១. មុនអ្នកបើកឆាកប្រយុទ្ធជាមួយដៃគូនោះ អ្នកគួរហូបអាហារប៉ូវកម្លាំងជាមុនសិនជាពិសេសអ្នកគួរហូបអ័យស្ទ័ររយៈពេលមួយឬពីរម៉ោងទុកជាមុន។ ព្រោះអ័យស្ទ័រ​ជា​​អាហារ​ដែល​​សម្បូរ​ទៅ​ដោយ​ស័ង្កសី​ជួយ​បង្កើន​លំហូរ​ឈាម​​​ទៅ​កាន់​សរីរាង្គ​ផ្លូវ​ភេទហើយ​ជួយ​គ្រប់គ្រង​អ័រម៉ូន​ testosterone​បាន​យ៉ាងល្អសម្រាប់បុរស។ បើបុរស​ខ្វះសារធាតុ​ស័ង្កសីក៏ជះឥទ្ធិពល​​​អវិជ្ជមាន​លើ​សេរ៉ូម​ testosterone​ ហើយវាក៏​រារាំង​ការ​បង្កើត​មេ​ជីវិត​ឈ្មោល​។ ដូច្នេះ​ហើយ​ គ្នា​យើង​គប្បី​បញ្ចូល​អ័យស្ទ័រ​ទៅ​ក្នុង​របប​អាហារ​ ដើម្បី​បំពេញ​ជាតិ​ស័ង្កសី​ដែល​រាងកាយ​ត្រូវការ​ជា​ចាំបាច់។​ អាហារ​ដទៃ​ទៀត​ដែល​មាន​ជាតិ​ស័ង្កសី​ រួម​មាន​បង្កង ​ក្ដាម​ និង​សាច់​ក្រហម។

២​. សណ្តែកជាប្រភពដ៏ប្រសើរនៃជាតិសរសៃនិងហ្វូឡាត ដែលសារធាតុទាំងពីរនេះមានសារៈសំខាន់ណាស់ក្នុងការរក្សាតុល្យភាពអ័រម៉ូនដែលមានសុខភាពល្អ។ គ្រាប់សណ្តែកក៏មានផ្ទុកសារធាតុ polyamine spermidine ខ្ពស់ ដែលអាចជួយជម្រុញមេជីវិតឈ្មោលបង្កកំណើតដល់ស៊ុត។ សណ្តែកក៏មានប្រូតេអ៊ីនខ្ពស់ ដែលអាចជួយលើកកម្ពស់ការបញ្ចេញពងអូវុលដែលមានសុខភាពល្អ។ ការសិក្សាបង្ហាញថានៅពេលដែល 5%នៃកាឡូរីដែលបរិភោគបានមកពីប្រូតេអ៊ីនបន្លែ ច្រើនជាងប្រូតេអ៊ីនសត្វ ជាពិសេសសាច់មាន់ និងសាច់ក្រហម ហានិភ័យនៃភាពគ្មានកូនដោយសារតែanovulation ត្រូវបានធ្លាក់ចុះរហូតដល់ជាង50%។

៣. ផលិតផលទឹកដោះគោ៖ ការសិក្សាមួយក្នុងឆ្នាំ ២០០៦ បានបង្ហាញថា ស្ត្រីដែលទទួលទានទឹកដោះគោជាប្រចាំ ដូចជាទឹកដោះគោស្រស់ ទឹកដោះគោជូរ អាចមមានឱកាសមានកូន លើសស្រ្តីធម្មតារហូត៥ដង។ ពីព្រោះនៅពេលដែលស្ត្រីទទួលទានផលិតផលទឹកដោះគោក្នុងបរិមាណសមស្របតាមការណែនាំ ធ្វើឱ្យនាងងាយនឹងបញ្ចេញពងញីច្រើន ក្នុងអំឡុងពេលនៃការបញ្ចេញពងអូវុល ហើយនេះបង្កើនឱកាសរបស់នាងក្នុងការមានកូនខ្ពស់បំផុត៕ អត្ថបទដោយ៖ ទ្រ សុភាព