូឡាត និងវីតាមីន B នៅក្នុងផ្លែប័រក៏ជួយគ្រប់គ្រងអារម្មណ៍ និងកាត់បន្ថយភាពតានតឹងមុនពេលចូលគេងបានយ៉ាងល្អបំផុត។
អាហារសម្រន់ខាងលើនេះ សូមអ្នកកុំហូបឆ្អែកពេក គ្រាន់តែហូបឱ្យបាត់ហេវបានហើយ។ ហើយសូមកុំផផឹកកាហ្វេ និងផឹកស្រាពេលល្ងាច វាប៉ះពាល់ប្រសាទខួរក្បាលគេងមិនស្ងប់។ ហើយអ្នកគួរបន្តធ្វើលំហាត់ប្រាណ សមាធិ និងអានសៀវភៅ ដើម្បីឱ្យអារម្មណ៍ស្ងប់ល្អ គេងលក់ក៏លឿនដែរ៕ អត្ថបទដោយ៖ ទ្រ សុភាព
