សព្វថ្ងៃនេះ មនុស្សជាច្រើនបានលើសកូឡេស្តេរ៉ុលអាក្រក់ច្រើន ហៅថា ខ្លាញ់អាក្រក់ វាបង្កជំងឺគាំងបេះដូង ស្ទុះសរសៃឈាម និងធាត់ជាដើម។ បើអ្នកចង់ការពារបញ្ហាទាំងនេះ គ្រាន់តែអ្នកកាត់បន្ថយជាតិខ្លាញ់ ជាតិស្ករ និងជាតិប្រៃនោះ ខ្លាញ់ក្នុងខ្លួនរបស់អ្នកនឹងឆាប់ស្រកគីឡូមិនខាន។ ជាពិសេសអ្នកញ៉ាំគ្រាប់ធញ្ញជាតិ ១នេះជួយប៉ូវសុខភាព ដេញជាតិខ្លាញ់ ឱ្យអ្នកមានរាងស្លឹមលឿនជាងពេលធម្មតា។ គ្រាប់ធញ្ញជាតិមួយណា?
ចម្លើយគឺញ៉ាំគ្រាប់ធញ្ញជាតិអាល់ម៉ុនប្រហែល ២០ទៅ៣០g ក្នុងមួយថ្ងៃជួយផ្តល់នូវជាតិខ្លាញ់ ជាតិសរសៃមិនឆ្អែត ដើម្បីកាត់បន្ថយកូឡេស្តេរ៉ុលអាក្រក់ និងរក្សាកូឡេស្តេរ៉ុលល្អ ហើយសម្អាតបន្ទះជាតិខ្លាញ់ក្នុងសរសៃឈាមបានល្អ។ តាមគេហទំព័រ Vnexpress បានចុះផ្សាយថា ខ្លាញ់ដែលមានសុខភាពល្អនៅក្នុងគ្រាប់អាល់ម៉ុនធ្វើឱ្យភ្នាសកោសិកាមានស្ថេរភាព និងគ្រប់គ្រងជាតិស្ករក្នុងឈាម ការពារជំងឺទឹកនោមផ្អែមផងដែរ។ មនុស្សពេញវ័យអាចញ៉ាំគ្រាប់អាល់ម៉ុន ២០-៣០g ក្នុងមួយថ្ងៃ (ស្មើនឹងគ្រាប់ ១៥-២០ ឬ២០ទៅ២៣គ្រាប់គឺបានហើយ) រួមផ្សំជាមួយនឹងរបបអាហារដែលសម្បូរទៅដោយបន្លែបៃតង ត្រីខ្លាញ់ និងគ្រាប់ធញ្ញជាតិ... ច្បាស់ណាស់! ខ្លាញ់អាក្រក់កាន់តែបាត់បង់ កាន់តែលឿនពីរាងកាយ។ បើអ្នកចង់សម្រកគីឡូឱ្យមានប្រសិទ្ធភាព ចូរអ្នកធ្វើលំហាត់ប្រាណបន្ថែម រួចហើយកាត់បន្ថយជាតិស្ករ។
យោងតាមលោកវេជ្ជបណ្ឌិត Dao Thi Yen Thuy ជាប្រធាននាយកដ្ឋានអាហារូបត្ថម្ភនៅមន្ទីរពេទ្យទូទៅ Tam Anh មានប្រសាន៍ថា គ្រាប់អាល់ម៉ុនសម្បូរទៅដោយជាតិសរសៃរលាយជួយស្រូបយកកូឡេស្តេរ៉ុលអាក្រក់ចេញពីពោះវៀន។ ព្រោះនៅក្នុងគ្រាប់អាល់ម៉ុនមានជាតិវីតាមីនE និងសារធាតុប្រឆាំងអុកស៊ីតកម្មជួយកាត់បន្ថយភាពតានតឹងអុកស៊ីតកម្ម ការរលាករ៉ាំរ៉ៃ ការពារជំងឺ dyslipidemia និងជំងឺបេះដូងបានយ៉ាងល្អថែមទៀត។
អ្នកដែលចូលញ៉ាំគ្រាប់អាល់ម៉ុនភាគច្រើនជួយសម្រកគីឡូ កម្ចាត់ខ្លាញ់ក្បាលពោះបានលឿន។ ព្រោះគ្រាប់ធញ្ញជាតិនេះវាសម្បូរទៅដោយខ្លាញ់ល្អ ជាតិសរសៃ ប្រូតេអ៊ីន កាល់ស្យូម និងវីតាមីនE ដើម្បីជួយរំលាយខ្លាញ់ក្បាលពោះ។ បើយោងតាមគេហទំព័រ California Almonds បានបញ្ជាក់ថា ការញ៉ាំគ្រាប់អាល់ម៉ុនពី ២០ ទៅ ២៣ គ្រាប់ក្នុងមួយថ្ងៃជាបរិមាណល្អសម្រាប់រាងកាយ។ ការញ៉ាំគ្រាប់អាល់ម៉ុនទាំងជួយបញ្ចុះសម្ពាធឈាម បញ្ចុះកូឡេស្ដេរ៉ូល និងកាត់បន្ថយកម្រិតជាតិស្ករក្នុងរាងកាយយ៉ាងល្អ៕ អត្ថបទដោយ៖ ទ្រ សុភាព