បើអ្នកមិនប្រយ័ត្នកូនចំពោះចំណីអាហារទេ កូនរបស់អ្នកនឹងមានបញ្ហាសុខភាពជាមិនខានទេ។ ដូចជាករណីមានក្មេងៗ ចូលចិត្តញ៉ាំអាហារនិងភេសៈផ្អែមៗ នាំឱ្យកើតជំងឺទឹកនោមផ្អែម។ យោងតាមលោកសាស្ត្រាចារ្យ ឃុន លាងឈុន អនុប្រធានមន្ទីរពេទ្យគន្ធបុប្ឆាខេត្តសៀមរាបបានបញ្ជាក់ថា មានកុមារជិត ៧០០នាក់កំពុងមានផ្ទុកជំងឺទឹកនោមផ្អែមប្រភេទ១ ជាចំនួនច្រើនគួរឱ្យព្រួយបារម្ភ”។ កុមារញ៉ាំអាហារសម្បូរជាតិសរសៃជាវិធីជួយការពារកូនរបស់អ្នកចេញពីជំងឺទល់លាមក សដូងបាត និងជំងឺមហារីកពោះវៀនធំ។
បើឪពុកម្តាយចង់ឱ្យកូនមានសុខភាពល្អការពារជំងឺទឹកនោមផ្អែមនិងមហារីក គួរឱ្យពួកគេញ៉ាំអាហារមានជាតិសរសៃដើម្បីកាត់បន្ថយកម្រិតជាតិស្ករក្នុងឈាម។ សរសៃទាំងនេះអាចរារាំងការស្រូបយកជាតិស្ករក្នុងកោសិកាឈាមជាហេតុបណ្តាលឱ្យកម្រិតជាតិស្ករក្នុងឈាមទាបនៅក្នុងខ្លួនកុមារ។ អាហារសម្បូជាតិសរសៃនោះមានដូចជា ផ្លែប៉ោម ផ្លាខាត់ណា គ្រាប់អាល់ម៉ុន ដំឡូង ចេក ផ្លែបឺរ ផ្លែបឺរី និងសណ្តែក ដើម្បីជំនួយដល់ការរំលាយអាហារ និងផ្តល់ថាមពលកាន់តែច្រើនដល់កុមារផងដែរ។
អាហារទាំង ៨នេះសម្បូរទៅដោយជាតិសរសៃល្អបំផុតជួយឱ្យកុមារមានអារម្មណ៍ឆ្អែតបានយូរហើយថែមទាំងផ្តល់ថាមពលដល់ខួរក្បាលកុមាររៀនពេញមួយថ្ងៃទៀត។ ហើយវាជួយរក្សាប្រព័ន្ធរំលាយអាហាររបស់កុមារឱ្យដំណើរការរលូន។ ពេលកូនរបស់អ្នកទទួលបានជាតិសរសៃច្រើនក្នុងរបបអាហារជាប្រចាំថ្ងៃនោះ កូនៗ របស់អ្នកក៏មានការថយចុះហានិភ័យចំពោះជំងឺបេះដូង ជំងឺទឹកនោមផ្អែមប្រភេទទី២ ជំងឺធាត់ និងជំងឺមហារីកផងដែរ៕ អត្តបទដោយ៖ ទ្រ សុភាព