១. ការញ៉ាំទឹកក្តៅមុនពេលហូបអាហារពេលព្រឹកប្រហែល ៣០នាទី និងមុនពេលហាត់ប្រាណ ជួយជំរុញមុខងារពោះវៀន ថែតម្រងនោម និងធ្វើឱ្យដំណើរការមេតាប៉ូលីសមានលំនឹងចំពោះសុខភាព និងការសម្រកគីឡូ។ ការញ៉ាំទឹកក្តៅមុនចូលគេងជួយដល់ប្រព័ន្ធរំលាយអាហារឱ្យសម្រកជាតិខ្លាញ់តិចៗដែរ។ ហើយជួយពង្រឹង​មុខងារ​ប្រព័ន្ធ​ប្រសាទ​កណ្តាល កុំបន្ថយស្រ្តេសនិង​ថប់​បារម្ភ​បានល្អ។

២. ពេលអ្នកហាត់ប្រាណរូច អ្នកគួរញ៉ាំគ្រាប់ផ្លែអាល់ម៉ុន គ្រាប់ស្វាយចន្ទី គ្រាប់សណ្ដែកដី គ្រាប់ផ្កាឈូករ័ត្ន គ្រាប់ល្ង និងគ្រាប់ល្ពៅ ធ្វើជាអាហារសម្រន់ដើម្បីកាត់បន្ថយកម្រិតកូលេស្តេរ៉ូល និងកម្ចាត់ជាតិខ្លាញ់ចេញ ឱ្យអ្នកឆាប់ស្រកគីឡូ។ គ្រាប់ធញ្ញជាតិមានជាតិខ្លាញ់ល្អច្រើន គេហៅថា សារធាតុ polyunsaturated សារធាតុ monounsaturated fats និងសារធាតុ fiber ជាសារធាតុចិញ្ចឹមជួយកម្ចាត់ជាតិខ្លាញ់ និងលើកកម្ពស់សម្រស់របស់អ្នកក្មេងជាងវ័យ។

៣. ទឹកដោះគោមានសមាសធាតុជាច្រើនដែលអាចរួមចំណែកដល់ការសម្រកទម្ងន់ និងការពារការឡើងទម្ងន់។ ដោយហេតុថា ប្រូតេអ៊ីនក្នុងទឹកដោះគោនឹងជួយឱ្យអ្នកមានអារម្មណ៍ឆ្អែតក្នុងរយៈពេលយូរជាងមុនដែលអាចការពារការទទួលទានច្រើនពេក។ លើសពីនេះ អាស៊ីតលីណូឡេអ៊ីកដែលផ្សំនៅក្នុងទឹកដោះគោត្រូវបានគេសិក្សាពីសមត្ថភាពរបស់វាក្នុងការបង្កើនការសម្រកទម្ងន់ដោយការលើកកម្ពស់ការបំបែកខ្លាញ់និងរារាំងការផលិតខ្លាញ់៕ អត្ថបទដោយ៖ ទ្រ សុភាព